好多人都會趁春天天氣和暖、百花盛開，出去遠足踏青。肚餓多數都會野餐或者燒烤解決。

喺俄羅斯遠東嘅堪察加地區，有登山客居然就地取材，喺活火山嘅熔岩煮香腸。佢哋登上嘅係海拔4835公尺、屬於歐亞大陸最高嘅克柳切夫火山。係世界自然遺產「堪察加火山群」嘅一部份。呢座火山幾乎年年爆發，當地人更視之為聖地。

根據登山團一名成員表示，佢哋喺熔岩冷卻時登上火山，但喺某些地點熔岩仍然發出閃光。佢哋前一晚登上火山口外圍，並直接窺探火山內部。據《今日俄羅斯》報道，登山客相信係當地有經驗嘅探險家，大部分都有經營自己嘅旅行社。

影片發佈後引起當局緊張。當地緊急狀況部門發佈官方警告，呼籲大家唔好攀登火山。當局提醒火山爆發對人非常危險，除咗熔岩流本身，仲有熾熱嘅熔岩接觸到冰雪時產生嘅蒸氣爆發。

從俄羅斯首都莫斯科飛往堪察加半島需時八小時。當地有大約160座火山。除咗克柳切夫火山以外，克羅諾基火山亦都以其完美型態著名。由於當地沒有聯外道路，乘坐飛機係主要交通方式，使旅費變得高昂。

Now, this is awesome: a group of Russian hikers climbed up Klyuchevskaya Sopka, the highest active volcano in Eurasia, and cooked sausages on the cooling lava! pic.twitter.com/aID6ve73Yd

— Jonny Tickle (@jonnytickle) March 18, 2021

近期喺香港吹起一陣愛「荽」風潮，「黨員」群組甚至多達34,000人！如今呢股愛「荽」風潮亦都吹到嚟澳門啦！有素食餐廳特意為各位「荽友」推出系列菜式。身為「荽友」一分子，濠記亦都上去踩場，睇吓佢哋有幾「荽」！

呢間餐廳推出咗六款菜色供各位「荽友」品嚐，我哋精選咗其中三樣，分別有啖啖芫荽新豬肉漢堡、芫荽香煎素帶子意大利麵同奶蓋特濃芫荽汁。其中奶蓋特濃芫荽汁更係海名居店限定𠻹！ 首先係義大利麵：素帶子係用雞肶菇整成，外形可以話係九成似真帶子，義大利麵除咗新鮮芫荽，仲加入咗蕃茄仔同埋果仁，令口感更豐富，而麵底雖則係採取義大利傳統青醬（pesto）嘅手法，但加入芫荽，食落居然會有緬甸椰汁雞麵嘅口味，令人十分驚奇！

啖啖芫荽新豬肉漢堡，芫荽以醬汁嘅形式存在，經過加熱味道變得溫和。再配以青瓜同生菜，中和咗偏鹹嘅新豬肉（可以參考舊年我嘅開箱文）。

至於飲品方面，奶蓋特濃芫荽汁，杯中係芫荽汁，上面係香草杏仁奶，最上面以芫荽葉裝飾，似係各位荽友嘅終極測試！不過實際飲落去，清新得嚟又唔怕有一陣臭青味，相信係一般人都接受得到。而杏仁奶甜得嚟亦相當濃郁，更係朋友至愛呀！

VEGA VEGA我行我素（海名居店）
地址：黑沙環中街海名居地下S舖
電話：28413636
營業時間：11:30 – 21:30

朱古力係好多小朋友同女性嘅至愛。黑朱古力更有益心臟、提升情緒嘅功效！

不過下次大家去台灣旅行，買朱古力（巧克力）食嘅時候，就要注意啦！當地食藥署尋日宣布，明年元旦起，有餡朱古力嘅朱古力含量須達25%，並且喺品名前標示「含餡」或「加工」等同義詞。而且所有朱古力產品嘅植物油含量不得超過總重量5%，否則就唔可以稱為「朱古力」。

食藥署食品組科長李婉媜以金莎朱古力為例，指未來品名唔可以再寫金莎「巧克力」，而需要添加「含餡」或者「加工」二字，變成金莎「含餡巧克力」；但如果業者認為餡料係榛子，亦可以以「金莎榛果巧克力」命名。

另外當地著名品牌「大波露巧克力」將配合新規定修改名稱，初步預計明年起以「大波露可可風味糖」新包裝重新上市。

（中央社／聯合報）

今日係大年初七，即係人日。各地都有不同嘅慶祝方式。而當中最有趣嘅，就要數到馬來西亞同新加坡流行嘅「撈生」啦！魚生加上色彩繽紛嘅蔬菜，食嘅時候大家一邊撈，一邊嗌「撈起」，有色、有聲、有味，非常過癮！

不過「撈生」發源地喺邊度？就連搜尋網站Google都左右為難。

馬來西亞鄉音考古工作者、新晉導演張吉安認為， 追溯馬新華人文化的源頭和變遷，必須從「馬來亞」華人文化概念作為基礎，也就是當年的石叻坡和馬來亞，因為馬新在歷史上本一體，所以去區分、甚至強說撈生屬於現在的馬來西亞或新加坡，略顯不恰當。

「畢竟除了撈生、其他的如肉骨茶、海南雞飯等也陷入一番爭奪。其實更貼切的說法是，大部分華人飲食脈絡起源於中國原鄉，變革新創則在『馬來亞』，甚至是東南亞。」

他說，其實，魚生本是屬於廣府人的飲食文化，也就是源自中國廣東珠江三角洲的民間料理，後來隨著南來的廣府祖輩帶來東南亞，尤其是「魚生粥」的吃法最普遍。

「後來演變成將魚生變成『七彩撈生』文化，則綜合了潮州、客家與閩南人的飲食文化。畢竟，馬來亞華人的籍貫融合也隨著南來祖輩生活在一起混搭起來，相互影響。」

他補充，除了「魚生」，早期潮州人和閩南人會吃「七樣羹」，將七種菜，包括芹菜、韭菜、芥菜、菠菜、生菜、蔥頭、蒜頭，煮成一鍋雜菜羹湯，因此初七被譽為「人日」。

「『人日』是民間傳說女媧造人，是『人類』的誕生日，再深受佛教持素和道教持齋的影響下，藉著吃七樣素菜帶來好運。」

他說，同樣的，昔日客家都有七樣羹，不一樣的是保留了芹菜、韭菜、芥菜、蔥頭、蒜頭，另外則多了豬肉和魚肉的羹湯。至於擂茶，則是源自揭西河婆客家人的專屬在地料理。

「由此可見，廣府人的吃魚生文化混入了潮州、閩南和客家的七樣羹，是有跡可尋的。至於『撈』這個字面，有兩個意思，一是攪拌，另一個則是『討生活』的意思，比如廣府人常說『撈得唔錯』、『撈邊行』、『撈得起』都是跟賺錢討生活有關，所以『撈生』這個詞，則源自廣府人的順口溜『撈得風生水起』的縮寫。」

最後，張吉安也點出，如果此後，谷歌為「撈生」 的發源地（Place of Origin）改為「大馬和新加坡」，會否就皆大歡喜？

（馬來西亞《東方日報》）

近期臺灣桃園醫院出現新型肺炎疫情，至今已經有15人確診。很多當地民眾都送上各種物資，為留守院內的醫護人員加油打氣。

不過有人送上500個鳳梨酥，就引來熱烈討論。

原來在臺灣醫療界有一種迷信，不喜歡別人送菠蘿（鳳梨）作禮物，因其閩南語（臺語）名稱「王梨」諧音「旺來」，有病人「客似雲來」的意義。

有社運人士就引述大林慈濟醫院的實證研究，指在鳳梨產季及非產季，紀錄有吃鳳梨及沒吃鳳梨的醫生，在上班當日會有幾次應診，結果卻發現，不管是哪個季節，都是沒吃鳳梨的醫生應診的次數比較高。他又以農曆七月番石榴（芭樂）因迷信而滯銷的情況為例，呼籲大家支持臺灣農民，傳統也應與時並進。

尋日同大家分享過有關馬介休嘅新聞。今日再同大家講吓馬介休。

尋日提過，葡國人平安夜食馬介休，係因為呢一日喺天主教傳統上係守齋戒嘅日子，即係唔食溫血動物（雞鴨鵝豬牛羊）。呢一個習俗喺同樣信奉天主教嘅義大利都有。

葡國人整馬介休有好多種方法，相傳有三百幾種，一年中每日一款都唔怕重覆。以下介紹一啲常見嘅種類。下次嚟澳門或者去葡國，想食馬介休，就唔怕唔識叫啦！

• 首先，最入門級嘅係將魚肉捏碎，混合薯仔炸成馬介休球，葡文叫做Bolinhos de bacalhau（9）。Bolinhos係「小球」咁解，「球」係Bola。
• Arroz de Bacalhau（1）就係馬介休飯。Arroz就係米嘅意思。
• Bacalhau com Todos（7）係白烚馬介休。會配烚蛋、烚薯仔、烚紅蘿蔔、烚椰菜等。Todos就係「乜都有」咁解。係里斯本人至愛。
• Bacalhau com natas（2）係忌廉（奶油）焗馬介休。葡撻嘅葡文名pastel de nata都有nata呢個詞，所以佢其實除咗蛋漿外，仲要加入忌廉。
• Bacalhau à brás（3）係薯絲馬介休。
• Bacalhau à lagareiro（5）係燒馬介休，配薯仔、炸蒜片，再淋上大量橄欖油，源自南部貝拉地區。
• Bacalhau com Broa（4）係麵包糠焗馬介休。Broa係葡國最家常嘅麵包，一般用粟米做，非常粗。
• Bacalhau à Gomes de Sá（6），高美士焗馬介休。Gomes de Sá係發明呢道菜嘅人。源自北部波圖嘅菜色。
• Bacalhau à Zé do Pipo（8），馬介休薯蓉批。Zé do Pipo係發明呢道菜嘅人。煮嘅時候加蛋黃醬。另一個源自波圖嘅菜色。