Trick or treat!（不給糖就搗蛋！）

一年一度的萬聖節前夕（Halloween）快要來了。各位家長，除了為自己的寶貝準備特別的打扮外，準備好你的糖果，請小朋友吃沒有？各大商店當然也會看準時機，在貨架上擺滿各式糖果任君選擇。

你又知道在美國，哪一種糖果在節日期間最受歡迎呢？根據美國食品雜貨配送商Instacart的調查顯示，美國各州對糖果都有各自的偏愛。

調查發現，從全美層面而言，經典品牌仍然具有吸引力，而且大部份在本澳商號都有售賣。按銷售重量計算，全美去年十月銷量最高的糖果分別是花生M&M’s和M&M’s。里斯（Reese’s）花生醬朱古力、好時（Hershey’s）以及 Twizzlers扭扭糖緊隨其後。頭十名當中朱古力佔了超過一半。

全美糖果銷售排名（2020年10月，按銷售重量）

1. 花生M&M’s
2. M&M’s
3. 里斯（Reese’s）花生醬朱古力
4. 好時牛奶朱古力
5. Twizzlers扭扭糖
6. 士力架（Snickers）朱古力
7. Kit Kat朱古力
8. 粟米糖（Candy Corn）
9. Sour Patch Kids軟糖
10. Haribo德國熊仔橡皮糖

按地區分佈，Twizzlers盤踞中西部各州，而另一種前十名不入的扭扭糖Red Vines佔據整個美國西岸，包括人口最多的加州，以及阿拉斯加和夏威夷。粟米糖在中南部六個州、科羅拉多以堪薩斯有最多捧場者。而一般難與萬聖節聯想起來的金莎，在紐約和新澤西最受歡迎。相反M&M’s只有在內布拉斯加一州排行第一。

在消費量方面，全美消費糖果最多的州份都在西岸，分別是猶他、愛達荷、阿拉斯加、蒙大拿和華盛頓，而東岸糖果的消費量較少，消費量最低的五個州有四個都在東岸。

調查也發現，有53%肓有18歲以下子女的家長表示，「肯定會」或「或許會」在小孩的糖果中搶一點點供自己享用。過半數人則認為，在萬聖節，糖果比服裝更重要。

小知識：萬聖節前夕、諸聖節、追思節

一般所指的萬聖節（Halloween，10月31日）其實是西方基督教年曆中諸聖節（All Saints’ Day，11月1日）的前日，是結合了愛爾蘭凱爾特文化和基督教文化的節日。

萬聖節前夕（或萬聖夜）原來是天主教傳入愛爾蘭前的節目，象徵冬季的開始。古愛爾蘭人認為，這是百鬼亡魂從陰間來到人間的時期。人們會獻上酒食祭奠，並會穿上奇裝異服到街上巡遊，向住家索取食物，以求得好運。

天主教傳入愛爾蘭後，移風易俗，改為慶祝諸聖節，紀念天上諸聖。此後還有追思節（All Souls’ Day，11月2日），是西方人紀念先人、為他們祈禱的日子。人們通常會在先人墳前獻花、點燃蠟燭。這一節日在墨西哥更與當地原住民文化結合，更為盛大。受葡國天主教文化影響，追思節也是澳門的公眾假期。

（Travel and Leisure）

中秋節假後，食完月餅又食蟹，好多朋友都嗌住要減返之前累積嘅脂肪。不過，所謂「食欲之秋」，秋天係農作收穫嘅季節，大地亦為我哋提供咗天然又豐富嘅食材。

喺俄羅斯，蘑菇（грибы）以豐富嘅蛋白質，為窮苦嘅農民提供食糧，亦係東正教徒齋戒時肉食嘅替代品。每年十月中以前係採蘑菇（Собирать грибы）嘅時節，呢個活動更有「寧靜狩獵」（тихая охота）的雅號。

但根據當地志願搜救組織LizaAlert資料顯示，今年至上月底，俄羅斯已經有超過5000人喺森林失蹤，其中667人不幸遇難、368人仍下落不明。組織分析，失蹤人士距離出發地點通常約2至3公里，而死亡者九成死於低溫症，其餘死於脫水及其他原因。組織負責人稱失蹤人數同蘑菇收成多寡直接相關。

組織建議民眾，出發前往森林之前應準備帶有生火工具、水、指南針、鋁箔救生毯同藥物嘅應急包，並應該穿著鮮色嘅衣物。出發前要對前往嘅地方做研究，但唔建議使用移動導航裝置，或者利用苔蘚同蟻穴喺樹木生長嘅位置等辨別方向嘅傳統方法。

（俄羅斯《消息報》）

所謂「秋風起，蟹正肥」，中秋節除咗月餅之外，大閘蟹都係一種應節食品。

不過今年中秋節，就肯定無來自原產地江蘇陽澄湖嘅大閘蟹啦！

據內地《北京日報》從陽澄湖大閘蟹行業協會內部人士處獲悉，協會於9月3日召開會議，擬訂9月22日，即係農曆八月十六，為陽澄湖大閘蟹統一開捕上市嘅日子。

按照往年流程安排，協會將於開捕日當天淩晨統一發放防偽標識給農戶及銷售公司，佩戴防偽標識後嘅陽澄湖大閘蟹先至獲准許離開陽澄湖上市銷售。

據北京方莊橋一間陽澄湖大閘蟹專賣店嘅尚女士介紹，開捕日期是根據蟹成熟期訂嘅，提早撈蟹成活率低，蟹亦都唔會好吃。陽澄湖大閘蟹嘅最佳食用時間是農曆九月和十月。尚女士話：「開捕當天下午會有第一批蟹空運到店，中秋不開捕就肯定沒有蟹賣。我們會堅決遵守協會訂的開捕日期，不會為了中秋提前開售。」

記者從協會獲悉，為配合防疫要求，今年開捕節儀式將採用雲端直播形式進行，現場唔會有觀眾，只邀請少量媒體同會員代表參加。

舊文重溫

今年陽澄湖大閘蟹9.23開捕 中秋無蟹上市

仲有九日就係中秋節啦！大家準備好各種月餅果品，同屋企人共渡佳節未呢？

不過如果要寄運月餅返內地就要注意啦！拱北海日前提醒，根據《中華人民共和國禁止攜帶、郵寄進境的動植物及其產品名錄》規定，包括內臟的生、熟肉類及其製品，以及蛋及其製品禁止攜帶、郵寄入境。

據拱北海關解釋，月餅含有肉類成分及蛋黃，存在攜帶禽流感、口蹄疫及其他檢疫性疫病傳播嘅風險，而且，攜帶、郵寄嘅部分月餅經過長途運輸容易變質。因此，目前部分國家和地區對郵寄月餅採取嚴格限制措施，其中德國、法國、丹麥、西班牙、比利時、瑞典、瑞士、俄羅斯、捷克等34個國家和地區明令禁止收寄月餅；而禁止寄遞含有豬肉成分月餅嘅國家有印尼、馬來西亞、加拿大、巴基斯坦、尼泊爾、柬埔寨、伊朗、埃及等。

另外，具有繁殖能力嘅植物種子和新鮮水果極易攜帶外來有害生物，禁止攜帶、郵寄入境。但不含肉餡嘅五仁月餅，當中嘅杏仁、桃仁等已經過高溫熟制，失去了繁殖能力，水果月餅中嘅果蓉也已經過深加工，不存在攜帶有害生物嘅風險。因此，五仁同水果月餅都可以攜帶進境。

拱北海關提醒，喺跨境選購、郵寄月餅之前，記得提前瞭解我國及目的地國家和地區相關檢疫要求，個人攜帶月餅進境應以自用、合理數量為限，切勿超量。

各位鍾意食海鮮嘅朋友，有好消息呀！

根據全球性非營利自然生態保護機構國際自然保護聯盟（IUCN）最新資料顯示，經過十年保育工作，全球吞拿魚數量開始從絕種邊緣恢復過來。但某些吞拿魚品種，數量仍大幅減少。

十年前，大部份吞拿魚品種都有絕種危險。但在保育人士和業界的努力，採取了包括嚴格的配額制、打擊非法捕魚等措施下，部份地區的吞拿魚數量似乎有所恢復。

其中大西洋藍鰭吞拿由瀕危調升到無危，南方藍鰭吞拿由極危調升至瀕危。長鰭和黃鰭吞拿由易危調升至無危。但西大西洋的藍鰭吞拿以及印度洋的黃鰭吞拿數量仍值得關注。

不過，組織指出，海洋生物所面臨的壓力仍持續增加。

同時，壞消息是，由於魚翅和魚肉的需求、氣候變化和環境污染，全球有四成鯊魚和鰩魚品種面臨絕種威脅。而現存最大的蜥蝪科莫多龍，由於氣候變化、棲息地受海平面上升影響，加深了其絕種危機。

上述數據是在目前正在法國馬賽舉行的聯盟大會上發表。聯盟總幹事表示：「吞拿魚數量增加，是一個有力的訊號，如果各國堅持實踐可持續原則，即使海洋面對的壓力增加，物種是仍然可以恢復過來的。」他呼籲與會者把握機會，對保護生物多樣性提出更高目標。

編製IUCN物種紅色名錄小組組長 Craig Hilton-Taylor表示：「數據對公眾的訊息是，像長鰭吞拿這些市面上常見的食用海產，已經是無危品種了，意思是人們在吃的這些品種是以可持續方式捕獲的，數量管理狀況良好。」

（英國廣播公司）

新加坡9月1日（星期三）起實施新規定，在小販中心進餐後不自覺回收餐盤會被有機會被罰款。

當地早前已經推出了三個月的勸籲期，9月1日後將會對有關行為採取執法行動。食客不自覺回收餐盤，一經發現，第一次會作書面警告，再犯會罰款300新加坡元（折合約179澳門元）。累犯者要接受法院審訊，初次罰款為2000元。

相關規定會在明年1月1日起擴大至咖啡店和美食廣場。

（新加坡《海峽時報》）

疫情發生已經超過一年半啦。仲記得上次坐飛機係幾時呢？上次食飛機餐係幾時呢？而你食過最好同最差嘅又係點嘅呢？

大家都知道為咗控制成本，廉價航空嘅其中一個特色就係no-frills，即係基本服務以外，細至一枝水、一個麵包都要額外收錢。咁但係有啲廉航出名係一分錢，都未必有一分貨。以下係最新一個例子。

愛爾蘭一名暢銷犯罪小說作家Liz Nugent上星期五喺社交網站分享咗佢朋友、女賽車手Aimee Woods乘坐瑞安航空（Ryanair）時影嘅相，話喺機上用5.5歐元（折合約52澳門元）買咗一份煙肉三文治，結果原來塊麵包無搽牛油，上面嘅煙肉只有薄薄兩片，每片都得麵包長度嘅大約一半。事主形容呢份三文治係 the world’s saddest bacon sandwich（世上最可悲嘅三文治）。但佢冇退貨要求回水，因為當時實在「太餓」。

相片引起網上熱烈討論。有人話成件事好似一件思考練習，究竟要將煙肉三文治嘅概念扯到幾薄就再唔算係一件「煙肉三文治」。又有人話航空公司係咪連牛油錢都要單獨收費。亦有人話：除咗冇牛油、醬料同似樣配菜外，諗起有人要將一薄片肉再撕開勒緊褲頭，同樣令人擔心。

不過有人批評事主唔理解，過去一年半為航空業係十分艱困嘅時期。Aimee Woods回應話：「我還是享受了一段美好嘅航程，乘務員都好優秀。我只係覺得件三文治幾風趣同埋有啲貴。我始終都食咗件三文治。老實講，未必會有人因為三文治嘅質量而唔去乘坐某家航空公司嘅航班。」航空公司對此尚未作出回應。

（英國《都市日報》）

今年繼續不宜外遊。

想「環遊世界」，用美食作為媒介，是比較安全的選擇。可喜的是，各大綜合度假村繼續推陳出新。其中一家今年開業的度假村，近日也有一家新餐廳試業中，濠記早前就去嚐了鮮。

與同一家度假村的另一家英式餐廳不同，這家餐廳走傳統的英式風格。從裝修而言，除了傳統的英式吧台外，還有以自然風版畫裝飾的牆身，以及木架櫥窗，讓飲食多了一種知性感覺。

菜譜方面，除了傳統的英國菜以外，餐廳還有一些傳統的廣東菜，像雲吞麵等。不過人心無限，胃納有限，還是集中在英國菜上吧！

• 

• 

• 

• 

• 

• 

按照西餐傳統，先上麵包。麵包盛在布籃中，墊上稻草，十分有農家感覺。用手抓起來不會冷冰冰，但又不會熱到燙手，剛剛好。有咬勁的麵包，加上鮮香的牛油，應該是繼美高梅後又本地一家不可錯過的麵包。不過牛油來自愛爾蘭，而非真正大不列顛出品，要扣分：英格蘭、蘇格蘭、威爾斯酪農場不少，應該可以找到夠水準的。

正如非裔美國人星期日必食炸雞，英國人星期日傳統上必食烤牛肉配約克夏「布丁」，更隆重到要以星期日冠名，謂之Sunday Roast，餐廳也有供應。不過再加上其他配菜，「二人份」Sunday Roast（MOP688）更適合三人或以上分享。為了多嚐幾種菜式，還是要downsize，分別點了72小時慢煮牛肋肉、牛面肉批、沙律、炸魚薯條。然後一人一杯四百次咖啡和抹茶，說是要向澳門始創者「致敬」。

朋友不沾海產，炸魚薯條自然是獨家享用。上菜份量也適合晚餐不想吸收太多的朋友。炸魚外皮薄而脆，合格。但驚喜在於那片魚，除了慣用的「嫩滑」，濠記竟然能吃出「多汁」兩個字，整個人就有如置身在大海之中！

牛肉原鍋上，不失豪氣。經過72小時慢煮，牛肉非常嫩滑，入口即溶，連長者和小孩都可以安心享用不怕塞牙。再加上青豆醬汁，更為惹味。唯一要後悔的是，又一次太早把麵包吃完，無法沾肉汁，做到「汁都撈埋」……牛肉批味道不錯，不過如果同場有牛肉菜式，務必要在上主菜前吃了，否則恐有味蕾麻木之虞，浪費廚師心血。

• 

• 

• 

• 

• 

喜公館 The Conservatory

營業時間：星期日至四早上7時至凌晨12時
星期五及六早上7時至凌晨1時
電話：+853 8113 1200
地址：澳門倫敦人澳門喜來登大酒店一樓

繼阿根廷喺老對手巴西主場奪得美洲國家杯，自1994年以來首次奪得國際大賽冠軍後，今晚深夜凌晨3:00，英格蘭將會喺溫布萊主場面對意大利，問鼎55年來第一個國際大賽冠軍。就連高齡95歲、喺1966年親自向英格蘭國家隊頒發雷米金盃嘅英女王都親自寫信比英格蘭領隊修夫基。可以話舉國上下對今晚嘅比賽都寄予厚望。

大戰當前，兩地球迷互相開對手玩笑當然少不了。例如英國廣播公司就引述意大利《共和國報》駐倫敦記者提出嘅問題：「英格蘭人真係會喺薄餅上面放菠蘿嗎？」佢嘅結論係：「佢哋好少咁樣做，但係真正嘅問題係喺卡邦尼意粉入面加忌廉。」

意大利人對於自己嘅飲食文化非常之重視，喺好多人眼中係薄餅加上菠蘿，可以話係罪大惡極（其實薄餅鋪上菠蘿，係希臘裔加拿大人嘅發明）。不過台灣人似乎一於少理，喺奇異口味薄餅嘅道路上越走越遠！

喺意大利人眼中嘅奇異口味，其實都係台灣最傳統嘅口味。例如台灣Pizza Hut就推出咗「芫茜皮蛋豬血糕薄餅」，仲要灑上一層花生粉，好似返咗去台灣夜市咁樣！

呢一款薄餅上面兩種材料豬血糕同埋芫荽，都係相當具爭議性嘅食材，鍾意嘅就好鍾意，憎嘅就好憎，係冇中間路線可言。例如台灣著名youTuber 視網膜（陳子見）本身就唔鍾意芫荽，專登訂咗一個「走芫荽走豬血糕」嘅薄餅，結果收到個薄餅只係有一層金黃色嘅花生粉，佢嘅反應竟然係：「這樣就對了，最完美的披薩，看起來超級好吃」。

不過仲有更地獄級嘅薄餅！有業界推出雞佛（臺灣人對雞子的稱呼）薄餅，更選用比普通雞子大幾倍、有小朋友拳頭咁大嘅火雞子焗製，而且仲係件件都有成隻雞子，人人有份！薄餅仲有日式柴魚、泰式風味、海鹽三種口味任君選擇，主打中南部市場，第一日更已經賣出超過200份。據食過嘅人話，外皮有少少韌，一爆開就有汁噴出嚟，質感似豬腦、豆腐，不過汁液有啲腥，但有泰式調味汁中和到。

其實雞子喺台菜傳統上都係以麻油配製，用嚟畀婦女產後進補，亦都係火鍋常見材料。

雖然台灣呢啲口味奇特嘅薄餅短期內都食唔到㗎啦，但係各位準備觀戰嘅朋友，又會唔會叫（整）返件薄餅或者炸魚薯條，再買兩支啤酒，為今晚增加氣氛呢？