今日係「地球日」，今年嘅主題係「保護我們的物種」。

今年嘅主題令人難過：我哋正經歷緊自六千五萬年前、恐龍絕種以來，地球上最大規模嘅滅絕事件。

而今次係人類一手造成，而且仲係發生緊喺你同我眼前。

普通如蜜蜂，大如鯨魚，小至珊瑚，稀有至圖中繪畫嘅、存世只有三隻（最近有一隻做完人工授精死咗）的斑鱉（音別，廣東話稱之為「水魚」也）。佢哋都係生態系統嘅一部分。一個品種消失，係無得返轉頭，亦會令整個生態環境起到不可逆轉嘅影響。 到時我哋就只能喺書本、標本度睇到佢哋啦。

如果再唔做嘢、保護地球上嘅物種，最終受害嘅始終係我哋人類。對我哋下一代亦唔公平。

如何睇到斑鱉標本：

越南首都河內嘅玉山寺，位於還劍湖中嘅小島上

地球日網絡介紹
https://urlzs.com/PVQ9

紐約時報：越南巨鱉屍體被防腐保存，待遇堪比列寧、毛澤東https://urlzs.com/oapZ

（圖片來源：Gray, J. E. “Notes on Chinese Mud-Tortoises….”, Annals Mag of Nat Hist, ser 4, vol. XII, 1873. Plate V）

自去年非洲豬瘟從俄羅斯傳入中國內地以來，至今年4月，疫情已擴散至內地所有省市區。
據臺灣中央社引述日臺交流協會消息指，自今日（4月22日）起，日本農林水產省將嚴格處理違法攜帶畜產品，在任何情況下（包括個人消費或手信），若查獲違法攜入畜產品， 依據日本家畜傳染病預防法，將裁罰100萬日圓（折合72,192澳門元）以下罰金或3年以下徒刑。
根據日本農林水產省網站公告，22日起對從海外違法攜帶肉品將進行嚴格處理，只要行李中被查獲未申報的肉品等畜產品，都是罰則處罰的對象。
（圖片來源：Icon made by Freepik from http://www.flaticon.com）

斯里蘭卡🇱🇰復活節有六處遭遇炸彈襲擊，包括三家教堂以及首都科倫坡三家酒店。

英國廣播公司報道，六宗襲擊造成至少五十人喪生。另據《人民日報》報道，已有4名中國公民受傷送醫，使館領事官員已前往探視，傷者目前狀況穩定。

涉及的酒店包括香格里拉、Cinnamon Grand以及Kingsbury。

目前未有組織承認責任。

（16:53更新——旅遊危機處理辦公室密切關注斯里蘭卡連環爆炸事件，並與中國外交部駐澳門特派員公署保持緊密聯繫，跟進情況。

中國外交部駐澳門特派員公署指目前事件死傷者中沒有澳門居民。

旅遊危機辦沒有接到有關事件的查詢或求助個案。旅遊業界也指現時沒有接到澳門居民的查詢或求助。）

（18:00更新——已經發生了八次爆炸。除了早上三座教堂和三家酒店的爆炸外，在首都科倫坡市郊兩處又發生了爆炸，至少多兩人死亡。

斯里蘭卡政府已經宣佈晚六朝六實施宵禁，並管制社交媒體及訊息服務。前往首都國際機場的旅客須提前四小時到達機場辦理手續。）

（圖片來源：Dinuka Liyanawatte/Reuters、St Sebastian’s Church）

好多年前韓國有套電視劇叫《天國的階梯》，原來現實中真係有呢一條梯！佢正式名稱叫做聖梯（Scala Sancta），位於天主教會中樞、義大利首都羅馬。

經過一年的維修，聖梯上週四（11日）重開，人們更有幸於五旬節前，親身觸摸並走上耶穌踏過的石梯。

從上週四（11日）起至本年6月9日五旬節，朝聖者能觸摸並爬上此真實的雲石聖梯，觸摸耶穌所踏上的梯階。直到五旬節當天，一副新木架將會蓋着雲石聖梯。

聖梯修復負責人保羅．維奧里尼（Paolo Violini）表示，沒有人預計到能真實地走上耶穌踏過的聖梯，又解釋此概念是要讓人目睹聖梯的漂亮一面，以及不被木蓋蓋着的真面目：「一開始只是修復的工作，把原有的木蓋換走。但我們認為這個（公開聖梯真面目）的機會是重要的：我們想讓更多人以虔敬之心接觸它」，畢竟自十八世紀無人見過聖梯的真面目。

至聖小堂神師方濟各．格拉神父（Father Francesco Guerra）在聖梯重啟當天表示，對聖梯的真面目感到意外：「［細看］這些梯階都有不少損毀……都是時間的侵蝕、朝聖者慢慢跪上去的見證。此外，我們在第二級上發現一個紅色十字形狀的斑；另一個紅色十字斑則在第11級，也就是耶穌跌倒之處，更相傳耶穌跌倒時膝蓋把雲石裂開、並留有血跡的一處。」現時均有一個小鐵格把紅斑遮蓋着。

習俗上，朝聖者都會跪在聖梯，以膝蓋逐級爬上28級的石梯，期間可默想及誦念短誦或經文，以作補贖。若虔敬懺悔地登上聖梯，可取得全大赦。

這條市內最珍貴聖觸之一的聖梯，相傳是耶穌被帶到比拉多受審時踏過的石梯；並在公元313年——基督宗教正式成為羅馬帝國合法宗教——被君士坦丁大帝（Constantinus, 306-337）的母親聖海倫納（St. Helena）帶到羅馬。

聖梯位於羅馬主教（教宗）的主教座堂聖若望拉特朗大殿對面。自1723年，在得到時任教宗諾森十三世的要求，用木蓋把聖梯蓋着，以避免珍貴的聖觸磨蝕。

到了十九世紀，教宗庇護九世委任苦難會（Congregation of the Passionist Fathers）的神父打理聖梯。自1990年，神父們已開始籌備修復聖梯的工作。

聖梯的修復工程自去年年中開始，主要包括更新聖梯的保護木蓋、聖梯頂部的至聖小堂（Sancta Sanctorum），以及整體的壁畫等。這些壁畫皆為十三、十四世紀時的作品，當中包括舊約及新約的記載。

苦難會的神父已打理此小堂已有150年，他們都表示見證着聖梯的力量。其中一名苦難會神父指出，「我們的特別神修，就是透過接納每天各種微小的痛苦來生活，但最重要的是，我們知道主為了我們，以人類的力量，為我們面對這些痛苦。」

苦難會前總會長奧塔維亞．埃吉迪奧神父（Father Ottaviano d’Egidio）接受《NC Register》訪問時，表示聖梯能讓我們更深入地默想：「天主子民需要懂得默想耶穌所經歷的——當祂在死亡中奉獻自己並從死者中復活。在這程度上，聖梯不是死亡的標記，而是生命的標記。這個苦難發生了，但這個苦難就是帶領我們達致復活。」

聖梯小堂前往方法：

位於拉特朗聖若望廣場14號（Piazza San Giovanni in Laterano, 14）鄰近拉特朗聖若望大殿，羅馬地鐵A線聖若望站步行9分鐘

（文字：《號角報》，標題為〈聖梯維修後重開 五旬節前能觸摸耶穌踏過的聖梯〉；圖片來源：Elisabetta Povoledo / 紐約時報、Tiziana Fabi / 法新社）

想小朋友放假對少啲電子產品？想吸收新鮮空氣、親親大自然？機會嚟啦！

由生態教育及資源中心主辦嘅「2019澳門鷺鳥節：覓鷺——親子賞鳥活動」，將於下星期六（4月27日）舉行。

根據負責人Samson介紹，中心會喺世界各地舉辦類似活動，佢哋會選擇喺當地特有、值得保護嘅物種，進行公眾教育嘅活動，透過導賞、講座等，話畀當地人知道，喺佢哋咫尺之間就已經有好豐富嘅生態環境。

至於點解要揀鷺鳥做主題物種？原來鷺鳥係一個總稱，喺澳門常見嘅都有成五、六種，仲有每年遷徒來到嘅品種。Samson話：「鷺鳥對澳門嚟講，尤其是喺近二十年間，伴隨著城市高速發展、生態破壞，佢哋對澳門都依然不離不棄。所以因著呢樣嘢，我哋覺得已經值得話畀澳門市民聽，有一種動物，無論我哋變成點都好，都依然陪伴住我哋。」

另外，Samson又話，鷺鳥亦係我哋睇一個濕地生態系統重要嘅指標性物種：「就算一個地方冇一啲明星物種，可能有一啲普通嘅物種而可以繁殖得到、有一個穩定嘅族群，其實越多咁樣普通嘅雀仔、普通嘅蝴蝶、普通嘅蜻蜓，代表嗰度嘅生態系統係完整嘅，係一個應該受保護嘅地方。」

Samson希望喺鷺鳥繁殖嘅季節，舉辦親子同樂嘅活動，拉開鷺鳥節嘅序幕。佢又話喺澳門，除咗學校教育以外，喺民間對於呢方面嘅認識同活動都比較少，希望透過活動促進親子關係，亦可以令大人同小朋友吸收一啲生態知識，「認識澳門呢個咁漂亮嘅城市、咁亮嘅生態環境。」

是次活動會用上SWAROVSKI OPTIK嘅專業望遠鏡，可以畀到參加者有更好嘅觀鳥體驗！

日期：4月27日（星期六）
時間：下午3:00至4:30
集合地點：T424 海濱圓形地/生態保護區 巴士站
費用：全免
報名：https://bit.ly/2GvGZBS

前日版主分享過臺灣長榮航空公司勞資雙方三度協商最終失敗，而長榮空中服務員星期五（19日）宣布將啟動罷工。

根據《苦勞網》報道，空服員職業工會經會員代表大會決議通過，將在5月啟動長榮空服員罷工投票，工會呼籲長榮資方把握罷工前的最後機會回應工會訴求，並呼籲政府協助宣導罷工。

（圖片來源：Shutterstock/Michael Rosebrock）

剛剛成功衛冕「世界最佳機場」殊榮嘅新加坡樟宜機場，又有新睇頭啦！今次前日開幕、係連接第一航廈同第三航廈嘅「星耀樟宜」（Jewel Changi Airport）。

「星耀樟宜」樓高10層，耗資17億新加坡元（折合約101億澳門元），總面積達13萬平方米。除咗以無人駕駛列車「Skytrain」連接3個客運大樓，「星耀樟宜」亦設有預辦登機服務、行李寄存服務、130間酒店客房，為接駁渡輪或遊輪嘅旅客而設嘅「樟宜貴賓室」，仲有超過280間商店、戲院同餐廳設施。

最特別嘅，係佢嘅設計採用咗玻璃屋頂同大量綠化設施，中間仲有全球最高嘅室內瀑布「雨漩渦」，有成40米高！而呢一切，都係濱海灣金沙酒店嘅建築師薩夫迪（Moshe Safdie）嘅手筆。

「星耀樟宜」官網
http://www.changiairport.com/zh/discover/jewel.html

（圖片：海峽時報）

今年為航空業界似乎唔係好年頭：除咗埃塞俄比亞航空墜機外，好多航空公司都傳出結業、停飛等情況。
韓國第二大航空公司韓亞航空（Asiana）近年亦傳出貸務纏身，甚至面臨評級下降嘅威脅。韓亞母公司「錦湖韓亞集團」星期一（15日）宣佈，將出售全部所持韓亞航空股權，以改善韓亞航空財務結構及確保航空公司正常運作。
被點名可能收購韓亞航空嘅集團，包括擁有SK海力士嘅SK集團及擁有濟州航空嘅愛敬集團等。
目前韓亞航空旗下嘅釜山航空（Air Busan）有來往澳門嘅航班。
（圖片：NEWS1）

各位早晨！今朝食咗早餐未呀？有冇食「皮蛋瘦肉粥」呢？
不過原來最近皮蛋喺義大利就惹到麻煩啦。
事關喺西西里島卡坦尼亞省，警方在執行食品安全巡查期間，扣起咗華人店舖內800 隻皮蛋同鹹蛋。當地警方指批皮蛋同鹹鴨蛋來歷不明，亦無符合歐盟規定嘅標籤。又形容皮蛋同鹹鴨蛋「不適合人類食用」，並強調喺義大利同歐盟都禁止出售。
其實，製作皮蛋係將鴨蛋放入鹼性物質內，一般係石灰泥或氫氧化鈉（即以前教家政嘅曾SIR成日用嘅「哥士的」）、米糠入面，擺埋一段時間之後，蛋白結成啫哩狀，顏色亦變成半透明嘅黑色。
而皮蛋特殊嘅氣味係來自蛋黃嘅主要成分——硫質（S）。經過長時間，部分蛋黃會分解變成氨基酸，並且放出好臭嘅氣體——硫化氫（H2S）。蛋黃入面其他礦物質，如鐵（Fe）、銅（Cu）、鋅（Zn）、錳（Mn）等，都會同硫化氫結合產生成硫化物，結果亦導致蛋黃變為青黑色。
至於佢松花咁嘅美麗紋路，原來係由上述嘅鹼性物質同鴨蛋中氨基酸相遇，慢慢生成氨基酸鹽（Amino salt）。
復活節就快到，版主呢個時候就會諗起復活節嘅彩繪蛋啦（pysanky）。皮蛋嘅紋路一啲都唔會輸蝕！下次打開皮蛋嘅時候不妨留意吓！

部分資源來源：LiFe 生活化學

圖片來源：Matthias Mendler, flickr. CC BY SA 2.0、下廚房