朱古力係好多小朋友同女性嘅至愛。黑朱古力更有益心臟、提升情緒嘅功效！

不過下次大家去台灣旅行，買朱古力（巧克力）食嘅時候，就要注意啦！當地食藥署尋日宣布，明年元旦起，有餡朱古力嘅朱古力含量須達25%，並且喺品名前標示「含餡」或「加工」等同義詞。而且所有朱古力產品嘅植物油含量不得超過總重量5%，否則就唔可以稱為「朱古力」。

食藥署食品組科長李婉媜以金莎朱古力為例，指未來品名唔可以再寫金莎「巧克力」，而需要添加「含餡」或者「加工」二字，變成金莎「含餡巧克力」；但如果業者認為餡料係榛子，亦可以以「金莎榛果巧克力」命名。

另外當地著名品牌「大波露巧克力」將配合新規定修改名稱，初步預計明年起以「大波露可可風味糖」新包裝重新上市。

（中央社／聯合報）