新加坡9月1日（星期三）起實施新規定，在小販中心進餐後不自覺回收餐盤會被有機會被罰款。

當地早前已經推出了三個月的勸籲期，9月1日後將會對有關行為採取執法行動。食客不自覺回收餐盤，一經發現，第一次會作書面警告，再犯會罰款300新加坡元（折合約179澳門元）。累犯者要接受法院審訊，初次罰款為2000元。

相關規定會在明年1月1日起擴大至咖啡店和美食廣場。

（新加坡《海峽時報》）

疫情發生已經超過一年半啦。仲記得上次坐飛機係幾時呢？上次食飛機餐係幾時呢？而你食過最好同最差嘅又係點嘅呢？

大家都知道為咗控制成本，廉價航空嘅其中一個特色就係no-frills，即係基本服務以外，細至一枝水、一個麵包都要額外收錢。咁但係有啲廉航出名係一分錢，都未必有一分貨。以下係最新一個例子。

愛爾蘭一名暢銷犯罪小說作家Liz Nugent上星期五喺社交網站分享咗佢朋友、女賽車手Aimee Woods乘坐瑞安航空（Ryanair）時影嘅相，話喺機上用5.5歐元（折合約52澳門元）買咗一份煙肉三文治，結果原來塊麵包無搽牛油，上面嘅煙肉只有薄薄兩片，每片都得麵包長度嘅大約一半。事主形容呢份三文治係 the world’s saddest bacon sandwich（世上最可悲嘅三文治）。但佢冇退貨要求回水，因為當時實在「太餓」。

相片引起網上熱烈討論。有人話成件事好似一件思考練習，究竟要將煙肉三文治嘅概念扯到幾薄就再唔算係一件「煙肉三文治」。又有人話航空公司係咪連牛油錢都要單獨收費。亦有人話：除咗冇牛油、醬料同似樣配菜外，諗起有人要將一薄片肉再撕開勒緊褲頭，同樣令人擔心。

不過有人批評事主唔理解，過去一年半為航空業係十分艱困嘅時期。Aimee Woods回應話：「我還是享受了一段美好嘅航程，乘務員都好優秀。我只係覺得件三文治幾風趣同埋有啲貴。我始終都食咗件三文治。老實講，未必會有人因為三文治嘅質量而唔去乘坐某家航空公司嘅航班。」航空公司對此尚未作出回應。

（英國《都市日報》）

今年繼續不宜外遊。

想「環遊世界」，用美食作為媒介，是比較安全的選擇。可喜的是，各大綜合度假村繼續推陳出新。其中一家今年開業的度假村，近日也有一家新餐廳試業中，濠記早前就去嚐了鮮。

與同一家度假村的另一家英式餐廳不同，這家餐廳走傳統的英式風格。從裝修而言，除了傳統的英式吧台外，還有以自然風版畫裝飾的牆身，以及木架櫥窗，讓飲食多了一種知性感覺。

菜譜方面，除了傳統的英國菜以外，餐廳還有一些傳統的廣東菜，像雲吞麵等。不過人心無限，胃納有限，還是集中在英國菜上吧！

• 

• 

• 

• 

• 

• 

按照西餐傳統，先上麵包。麵包盛在布籃中，墊上稻草，十分有農家感覺。用手抓起來不會冷冰冰，但又不會熱到燙手，剛剛好。有咬勁的麵包，加上鮮香的牛油，應該是繼美高梅後又本地一家不可錯過的麵包。不過牛油來自愛爾蘭，而非真正大不列顛出品，要扣分：英格蘭、蘇格蘭、威爾斯酪農場不少，應該可以找到夠水準的。

正如非裔美國人星期日必食炸雞，英國人星期日傳統上必食烤牛肉配約克夏「布丁」，更隆重到要以星期日冠名，謂之Sunday Roast，餐廳也有供應。不過再加上其他配菜，「二人份」Sunday Roast（MOP688）更適合三人或以上分享。為了多嚐幾種菜式，還是要downsize，分別點了72小時慢煮牛肋肉、牛面肉批、沙律、炸魚薯條。然後一人一杯四百次咖啡和抹茶，說是要向澳門始創者「致敬」。

朋友不沾海產，炸魚薯條自然是獨家享用。上菜份量也適合晚餐不想吸收太多的朋友。炸魚外皮薄而脆，合格。但驚喜在於那片魚，除了慣用的「嫩滑」，濠記竟然能吃出「多汁」兩個字，整個人就有如置身在大海之中！

牛肉原鍋上，不失豪氣。經過72小時慢煮，牛肉非常嫩滑，入口即溶，連長者和小孩都可以安心享用不怕塞牙。再加上青豆醬汁，更為惹味。唯一要後悔的是，又一次太早把麵包吃完，無法沾肉汁，做到「汁都撈埋」……牛肉批味道不錯，不過如果同場有牛肉菜式，務必要在上主菜前吃了，否則恐有味蕾麻木之虞，浪費廚師心血。

• 

• 

• 

• 

• 

喜公館 The Conservatory

營業時間：星期日至四早上7時至凌晨12時
星期五及六早上7時至凌晨1時
電話：+853 8113 1200
地址：澳門倫敦人澳門喜來登大酒店一樓

繼阿根廷喺老對手巴西主場奪得美洲國家杯，自1994年以來首次奪得國際大賽冠軍後，今晚深夜凌晨3:00，英格蘭將會喺溫布萊主場面對意大利，問鼎55年來第一個國際大賽冠軍。就連高齡95歲、喺1966年親自向英格蘭國家隊頒發雷米金盃嘅英女王都親自寫信比英格蘭領隊修夫基。可以話舉國上下對今晚嘅比賽都寄予厚望。

大戰當前，兩地球迷互相開對手玩笑當然少不了。例如英國廣播公司就引述意大利《共和國報》駐倫敦記者提出嘅問題：「英格蘭人真係會喺薄餅上面放菠蘿嗎？」佢嘅結論係：「佢哋好少咁樣做，但係真正嘅問題係喺卡邦尼意粉入面加忌廉。」

意大利人對於自己嘅飲食文化非常之重視，喺好多人眼中係薄餅加上菠蘿，可以話係罪大惡極（其實薄餅鋪上菠蘿，係希臘裔加拿大人嘅發明）。不過台灣人似乎一於少理，喺奇異口味薄餅嘅道路上越走越遠！

喺意大利人眼中嘅奇異口味，其實都係台灣最傳統嘅口味。例如台灣Pizza Hut就推出咗「芫茜皮蛋豬血糕薄餅」，仲要灑上一層花生粉，好似返咗去台灣夜市咁樣！

呢一款薄餅上面兩種材料豬血糕同埋芫荽，都係相當具爭議性嘅食材，鍾意嘅就好鍾意，憎嘅就好憎，係冇中間路線可言。例如台灣著名youTuber 視網膜（陳子見）本身就唔鍾意芫荽，專登訂咗一個「走芫荽走豬血糕」嘅薄餅，結果收到個薄餅只係有一層金黃色嘅花生粉，佢嘅反應竟然係：「這樣就對了，最完美的披薩，看起來超級好吃」。

不過仲有更地獄級嘅薄餅！有業界推出雞佛（臺灣人對雞子的稱呼）薄餅，更選用比普通雞子大幾倍、有小朋友拳頭咁大嘅火雞子焗製，而且仲係件件都有成隻雞子，人人有份！薄餅仲有日式柴魚、泰式風味、海鹽三種口味任君選擇，主打中南部市場，第一日更已經賣出超過200份。據食過嘅人話，外皮有少少韌，一爆開就有汁噴出嚟，質感似豬腦、豆腐，不過汁液有啲腥，但有泰式調味汁中和到。

其實雞子喺台菜傳統上都係以麻油配製，用嚟畀婦女產後進補，亦都係火鍋常見材料。

雖然台灣呢啲口味奇特嘅薄餅短期內都食唔到㗎啦，但係各位準備觀戰嘅朋友，又會唔會叫（整）返件薄餅或者炸魚薯條，再買兩支啤酒，為今晚增加氣氛呢？

寫食評唔係件容易嘅事。主要睇時機。唔係新開張，就係就快結業，要食趁手。仲有就係有新餐牌推出。

船媽泰麵就屬於最後一類。而且仲要係網紅店，人講得多，我又講，好似執人口水尾咁。終於，等到上星期，船媽話要推新菜，仲要係濠記最愛嘅海南雞飯！濠記梗係即刻去試菜啦！

濠記點咗個海南雞炸雞雙拼飯（MOP68）同一杯泰式奶茶（MOP25）。奶茶唔似泰國當地咁樣，得個甜，糖水可以同茶分開上，可以自己調節甜度，所謂「有得揀，你至係老闆」。個茶係好飲嘅，唔落糖，淨係淡奶已經夠香滑唔苦澀。唯一不足係個冰，始終唔係用奶茶做，飲吓飲吓會沖淡。

海南雞炸雞雙拼飯份量唔細，炸雞脆口又唔會太熱，海南雞有肉而嫩滑，飯有用香料炒過，更為香口。呢個令我諗返以前喺曼谷Silom一間酒店要排隊食嘅海南雞飯。因為泰國嘅海南雞同星馬版係有分別嘅，泰國偏清淡，而星馬用料口味都更實在。呢間酒店都係新加坡版本，而濠記係個人偏好後者。

食完海南雞飯，你可能會問濠記，船麵呢？需知船麵喺泰國係好普遍，但濠記喺泰國就未食過，比較想留返下次去泰國食正宗。不過，間店叫得做船麵，唔食又好似對唔住人哋。結果濠記再搵咗一晚再去試吓啦。

船麵正式係要用細碗嘅，因為大碗喺水上市場嘅船上，搖晃嘅時候會瀉出嚟。當然，喺港澳做生意，多少都會遷就返港澳人習慣，所以都係有大碗嘅。濠記揀咗細碗（MOP28）、泰式清湯，侍應又介紹咗牛肉配搭貴刁。濠記再叫咗個青木瓜沙律（MOP40），同一杯綠奶茶（MOP25）。

船麵上嚟，個碗仍然幾大吓。講起湯粉麵，貴在個湯，最好嘅清而有味。船麵嘅湯同牛肉都有洋蔥嘅甜同黑胡椒些微嘅辛辣，無介紹錯。青木瓜沙律細細份，幾精緻，木瓜比平常腍啲。

本來濠記想整多個「乸型」芒果糯米飯帶走，但係侍應話無打包盒喎。算啦！下次再嚟過。

船媽泰麵

地址：氹仔老虎巷E鋪

營業時間：12:00-21:00

電話：2823 3394

今年國家文化和自然遺產日前夕，澳門再有三個項目入選國家級非物質文化遺產。土生葡人美食烹飪技藝、土生土語話劇和土地信俗分別入選《第五批國家級非物質文化遺產代表性項目名錄》。

土生葡人美食烹飪技藝、土生土語話劇和土地信俗是澳門重要的文化傳統和具代表性的非物質文化遺產項目。土生葡人美食烹飪技藝源於16世紀，以葡萄牙的烹調方法為基礎，融匯歐、亞、非的食材及烹調方式，菜品豐富，變化多樣，是澳門的地道美食，體現了澳門獨特的飲食文化，也是澳門作為海上絲綢之路重要節點城市的見證；土生土語話劇是澳門具有地方特色的傳統戲劇，是土生葡人社群熱愛的舞台表演藝術，以戲劇演出作為平台表達對社會議題和熱點輿情的意見，話劇中使用土生土語作為表演語言，充分反映澳門東西方文化交流和多元文化並存的城市特質。

土地信俗在澳門由來已久，數百年來，澳門華人為保一方水土平安，鄰里和睦，家財旺盛，社區繁榮，以各種形式供奉土地公，形成了世代相傳的民間信俗，並以農曆二月初二的土地誕為年度重點活動，是促進鄰里團結，增進居民對社區認同感、歸依感的重要媒介，是中華傳統民俗文化在澳門一脈相承的重要體現。是次申報工作過程順利及取得圓滿成功，反映澳門的非物質文化遺產形式多樣，內涵豐富，也有賴政府部門、非遺社團和專家學者的共同努力，積極參與。

國務院自2006年至今先後公佈了五批國家級非物質文化遺產代表性項目，目前澳門共有11個項目列入《國家級非物質文化遺產代表性項目名錄》，包括由粵、港、澳共同申報的粵劇和涼茶製作技藝；由本澳獨立申報的木雕──神像雕刻、道教科儀音樂、魚行醉龍節、南音說唱、媽祖信俗、哪吒信俗；以及本次新增列入的土生葡人美食烹飪技藝、土生土語話劇和土地信俗。

市政署宣佈，明（9）日起進入由市政署發牌監管之第四組及第五組飲食及飲料場所時，例如餐廳、粥麵店、飯店等，除須遵守既有的防疫措施外，亦必須出示有效的綠色「澳門健康碼」，嚴格履行相關防疫責任。倘若「澳門健康碼」為「紅碼」或「黃碼」時，則不予進入相關場所。

市政署強調，有關安排是因應防疫的需要，希望市民理解並作出配合。市政署並會密切留意疫情的發展，與衛生局保持密切溝通，適時調整有關措施，減少疾病在本澳社區傳播的風險。倘若相關場所不遵守相關指引，沒有要求進入場所的人士出示有效的綠色「澳門健康碼」，相關部門可根據第2/2004號法律《傳染病防治法》第三十條，向有關場所或人士，處以最高六個月徒刑，或科最高60日罰金。

同時明（9）日起進入由旅遊局監管的場所：酒店場所和公寓、餐廳、酒吧、卡拉OK、舞廳、桑拿浴室、按摩院及健康俱樂部的人士必須或按要求出示「澳門健康碼」；「澳門健康碼」為「紅碼」或「黃碼」人士將被拒絕進入場所。

新型冠狀病毒感染應變協調中心表示，除必須要求及應要求出示健康碼的場所外，街巿、大型超巿、卡拉OK、理髮店、健身院及健康俱樂部、美容院、舞廳、桑拿浴室及按摩院、遊戲機中心、保齡球場、桌球室、網吧、電影院、博物館、展覽館、圖書館、體育館、游泳館、需逗留較長時間（超過20分鐘）的辦事處、服務站或門巿，以及綜合性商業大樓，可根據場所條件決定是否要求入場人士出示「澳門健康碼」。對於一般零售商店，例如小型超巿、便利店等，由於場所規模和人流較少，以及顧客停留時間較短，因此可以不必要求進入者出示健康碼。

另外應變協調中心表示，因應疫情狀況，根據交通事務局指出，巴士或的士司機有權查詢乘客的健康碼，並有權拒絕接載持「黃碼」或「紅碼」人士乘坐，這等情況不視為拒載。

喜好杯中物嘅朋友，想喺3萬呎高空嘆返杯，機會越來越少啦！

繼美國航空同西南航空上星期推出限酒令後，美國聯合航空本周亦都宣佈跟隨，規定只會喺超過800英里或來往樞紐之間嘅航班提供包括啤酒、葡萄酒同在硬梳打水在內嘅酒精飲料，目的係防止乘客行為不檢。聯合航空曾經表示將恢復喺200英里以航班提供此項服務。美國航空亦宣佈繼續暫停喺主艙提供酒精類飲料。

舊年由於新型肺炎大爆發，好多航空公司暫停提供酒精飲料，部分係為咗減少乘客除低口罩嘅機會，並防止空中服務員同乘客之間不必要嘅互動。但係，最新嘅措施係針對乘客行為。

西南航空宣佈，鑑於近期業內發生機上乘客干擾飛行嘅事件有所增加，決定暫停較早前宣佈，分別喺六月同七月起喺前夏威夷航線以及其他航線重新提供酒精飲品服務嘅決定。

據代表西南航空空中服務員嘅工會表示，上個月有空中服務員被乘客打甩咗兩隻牙。西南航空上周五表示，為確保所有乘客同機組人員嘅安全和舒適，目前嘅決定係正確嘅。

美國聯邦航空管理局上周公佈，年初至今已收到大約2,500件關於機上行為不檢嘅報告，當中包括大約1,900件份同乘客拒絕遵守聯邦政府口罩令有關。

代表17家航空公司近5萬名空中服務員嘅美國空中服務員工會（AFA-CWA）主席Sara Nelson表示，今年至今嘅案例數量係往常嘅20多倍，機上暴力更被形容係前所未見。「對於戴口罩持續好鬥嘅態度令人筋疲力盡，為喺第一線抗疫嘅人員有時係可怕嘅。」

美國聯邦航空局在一月起採取了更嚴格嘅政策來處理不良行為的報告，此後對被指控襲擊機組人員嘅乘客處以高額罰款。其中上周公布嘅兩宗各罰款1.5萬美元嘅案件，都同酒精有關。局方仲宣佈對三宗同口罩有關嘅事件處以總共29500美元嘅罰款。

（CBS）

同歐洲好多國家一樣，隨著越來越多人接種疫苗，義大利嘅疫情有放緩現象，防疫措施亦陸續放寬。當地星期二起餐廳同咖啡館重新開放內用。

不過位於義大利南部阿瑪菲海岸，有「最美懸崖小鎮」稱號嘅波西塔諾，又再出現「掠水」現象。有來自那波里嘅遊客發現，喺當地一家酒吧叫兩杯咖啡、兩杯可樂、兩枝樽裝水，盛惠46歐元！亦即係一杯可樂索價10歐元，一杯咖啡亦要10歐元，一支樽裝水都要3歐元。

事主將收據放上網，引發熱烈討論，好多人當然係話酒吧「掠水」，亦有人話喺景區消費呢個價格係「正常」。

而當地被人話「掠水」，喺疫情前都已經係咁。2013年，又有義大利國內遊客收到一張「沙律12歐元、咖啡刨冰8歐元、一樽水9歐元」嘅帳單。2019年喺首都羅馬聖天使堡附近一間咖啡館，三條熱狗、一件火腿三文治、四罐可樂，居然要119.34歐元，當中17.34歐元係貼士。事主就話：「一條熱狗收成22歐元，得一條香腸同幾根炸薯條咋。」而喺「水鄉」威尼斯，亦曾經有一杯果汁12歐元，一杯咖啡11.5歐元，一樽水10歐元嘅情形。一碟海鮮意粉可以收你120歐元，即係1170澳門元！（1歐元折合約9.75澳門元）

（平台媒體）

---

濠遊手記：

好多人話歐美消費貴，一部份當然係當地人工、稅收等因素，不過有時係你搵錯地方啫。

當年濠記喺威尼斯某著名咖啡館，見到一杯可樂都係呢個價錢！不過喺法國巴黎嘅大型超市，一罐可樂都一歐元左右啫……要預防景點「掠水」，除非喺當地有其他地方飲唔到嘅飲品，或者場所有無法替代嘅景觀或者裝修，否則如果只係想飲杯嘢解渴，搵間士多或者超市仲實際啦！

其實，有啲日常消費品，喺澳門賣嘅價錢都拍得住歐美日㗎……