平時人來人往嘅地鐵車站，即將成為消閒娛樂好去處？呢個夢想，兩年後就會喺法國巴黎實現。

將會改建成酒吧嘅車站其實係位於巴黎第六區（左岸）、地鐵10號線塞夫爾-巴比倫站同馬比永站之間嘅幽靈車站——紅十字站（Croix-Rouge）。月台改裝完成後，將包括餐廳、市場，並擁有一張長75米嘅吧枱。

而酒吧開放時間將同地鐵首尾班車同步。根據目前營運時間表推算，應該是早上5時38分到翌日凌晨2時06分之間。

考考大家：巴黎有邊一個名勝係由火車站改建而成呢？

（文字來源：Timeout 法國；圖片來源：© Same Architectes）

行政會完成討論《修改第20/2009號行政法規〈澳門特別行政區旅行證件規章〉》行政法規草案。

鑑於現行《澳門特別行政區旅行證件規章》自二零零九年生效至今已近十年，為使澳門特區電子旅行證件的防偽技術與時並進、提升旅行證件的整體質素及安全性，同時，優化旅行證件的簽發程序，特區政府建議修訂現行法規。為此，制訂了《修改第20/2009號行政法規〈澳門特別行政區旅行證件規章〉》行政法規草案。

草案的主要內容包括：

一、草案建議，新一代電子旅行證件本子式樣與現時的旅行證件式樣基本相同，只是在原有的設計意念下加強防偽特徵，例如激光穿孔圖像、觸感特徵（凹凸防偽澳門區徽圖案及凹凸防偽蓮花圖案），以及扇形展開後的效果及在紫外光照射下方可見的彩色紫外光印刷，並採用較新的晶片配以加強的加密技術。

二、為配合電子政務發展及簡化行政手續，草案建議對旅行證件的簽發程序作出優化，並增加電子化處理方式令申請更具彈性。

三、為平衡旅行證件的物料成本，草案建議調整旅行證件的簽發費用，護照的收費為澳門幣四百三十元，旅行證的收費為澳門幣三百六十元。

草案建議自二零一九年十二月三日起生效，而現有的澳門特別行政區旅行證件直至其有效期屆滿前仍然有效。

版主：原來係「只此一晚」，仲以為好似外國某啲博物館搞「博物館之夜」。

不過巴黎羅浮宮平日星期三同星期五都開放到晚上9:45，每個月第一個星期六黃昏6點到晚上9:45仲免費開放𠻹。如果想喺巴黎玩得更有效率，記得記低上述時間啦！

羅浮宮前往方法：
巴黎地鐵王宮——羅浮宮站（1、7號線）或金字塔站（14號線）

【羅浮宮過夜？】 慶金字塔工程30周年 法博物館罕設1天遊…（澳廣視新聞）

星期三日本開啟令和時代，聽日就輪到泰國十世皇三日加冕儀式嘅開始啦！

泰國對上一次加冕儀式已經係1950年，即係近70年前嘅事啦！相信好多人都仲未出世。而且當時仲未有電視廣播，所以今次加冕儀式，係好珍貴㗎！

仲有，泰王加冕，融合咗佛教同印度教元素，澳港人未必一下子會明白。大家要落足眼力啦！

另外，曼谷大王宮喺5月2日至6日暫停開放。

中央社：日本天皇繼位有「三神器」 泰王加冕「五聖物」引人注目
shorturl.at/mqxG0

位於婆羅洲北部嘅產油國汶萊，上月初實施伊斯蘭法，當中最具爭議性嘅係，男同性戀者要處以亂石擲死之刑。而相關法例不但適用於穆斯林、非穆斯林以及外國人，亦適用於以汶萊為註冊國嘅飛機同船隻。

事件喺歐美各國引起抗議，其中演員佐治·古尼等人發起杯葛行動，拒絕去當地旅遊並拒絕入住由汶萊擁有嘅九間酒店：

The Dorchester, London
45 Park Lane, London
Coworth Park, UK
The Beverly Hills Hotel, Beverly Hills
Hotel Bel-Air, Los Angeles
Le Meurice, Paris
Hotel Plaza Athenee, Paris
Hotel Eden, Rome
Hotel Principe di Savoia, Milano

航空業界方面，澳洲維珍航空亦宣布為確保公司成員安全，取消同汶萊皇家航空嘅員工旅遊協議。以銷售學生與青年票務為主嘅國際旅行社STA亦表明其支持多元文化以及性小眾社群嘅立場，停止銷售國營嘅汶萊皇家航空機票以及介紹任何相關行程，並將協助已購票客戶進行退票服務。

倫敦交通局（TfL）喺法例實施首日（4月3日）以「引起公眾敏感與爭議」為理由撤回汶萊嘅旅遊宣傳廣告，但臺北捷運仍然有張貼相關廣告。

金融界方面，除咗德意志銀行上月初已宣布所有員工出差唔會使用上述酒店之外，包括摩根大通、高盛、美銀、花旗集團、富瑞、摩根士丹利、野村等華爾街大行，都已禁止員工入住汶萊上述酒店。政界方面，英國警察聯合會同執政保守黨亦喺日前宣布，將取消今個月在倫敦The Dorchester舉辦嘅活動，未來亦唔再使用嗰個場地。

投資者亦呼籲同汶萊聯營石油公司嘅蜆殼，保障喺當地工作嘅性小眾員工。

但同時摩根大通聯同高盛集團以及匯豐正協助沙特阿拉伯國營石油公司「沙特阿美」發行金額高達125億美金（約1,009億澳門元）嘅鉅額債券。而沙特係全球11個將同性戀者處死嘅國家之一。

至於汶萊方面，當地駐歐盟大使4月15日致函歐洲議會，解釋當地施行相關法律案例將少之又少，因為前提是必須有至少兩名「品德高尚、伊斯蘭教信仰虔誠嘅男性」出面作證，成案門檻相當高。

長達四頁嘅信函強調，施行相關刑法目的係為「捍衛傳統、宗教同文化價值，以及家族傳承與穆斯林婚姻嘅神聖性」，因此希望歐盟各國給予「包容、尊重、理解」。

位於澳洲中部嘅烏魯汝（Uluru，英文稱艾爾斯岩 Ayers Rock），係澳洲原住民嘅聖地。

2017年，烏魯汝所屬嘅國家公園嘅管理委員會通過，自今年10月26日起，禁止攀登烏魯汝。近期，全球遊客紛紛把握最後機會，蜂擁到當地作最後遊覽，為當地帶來旅遊高峰，而對上一次咁熱鬧係16 年前。

Yahoo! 新聞網報道，舊年（2018 年）前往烏魯汝嘅遊客人數較 2017 年上升咗兩成。目前未有跡象顯示有關數字會有所放緩。

烏魯汝—卡塔楚塔國家公園前往方法：
艾爾斯岩機場距離烏魯汝15公里，入園費AUS$25

（文字來源：澳洲SBS）

聽日係五一國際勞動節。濠遊天下祝各位打工仔女節日快樂！

如果你聽日可以放假，甚至可以出去玩返幾日，恭喜你！

如果你聽日要返工，向你致敬！同時都要：恭喜你！因為今日三工！

無論你聽日放假定返工，都請記住今日我哋享有嘅各種勞工權利保障，包括強制性勞工假，都係前人犧牲、爭取嘅成果。我哋享受之餘，希望大家都可以尊重其他人嘅權利。

最後，為咗我哋同我哋嘅下一代，為咗一個更美好、更合乎公義嘅社會，大家要繼續努力奮鬥！

*****
版主聽日要返工，本版暫停更新一日。

澳門《勞動關係法》
https://bo.io.gov.mo/bo/i/2008/33/lei07_cn.asp

版主：殺死野貓的確殘忍，但即使係最人道嘅「捕捉、絕育、放回」（CNR）都解決唔到一個問題，就是被放回嘅野貓仍有可能捕食野生動物。要使佢哋不再危害野生生態，殺死佢哋係唯一方法。

到底，野貓係人引入嘅，人類必須為此後果「找數」。

報道連結：http://bit.do/eQWX7

如果大家有機會去新加坡最著名嘅大街烏節路，可能會見到圖中嘅景象。

如果澳門嘅煙民都好似新加坡嘅咁守法，你話幾好呢？！

擠一擠解煙癮 網民：烏節路奇觀
http://bit.do/eQUUs

（圖片：聯合早報）