旅遊局正研究本澳是否需要開徵旅客稅。旅遊局副局長許耀明今（9）日受訪時表示，局方正在進行研究徵收旅客稅的工作，分別會收集市民、旅客及業界的意見。目前正在本澳各口岸收集離境旅客對徵收旅客稅的意見，同時爭取在今個月內開發網上平台，收集市民及旅客對徵收旅客稅的意向和意見。
許耀明稱，收集意見的網上平台是旅遊局和旅遊學院共同研發，初步預計會收集一個月的數據，但亦會視乎市民發表意見的踴躍程度，故未能預計需要收集多少數據量才具有代表性。他續稱，待局方整合各數據後，便會對外公布。
至於智慧客流平台方面，許耀明表示，現時以幾種模式推出，最初期是網站，後期已加入至「論區行賞」的手機應用程式中。當局會著力更好的推廣手段，希望推動線上和線下的使用量。
（力報；圖片：論盡媒體）
臺裔日本人安藤百福發明即食麵，已經超過六十年。近十幾年，即食麵仲衝出亞洲，喺歐美甚至係非洲都好受歡迎。
喺美國，一位即食麵達人自2002年開始已經開設The Ramen Rater網站，品評各地嘅即食麵。喺最新公佈嘅2019年度全球十大即食麵排行榜上，新加坡百勝廚（Prima Taste）嘅叻抄拉麵連續四年名列第一。
排第二嘅係馬來西亞紅廚嘅櫻花蝦辣湯麵。
至於中國內地良呈美「biángbiáng麵」排行第三，更係中國內地生產嘅即食麵歷來最高嘅排名！
大家熟悉嘅香港壽桃牌冬蔭功拉麵同埋印尼營多撈麵仁當味分別排第九同第十。第四至第八名嘅即食麵分別來自馬來西亞、新加坡同臺灣。
（圖片來源：百勝廚）
港幣690蚊可以做啲乜？
如果喺歐洲坐郵輪呢？
專業旅運呢個套餐，七日行程票價HKD690起，加埋小費、稅項、雜費，都只係HKD4364起，呢個行程價錢真係夢幻級價錢！
沿途停泊各個城市都係世界級嘅！包括坐擁世界三大夜景之一嘅拿玻里、文藝復興發源地佛羅倫斯、《權力遊戲》拍攝地杜布羅夫尼克，最後仲可以喺羅馬過一個最有氣氛嘅聖誕節！
記得出發前訂埋去羅馬嘅機票啦！
出發日期：12月15日
詳情：https://bit.ly/2J4MOJd
熱線：+852 3700 2528
荷蘭旅遊局有見遊客過多，影響部分地區民生，將工作焦點由推廣國家旅遊變成控制旅客人數。旅遊局最近研究減少遊客到訪的措施，包括關閉部分景點、加徵遊客稅等。
到訪荷蘭的旅客2018年達1800萬人，預期2030年會達4200萬人。訪荷旅客主要來自歐洲國家，其中德國和比利時遊客就佔整體旅客42%，近年亦有不少中國遊客到訪一些熱門景點。大量旅客湧入，令人口只有1700萬的荷蘭不勝負荷。旅遊局的文件說：「更多不一定代表更好。為了管理旅客流量，我們應立即採取行動。現在應從推廣旅遊景點改為旅遊景點管理。」局方提議關閉評價不高的旅遊景點、引入旅客稅等。
局方發言人稱，部分城市及地區因旅客湧入影響當地人的生活水平，例如首都阿姆斯特丹和羊角村（Giethoorn）。羊角村是個只有2500人生活的村莊，建有不少風車，旅客多在小運河坐船遊覽，每年估計有35萬中國人到訪。以鬱金香花田聞名的球莖地區（bulb region）因為大量旅客自拍時弄毁花朵，需架起圍欄保護鬱金香。
發言人解釋，新策略不代表不再推廣北部地區，「我們仍會推廣，但只是不再推廣我們的首都」。阿姆斯特丹人口110萬，但每年接待逾1700萬名旅客。當地近年亦開始採取限制旅客的措施，例如國家博物館（Rijksmuseum）前方的拍照熱點「I amsterdam」巨型字母雕塑去年已被移除；市政府亦規管酒店、紀念品商店等的增幅。
旅遊業對荷蘭的經濟貢獻不少，更是2008年環球金融海嘯後的經濟「救生圈」。2018年旅遊業為荷蘭帶來820億歐元（約7206億港元）收益，涉及76.1萬個職位，即每13份工作中就有1份與旅遊業相關。
然而，龐大經濟收益的代價不僅是居民日常生活嚴重受影響，亦帶來環境問題。荷蘭承諾到2030年二氧化碳排放量會較2017年減少49%，但旅遊局警告2030年預計有4200萬旅客到訪，令這減排目標難以實現。文件亦指出，旅客上升意味增加消費，同時可能造成食物浪費和污染，而且旅遊熱點擁擠亦對大自然造成破壞。
（資料來源：明報）
內地啱啱結束咗「五一黃金周」假期，日本亦結束咗慶祝新天皇繼位嘅「超級黃金周」長假。
一連十日放假，唔少人出外旅遊，但對於被視為神獸嘅「奈良鹿」，就唔係一件咁舒服嘅事啦！
事關大家去親奈良，都會見吓班鹿仔，然後又用「鹿仙貝」餵佢哋。但旅客太多、餵得多、食得多就滯啦！擺喺面前、口邊都無反應。有啲就索性匿埋瞓覺去也。
醫生都話要身體健康，其中一樣就係要避免暴飲暴食，鹿仔都一樣㗎！
（圖片來源：bubble_oOoO@twitter、Brise_Marine@twitter）
戰鬥民族果然勇武！救人出飛機方法都零舍唔同！
前日俄羅斯航空SU1492客機遇上雷擊、引擎著火，最後有41人不幸遇難。
當時喺機上當值嘅空姐塔季揚娜（Tatyana Kasatkina）亦都見到有閃光。佢表示喺迫降時有乘客試圖攜帶行李落機，而佢為咗加快疏散乘客，就捉住乘客衫領拋佢哋落救生滑梯。事後好多乘客都多謝班空姐救咗佢哋一命。
可惜嘅係，同機嘅一位空少就無咁好彩，佢喺今次空難中喺機尾救人時葬身火海。
（圖片：EAST2WEST NEWS）
交通事務局長林衍新回覆議員何潤生關於港珠澳大橋交通的書面質詢時表示，港澳政府已有共識加設澳門口岸至香港國際機場的接駁巴士服務。目前香港正籌備招標工作，爭取盡快提供服務。啓運後的接駁巴士服務會由港澳共同監管。
林衍新表示，為配合港澳居民的出行習慣，同時考慮兩地的交通情況，兩地協商港澳跨境車輛實行配額限制。現有車流量在預期之內。按數據港珠澳大橋邊檢大樓東停車場輕型汽車平均泊車率為百分之○點七四，西停車場泊車率為百分之三。
截至今年二月止，經港珠澳大橋澳門口岸出入境達四百三十多萬人次，當中逾八成選用港澳穿梭巴士及跨境巴士服務。現時大橋穿梭巴士及跨境巴士服務便利，令旅客較多使用。為提升港珠澳大橋東停車場的使用率，經港澳政府協商，由四月一日起，香港私家車使用港珠澳大橋澳門口岸邊檢大樓東停車場，由最少提前十二小時預約縮短至六小時前預約。當局會密切留意兩停車場的運作情況，適時檢討及修改現行公共停車場的使用及經營規章。
公共巴士方面，林衍新指出，自大橋開通後當局已採取多項優化措施，方便更多居民及旅客選用港珠澳大橋口岸，包括先後增加101X和102X路線的停靠站點及班次、延長102X路線的服務時間。
農曆新年期間亦安排101X路線取消停靠個別站點，加快運轉率。將持續評估措施的運行情況，綜合乘客的出行需要及交通環境，適時優化。並研究增加節假日快速路線往返港珠澳大橋的可行性。此外，已要求港珠澳大橋穿梭巴士營辦商增加節假日的巴士班次及完善口岸候車秩序。營辦商已在網上公佈候車時間資訊，供乘客了解候車情況及選擇適合的出行方式。
澳門口岸邊檢大樓商業配套設施不足，林衍新引述保安司司長辦公室回覆指，商業空間管理及經營批給公開競投正在審標階段。由於程序需時，保安部隊事務局為配合邊檢大樓整體運作，籌備招標程序的同時已採取一系列措施，包括在邊檢大樓內設置穿梭巴士公司售票設施、設置自動櫃員機和自助售賣機、安裝城市指南及公共電話亭等，並預留空間予郵電局及旅遊局。早前亦分別與香港及澳門國際機場管理部門磋商，為邊檢大樓劃定機場服務區域，增加航空運輸的便民服務。
（來源：澳門日報）
蒙古最西部嘅巴彥烏列蓋省最近爆發腺鼠疫。
據俄羅斯《西伯利亞時報》報道，有一對分別38同37歲嘅當地人夫婦獵殺並進食生嘅土撥鼠肉同內臟感染腺鼠疫。兩人已經死亡。
蒙古當局已經無限期對外封閉全省，目前有多達158名嚟自俄羅斯、美國、瑞士、瑞典、德國、韓國同荷蘭嘅旅客滯留當地。
腺鼠疫係一種由細菌引起嘅傳染病。普遍認為腺鼠疫係十四世紀導致歐洲三分一人口死亡嘅「黑死病」。根據世界衛生組織資料顯示，2010至2015年間，全球有3,248宗腺鼠疫案例，其中549人死亡。只要服用抗生素，腺鼠疫係可以治癒嘅。
（圖片來源： Getty Images/iStockphoto ）
尋晚係農曆四月初一，為全球穆斯林更係一個神聖時刻——因為尋日亦係伊斯蘭曆九月一號，象徵一年一度的齋戒月（拉馬丹月）嘅開始。
但各地方齋戒月開始唔一定係初一。由於各地天氣不同，未必喺初一見到新月🌙，例如近日港澳地區天氣唔好，睇唔到新月，齋月就喺初二（今日）開始。
如果你有信奉伊斯蘭教嘅親戚、朋友、同事、鄰居、家傭，請尊重佢哋嘅習俗，避免喺佢哋面前飲食或日頭請人食飯，但如果你齋月喺馬來西亞、中東等地方旅行，佢哋可能會夜晚請你食開齋飯，或者可以去齋月市場掃街！想同佢哋加油打氣，可以講一聲Ramadan Mubarak，即係「齋月吉慶」啦！
另外，如果喺中東國家旅行，要注意齋月期間當地車輛開得比較快，外出時請注意交通同人身安全。
當地司機白天禁食，易疲勞，建議盡量避免坐車長途旅行，以免發生交通意外。如果確需長途旅行，應要求司機唔好開快車，同時增加中途休息次數。
（部分資料：中國駐阿聯酋大使館）
來往澳門同香港嘅直通巴服務，自從三月港澳壹號同永東拆伙後，港澳快線今日宣布同港澳壹號結盟，但港澳壹號目前只能現場售票。
重組後，港澳快線+港澳壹號嘅站點包括尖沙咀、太子、黃大仙、觀塘、將軍澳、沙田、荃灣，而永東喺香港嘅據點就喺觀塘APM。
濠遊天下 Macau on Journey, 