位於秘魯山林之中嘅馬丘比丘（Machu Picchu）古城，係秘魯最著名嘅景點、「世界新七大奇蹟」之一。

秘魯政府上星期五宣布自聽日（5月15號）到28號，將會嚴格限制進入遺址中嘅三個地點，包括太陽神殿、神鷲神殿同栓日石，目的係要保護通往遺址嘅石砌路面，免受進一步破壞。

喺未來兩星期，每日只准許約6000個遊客分兩批進入上述地點，每次限三個鐘頭。新措施經過評估後，當局會喺6月1號起實施永久性措施。

馬丘比丘係印加君主帕查庫特克建立嘅，由美國探險家海勒姆·賓厄姆喺1911年再次發現，1983年被列為世界文化遺產。

（圖片來源：Shutterstock/aaabbbccc）

印尼《雅加達郵報》5月12日消息：據航空研究網站OAG公佈的2019年4月全球航空公司準點率數字，印尼國家航空公司印尼嘉魯達航空以95.5%準點率，連續第二個月位居全球第一。

嘉魯達航空營運總監表示，要在將來開臨的開齋節維持準點率有挑戰性，但會透過加強飛行操作的監察，尤其是在安全措施方面，有信心能安全、準時、舒適地渡過高峰期。

華人社會視魚翅為珍品，但龐大需求令全球鯊魚數量急速下降，更威脅海洋生態平衡。

世界各地日益意識到呢個問題，越來越多人都響應號召，停止食用魚翅。最近loyaltylobby網站5月6日報道，日本航空喺東京嘅貴賓室被揭發有供應魚翅湯，兩日後日航宣佈即日起永久停止供應魚翅湯，同時聲明未有在機上提供同類菜色。

（© Jeff Rotman/jeffrotman.com）

版主：荷蘭阿姆斯特丹以紅燈區聞名於世，但背後是多少人的眼淚？你可以好像貨物一樣買一個人嗎？

「我是無價的！」荷蘭青年發起請願活動　籲政府禁嫖娼
http://bit.do/eQXvi

（圖片來源： Ik ben onbetaalbaar）

前日日本錄得今年第一次超過攝氏30度嘅高溫。有興趣去日本嘅朋友，不妨留意一下以下同夏天有關嘅詞語啦！

例如圖中提到嘅「真夏」（ま なつ ma natsu）日，係「盛夏日」嘅意思，即係一日最高溫超過30度嘅日子。而喺日本由於緯度比澳門高，超過25度已經算係「夏日」。超過35度叫「猛暑日」（もうしょび mo sho bi）。

如果夜晚最低溫超過20度、25度同30度，分別稱為「真夏夜」、「熱帶夜」（net tai ya）同「超熱帶夜」（cho net tai ya）。

日本夏天最主要嘅活動係「祭典」（祭，matsuri），例如係全國性嘅七夕、盆節（包括德島嘅阿波舞），東北三大祭典（青森睡魔祭、秋田燈竿祭、仙台七夕祭）、京都祗園祭等。大家都要著浴衣（yukata）出街，玩「花火」（煙花，hanabi）。盆節期間亦係日本人旅遊同送禮嘅旺季。

仲有，記得品嚐流水素麵（流しそうめん，nagashi somen）、喺「土用の丑の日」食鰻魚飯啦！

（圖片來源：livedoor）

後日就係一連三日嘅佛誕假期啦！
佛教同基督宗教、伊斯蘭教，合稱「世界三大宗教」。自從佛陀涅槃後，佛教分成南北兩個分支。北支有我哋熟悉嘅漢傳同藏傳佛教。南支就稱為南傳佛教（上座部佛教），主要分佈喺南亞同東南亞。
咁東南亞各國嘅佛教同印度教建築有咩特色？呢張圖表可以畀你一個初步印象。
有三點值得留意：

• 越南係漢字文化圈的一部分，以漢傳佛教為主（尤其中北部），建築亦類似中國。
• 目前印尼以伊斯蘭教為主。但喺伊斯蘭教傳入之前，呢度係印度教同佛教嘅勢力範圍。著名嘅遺址有婆羅浮屠同普蘭巴南。著名渡假勝地巴里島更係當地少數印度教徒聚居嘅島嶼。
• 南傳佛教類似節日稱為「衛塞節」，日子喺陽曆五月嘅滿月之日（一般就係農曆四月十五，即佛誕節後第八日）。

最後，版主喺呢度祝大家佛誕吉祥！

（圖片來源：VectorStock）

五月啦！又係榴槤上市時。不過如果食完榴槤要揸車，隨時會惹禍上身！

最近喺江蘇省如東，有人喺路上被警方攔截，吹氣之後酒精濃度超標。但司機否認，話自己只係食咗「果王」榴槤。

後來司機抽血，證實咗無酒精，而警方後自己做實驗，發現食完榴槤之後吹氣確實會超標。而原因係榴槤高糖，加埋口水會發酵，產生酒精。

其實，除咗榴槤之外，荔枝、腐乳、香口膠、漱口水都會令呼氣測試失準。

另外，食榴槤禁忌有好多，其中一樣係「榴槤唔可以送酒」。咁係因為榴槤會抑制體內解酒嘅酵素乙醛去氫酶，造成越飲越醉嘅情況出現。而對糖尿病人嚟講，咁樣做更加危險，咁會令血壓同血糖升高，危害心腦血管，嚴重會引起中風或心肌梗塞。

今個星期日就係母親節，咁啱又係佛誕節。各位仔仔囡囡除咗請媽咪飲茶食飯，或者陪媽咪祈福，仲有咩嘢有新意嘅活動呢？

為慶祝5月18日世界博物館日，澳門十四間博物館5月12號喺南灣·雅文湖畔，以「流動的博物館──南灣x文化樞紐」為主題，攜手舉辦大型盛事「2019年澳門國際博物館日嘉年華」！

屆時多間博物館會喺會場舉辦多項工作坊以及攤位遊戲，大部分都可以即場參加。大家可以同屋企人做吓小手工、跟吓著名畫家黎鷹叔叔畫吓水彩畫，又或者透過虛擬實境技術一齊環湖跑步，渡過一個輕鬆愉快嘅下午！

時間：下午2時至6時（下午3時舉行開幕禮）
公共交通：6B / 9 / 9A / 16 / 18 / 18B / 23 / 28B / 32

除此之外，澳門多個地點都舉辦延伸活動，包括開放日、講座、圖片展、工作坊等。活動費用全免（部分需報名，名額有限，先到先得）。另外部份博物館喺當日亦都會免費開放。千祈唔好錯過呢個大好機會啦！

上述活動詳情可登入「澳門的博物館」網站：www.museums.gov.mo/

中國駐巴厘島首府登巴薩總領館3日通報了巴厘島中國遊客遭性侵案的最新進展，並提示中國遊客出遊時要保持與家人和同伴的通信暢通，女性遊客最好結伴出行，盡量不參加須單獨與異性導遊或教練進行的旅遊體驗和項目。

總領館3日在官方網站上說，4月23日上午，一名中國女性遊客在巴厘島參加水上旅遊項目時，被摩托艇教練帶至偏僻處並遭性侵。受害人家屬隨即向中國駐登巴薩總領事館報告了案件，總領館領保官員立即約見登巴薩市警察局有關部門，促請其立刻開展調查，公正執法，切實維護我公民合法權益。

總領館說，警方在24小時內將犯罪嫌疑人抓獲，嫌犯為一來自外省的29歲青年，對犯罪事實供認不諱。案件即將按司法程序移交當地檢察院、法院進行起訴審判。
總領館還表示，中國駐登巴薩總領事苟皓東5月2日下午往見巴厘省副省長佐科達，再次表達關切，並共同出席巴厘省海洋旅遊從業者協會成員會議。苟皓東在會上說，案件對受害人和家屬造成嚴重心理傷害，性質惡劣，加害人必須受到法律嚴懲。建議巴厘省各相關旅遊業者從源頭抓起，切實保護遊客合法權益，注重員工從業資質和品行考察，加強文化教育和職業培訓，防微杜漸，以避免此類事件再次發生。

另外根據內地媒體報道，過去5年峇里島已有至少4宗性侵遊客事件發生。

應急電話——
印尼報警電話：+62-110
醫療急救電話：+62-118
巴厘島旅遊報警及求助電話：+62-361-759687
巴厘省警署服務中心電話（24小時）：+62-361-222200
外交部全球領事保護與服務應急呼叫中心熱線+86-10-12308，+86-10-59913991
駐登巴薩總領館領事保護應急電話：+62-361-239902

（圖片：Photo by Artem Beliaikin from Pexels）