每年春夏之交，係日本奈良鹿生育嘅時節，鹿仔會喺呢個時候出世。

當地保育團體近日發出呼籲，叫遊客唔好觸摸鹿仔。因為鹿媽媽聞到鹿仔身上有人嘅氣味，會拒絕撫養，令鹿仔死亡。

網民亦已經將保育團體嘅呼籲翻譯成中、英、韓等語言。

（圖片：一般財団法人奈良の鹿愛護会）

今天是六一國際兒童節，而且又是星期六，本來應該是一家大小溫馨歡度的日子。但版主今天要跟大家介紹一下這個日子的來源，可能會讓大家有些不安。

故事發生在1942年，當時包括捷克在內的歐洲廣大地區正處於納粹德國的鐵蹄之下，但很多人依然投身反抗行列。

當年5月27日，一支由英國特別行動執行處培訓、捷克和斯洛伐克軍人組成、捷克斯洛伐克流亡政府組織的小隊在布拉格對大屠殺執行者之一、當時納粹德國在捷克的代表海德里希（Reinhard Heydrich）發動了刺殺行動。6月4日海德里希不治身亡。

德國情報部門誤認刺客同布拉格附近的利迪策（Lidice）及萊扎奇兩個村落有關聯，並展開報復行動，徹底摧毀了利迪策，當地16歲以上男性均遭射殺，幾乎所有女性及兒童均由當局送往納粹集中營並進一步殺害。

戰後倖存的婦女和兒童回到這裡，並且在同樣受納粹德國襲擊的英國城市考文垂（高雲地利）的支持下重建村莊。而為了悼念利迪策村和全世界所有在法西斯侵略戰爭中死難的兒童，反對帝國主義戰爭販子虐殺和毒害兒童，保障兒童權利，1949年11月國際民主婦女聯合會在蘇聯首都莫斯科召開執委會，正式決定每年6月1日為全世界少年兒童的節日，即國際兒童節。

現在利迪策村有一個紀念館，每天開放參觀。可以從捷克首都布拉格乘坐地鐵，再轉乘巴士前往：

*A線Nádraží Veleslavín站轉乘300或322巴士至利迪策站步行5分鐘
*B線Zličín站轉乘324號巴士至利迪策站步行5分鐘

（舊城廣場出發需時約1小時）

利迪策紀念館
http://www.lidice-memorial.cz/

近年來全球興起「走塑運動」，普遍被認為係由一張鼻孔因插入膠飲管受傷流血嘅海龜而觸發嘅。

但海龜面對嘅生存威脅仲有好多，例如之前有提過產卵地被破壞就係好明顯嘅一種。

喺澳門，我哋由於人口密集，即使有海灘都係泳客去處，海龜唔會返嚟產卵。但喺我哋附近嘅珠江三角洲，惠州同香港都有海龜產卵地。

而香港唯一有海龜產卵嘅地方係南丫島嘅深灣。每年由6月1號開始都會封閉海灘至到10月31號。為咗保護呢一片產卵地、保障海龜嘅繁殖，希望大家唔好進入海灘同埋附近水域，唔好亂拋垃圾、扎營同進行水上活動，更加唔好騷擾海龜媽媽、海龜蛋同埋海龜BB。

須知海龜能夠平安長大再返嚟出世嘅地方繼續繁衍，過程就係充滿艱險。萬一佢哋唔再返去，咁海龜無法繁殖，好快呢種有一億五千萬年歷史嘅生物就會消失喺地球上！

香港漁農自然護理署
shorturl.at/gsOQ0

總部設於西班牙馬德里嘅世界旅遊組織（WTO）公佈咗最新嘅《世界旅遊晴雨表》，數據顯示，今年首季全球旅客數量增長達4%。

按地區分，中東地區和亞太地區分別增長8%同6%，歐洲同非洲增長有4%，美洲增長3%。

組織總幹事祖拉布•波洛利卡什維利指出，首季增長是由強勁經濟環境、航空運力增加以及更便利簽證政策所推動。「雖然比起過去兩年有輕微放緩，旅遊業成長仍然領先於全球整體經濟增長。」

按區域分，亞太地區增長主要來自東北亞地區，該區客量同期增長達9%，主要受惠於中國市場嘅強勁增長。

波洛利卡什維利又指出：「增長亦意味著更大責任，使旅遊業轉化為更好嘅職位同生活。旅遊業要繼續喺創新、數碼轉型同教育嘅投資，透過更好地控制旅客流，喺利用旅遊業好處嘅同時，疏導對環境同社會嘅影響。」

組織預測今年國際旅客量將增加三至四個百分點。

世界旅遊組織成立於1975年，有158個成員國、6個附屬成員（包括澳門）同兩個觀察員。係聯合國下15個專門機構之一，宗旨係促進同發展旅遊事業以利於經濟發展。

（Travel Daily）

我哋講火山，通常都係講日本、菲律賓或印尼嘅火山。

不過澳門人嘅熱門旅遊地臺灣，其實都有活火山嘅，而且位於大家好熟悉嘅陽明山國家公園內！

根據中央社29號嘅報道，中央研究院經長期監測，證實咗大屯火山同位於宜蘭外海嘅龜山島都係活火山，大油坑地區仲觀測到類似動物「心跳」現象，平均大約每18分鐘發生一次重複性地震。

至於龜山島亦有由活火山造成、海底溫泉湧上流嘅「陰陽海」景觀。中研院研究員林正洪指出，雖有海嘅隔絕，一旦火山噴發造成龜山島地形崩塌，可能引發小規模海嘯：「如果有五公尺海嘯，可能將近半個宜蘭平原會泡在水裡」。

不過，林正洪亦話，民眾毋需過度恐慌，大屯火山觀測站設立各項偵測裝置提出預警。若出現地震次數暴增到上千或上萬、地表溫度升高、氣體濃度驟增等，都係火山活動前嘅異常現象，可以喺兩星期甚至一、兩個月前提出示警功能。

（2010年7月攝於宜蘭）

平時我哋話一個地方人多，就叫「人山人海」。不過喺世界最高峰嘅珠穆朗瑪峰（額菲爾士峰、聖母峰）出現呢個情境，大家又會覺得點呢？

呢個係發生喺最近嘅真人真事，而喺尋日，一名來自美國科羅拉多州嘅登山者，喺落山期間死亡，成為過去十天以來喺珠峰喪生嘅第十一人。

海拔8,848米嘅珠峰位於青藏高原中國同尼泊爾交界處，是世界最高峰。通常每年三月到五月係珠峰登山季，氣候轉暖，能見度提高，雨雪天氣較少。

不過，實際嘅衝頂時間窗口還取決於每天嘅氣候情況，大風大雪，尤其是風力同風速，都會減少適合衝頂嘅時間窗口，可能導致「交通堵塞」。

據講今年珠峰南坡氣候比往常惡劣，導致擠塞，幾百人喺海拔8,000米以上嘅「死亡地帶」喺缺氧同嚴寒中排隊等候，有啲長達兩、三個鐘。

民間業餘登山者要攀登珠峰必須參加登山服務公司組織嘅登山團。

從北坡攻頂，中國只有一家組織登珠峰嘅公司，今年春季登山名額16人，每人收費458,848萬元人民幣（約6.6萬美元，折合537,591澳門元）。另外，登山者須有8,000米以上登高證書、參加模擬攀登培訓。

從南坡走，尼泊爾登山嚮導服務公司多，嚮導費三萬到八萬美元，許可證11,000美元，再加2,000美元修路費和綜合聯絡費。

尼泊爾當局今年發放了381張登山許可，加上當地嚮導，估計登山人數上千。


（香港電台 / 英國廣播公司 / 西藏聖山登山探險服務有限公司 ）

泰國據報計劃向旅客徵收「旅遊稅」。每人不多於一百泰銖，即約二十幾港元，預計半年後有定案。

泰國經濟過去十年主要靠旅遊業帶動，單是去年有3800萬名外國旅客到訪，為泰國政府帶來兩兆泰銖收益，預料今年到訪的旅客會增至4100萬。

泰國國家旅遊政策法案上周三正式生效，讓旅遊部門制定旅遊發展，及保障旅客安全措施。

《曼谷郵報》報道，當局研究向每名旅客徵收不多於100泰銖，折合約港幣25元的「旅遊稅」，用於旅客的醫療保險，及改善國內旅遊景點設施。

報道未有說明，已購買保險的旅客是否可獲豁免，只是指研究預計進行半年，主要討論徵收金額，如何徵收。

當局強調，在有最後定案前會同旅遊業界商討，亦盡可能減少對旅遊業的衝擊。研究方向同時包括，若果觀光景點有大批旅客到訪，對附近環境造成的影響，是否要推行限制旅客等措施，以推廣可持續發展旅遊。

2019-05-27 無線新聞
據報泰國擬向旅客徵約25港幣旅遊稅 料半年後有定案

（攝於2018年12月）