大家出外旅行除了購物以外，品嚐地道美食也是一大重點！尤其是街頭美食，便宜又地道。那麼旅客心中最佳街頭美食城市又會是誰呢？

根據《CEO World》雜誌上月底首度公佈的排名顯示，新加坡力壓大家熟悉的曼谷（第2）、香港（第3）、胡志明市（第4）等，榮登街頭美食城市榜首！首爾排名第13、東京第19，以夜市聞名全球的台北排第25位！而北京排名在50大中位居第44。

調查分為四大指標：街頭美食攤數量、價錢、光顧次數，以及食品衛生，並在今年7月18日——9月19日訪問了92,000名商務旅客以及全球86個國家1,400家旅行社。

談到美食排行榜，新加坡人同一水之隔的馬來西亞人今次又要爭拗起來了！因為今次馬來西亞包括吉隆坡、檳城（嗚，我的最愛）全軍盡墨！其實新加坡和馬來西亞文化相近，食物種類相近，有比較很正常。不過各自都有細微差別，例如肉骨茶，新加坡重胡椒味（個人偏好），馬來西亞重藥材味。你又會喜歡何種口味呢？不過新加坡街頭美食都在熟食中心，如果在衛生排第一應該是有十足公信力！

今日下午，喺鄰埠一家清真寺外，有警察水炮車向清真寺內發射染色水炮。

而事前原訂參加遊行的嘅人士一早約定唔會騷擾清真寺。事緣有抗爭組織者前幾日被「南亞裔人」襲擊受傷，引來報復嘅憂慮。

喺呢度有幾個文化概念值得討論。首先「南亞裔人」唔一定係穆斯林。地理上南亞，包括印度、巴基斯坦、尼泊爾、不丹、孟加拉、斯里蘭卡同馬爾代夫，即係總稱「南亞次大陸」嘅範圍。其中印度有13.4億人，當中大部分信奉印度教，近年都佔人口八成上下，伊斯蘭教就係第二大宗教，有14%。

另外，錫克教雖然只佔人口1.72%，但都係印度嘅土生宗教，又因為錫克教徒男士纏頭、男性都姓「Singh」（辛格，即廣東話「阿星」，意思係「獅子」），所以大家會對印度人有刻板印象。

喺南亞國家，以伊斯蘭教為主嘅有巴基斯坦、孟加拉同馬爾代夫。尼泊爾以印度教為主，而不丹就信奉藏傳佛教。

另一個誤解係，伊斯蘭教等於阿拉伯。喺伊斯蘭教開始嘅時候，伊斯蘭教的確係由生活喺麥加嘅先知穆罕默德傳畀堅企人、親族，即係阿拉伯人，但伊斯蘭教係啟示畀所有人嘅宗教，所有人不分膚色種族都係兄弟（所以禁止教內蓄奴）。好快亦都有第一個外族信奉者。而隨住伊斯蘭教嘅擴張，不同民族亦加入伊斯蘭大家庭，包括波斯（伊朗）、突厥（土耳其）、庫爾德、柏柏爾、印度、馬來、爪哇等等。所以伊斯蘭教同基督宗教一樣都係跨民族宗教，喺同一信仰嘅基礎上，各民族仍保留自己嘅語言同習慣。另外，亦唔係所有阿拉伯人都係穆斯林，少數仍然信奉基督宗教，例如著名學者薩伊德（Edward Said）就係聖公會信徒。

至於水，即使用非宗教角度討論，水係生命之源已是定論。而喺阿拉伯地區水更係稀罕之物。而喺《古蘭經》中，阿拉伯人嘅先祖亦係靠沙漠中泉水（滲滲泉）救回性命，先可以繁衍成一個民族。

為穆斯林而言，水係真主嘅恩賜，亦係重要嘅清潔工具：「的確真主喜歡悔罪者，亦喜歡清潔者。」（2：222）。清潔嘅方法，分為無形的污穢的東西，前者視情況可透過大淨、小淨清潔，而有形的污穢的東西，根據早期信仰團體嘅眾議，就是用水。

至於大淨、小淨，都係用水清洗身體，分別在於清潔部位多少而已。但不作潔淨，不可進入清真寺禮拜。而水亦分好多等級，唔係咩水都可以潔淨嘅。依家仲係有顏色嘅水，整污糟人哋禮拜之地就肯定啦！

身份證明局將於本年12月3日起發出二零一九版《澳門特別行政區護照》及《澳門特別行政區旅行證》。

目前的特區旅行證件自2009年推出至今已使用近十年，為適時更新防偽特徵及式樣設計，提升防偽技術，並確保特區旅行證件符合國際民航組織的最新標準，身份證明局於今年發出二零一九版特區旅行證件。

新版特區旅行證件採用高度防偽技術，包括：顯示持證人容貌圖像的激光穿孔技術、具凹凸觸感的區徽及蓮花防偽圖案，以及在紫外光照射下方可見的全彩色螢光印刷等，並配以加強加密技術的晶片，整體設計達世界先進水平並獲國際認可，進一步加強了特區旅行證件的可靠性及認受性。

設計上，新版特區旅行證件本子的封面及背面式樣不變，內頁採用東望洋燈塔、大三巴牌坊及媽閣廟三個澳門地標性建築的圖案，配合三條大橋的圖像交替組合呈現，各頁下方則印有接續延伸的長城和蓮花圖案。在紫外光下，內頁顯示配有星空和煙花背景的全彩色澳門夜景，精美奪目。

為便利居民辦理申請，12月3日起，申請人可選擇採用現場拍攝的相片作為旅行證件的相片。辦理途徑方面，除了現有的櫃檯服務及二十四小時自助服務外，身份證明局將於本年底推出網上申請服務，讓合資格的居民足不出戶辦理旅行證件申請。此外，明年內，相關自助服務的使用對象將放寬至未成年人。

新版特區旅行證件的推出不會影響原特區旅行證件的效力，原證件可使用至有效期屆滿為止。為平衡物料成本，對於12月3日起提出的申請，新版特區護照簽發費用為430澳門元，特區旅行證為360澳門元。須注意續期手續必須於旅行證件有效期屆滿前九個月內方可辦理。

另外，因應推出新版旅行證件需要進行電腦系統升級，12月2、3日將不接受特區旅行證件的加快申請，而相關自助服務將於12月2、3日晚上十一時至翌日凌晨一時暫停服務。居民可於辦證前查閱該局網頁（www.dsi.gov.mo）或 「澳門身份證明局DSI」官方微信號內的相關資訊，又或致電28370777、28370888查詢。

尋日介紹過阿根廷🇦🇷首都布宜諾斯艾利斯。咁阿根廷係咪淨係得首都好玩呢？

當然唔只啦！阿根廷係世界面積第八大國家，國境景觀多變化。最好玩嘅當然要出郊外啦！

只要開車離開首都，周圍都係一望無際嘅潘巴斯（Pampas）草原，係阿根廷土壤最肥沃、農業最發達嘅地區。呢度生活住「學騎馬早過學行路」嘅高卓人（Gauchos）。記得欣賞佢哋嘅馬術表演，然後享用埋阿根廷國菜——烤肉（Asado）、呷一口馬黛茶（maté）先再去下一個地點啦！

世界新七大奇景之一嘅伊瓜蘇瀑布（Iguazu Falls）位於阿根廷東北部。同尼亞加拉瀑布一樣，呢個瀑布都係跨國瀑布，係由阿根廷同巴西共同管理嘅：阿根廷喺瀑布右邊，佔80%。其實瀑布亦比較正對阿根廷方面，不過巴西都好聰明，修咗一條棧道，等由巴西出發嘅朋友睇多啲。去到不妨留意吓！路上仲可以參觀耶穌會喺當地向瓜拉尼人傳教點嘅遺址。

不過，所謂寶物尋歸底，阿根廷最好嘅風景都係需要啲時間先去到嘅。阿根廷南部係荒涼嘅巴塔哥尼亞高原（Patagonia）。呢度雖然寒冷、乾燥，人煙稀少，但呢度同時擁有冰川、荒漠同海洋，以及世界最南方嘅森林，以及包括美洲獅、美洲駝鳥、南方露脊鯨、海獅等野生動物。

講到天涯海角，世界上有好多地方都可以咁樣稱呼。不過阿根廷最南面嘅烏斯懷亞（Ushuaia）可以話係世上最南、較有規模嘅城市啦，有唔少遊輪停靠呢度。呢度亦有去南極洲嘅行程。
*****
如何前往阿根廷？

澳門未有直航機前往阿根廷。
從香港出發，亦需要至少轉一次機。
個人推薦皇家荷蘭航空（KLM）來回香港及布宜諾斯艾利斯HKD16,768，唔算最平，但平均需時比較好，單程都係30個鐘。中途只停阿姆斯特丹一站，方便又唔怕要申請過境簽證，方便之選！

一年一度嘅政府總部開放日又嚟啦！

今年政總開放日喺今個星期六、日（10月19、20日），時間由上午9時至下午6時，中午唔休息。

活動期間，由政府總部禮賓樓右側嘅擺華巷入口進場、經過安全檢查，就可以沿參觀路線參觀位於地下嘅多功能廳同蓮花廳，經雲石樓梯上一樓大廳，繼續參觀以主色調命名嘅「綠廳」、「黃廳」、「藍廳」，之後前往花園參觀，最後從禮賓樓正門離開。參觀期間請依照各指示牌同埋工作人員指示，按順序參觀。開放日亦將設有室內陳列導賞服務，向公眾介紹禮賓樓一樓室內陳列家具，令參觀更有深度。

今年適逢國慶七十周年同回歸二十周年，場內將舉行花卉展、圖片展，樂隊、舞蹈隊表演。場內仲有郵政櫃台同埋紀念印，提供開放日紀念郵戳。總部對面嘅南灣湖仲有定時嘅噴泉表演助興！

溫馨提示：
請小心通道梯級、場內唔好使用自拍器、唔好攜帶寵物、雨傘、飲品同食品呀！

公共交通：
區華利前地站：6B / 9 / 9A / 18 / 23 / 28B / 32
巴掌圍站：6B / 9 / 9A / 16 / 23 / 28B / 32
燒灰爐站：6B / 9 / 9A / 16 / 18 / 23 / 28B / 32
南灣湖景大馬路站：6B / 9 / 9A / 18 / 18B / 23 / 32

尋日澳門🇲🇴同阿根廷🇦🇷正式簽署互免簽證協議，下個月13號起生效。屆時澳門特區護照持有人可以喺阿根廷免簽證逗留30日。

咁呢個「南美二哥」有啲咩好玩呢？

阿根廷位於南美洲東南部，呈倒三角形，南端伸入南極海域，西面有安弟斯山脈同智利隔開。北面有森林，東部有大草原。地理環境十分多元化。喺文化方面，阿根廷亦融合咗原住民族、西班牙、義大利同威爾斯等地移民嘅文化。天主教現任教宗方濟各就係義裔阿根廷人！

阿根廷首都係布宜諾斯艾利斯（Buenos Aires），位於拉布拉塔河口西岸，人口1560萬，係美洲第四大都會，亦係南半球最早有地鐵嘅城市。市內除咗有主要政府建築物外，仲有好多特色社區，例如係球王馬勒當拿成長嘅小保加（La Boca）區。呢度文化生活亦相當豐富，例如被譽為「世上最美書店」嘅雅典人書店（El Ateneo Grand Splendid）就喺聖菲大道。布宜諾斯艾利斯更係探戈舞嘅誕生地。無論係劇場、俱樂部，或者喺室外，都可能有機會欣賞到男男女女大跳探戈！

講到阿根廷最出名嘅女性，相信就係貝隆夫人（Eva Perón）啦！連著名歌手麥當娜都曾經喺電影中飾演過佢，仲唱過一曲《Don’t Cry for Me, Argentina》！佢死後就安葬喺拉雷科萊塔公墓（Cementerio de la Recoleta）。

據《星島日報》13日報道，捷克總統齊曼（Milos Zeman）透露，因首都布拉格市中止和北京的的姐妹城市協定，北京預料將會有多項報復措施，包括停飛中國與布拉格間的客運航線，並切斷中國對「布拉格斯拉維亞足球俱樂部（Slavia Prague）」的贊助。

布拉格市長賀瑞普親台親藏獨，他自二○一八年底就任以來，就明確表示反對布拉格三年前和北京建立姐妹城市關係協議中所列的「一中」條款，中國政府曾以中止和布拉格間的文化交流表達不滿。布拉格於本月七日宣布和北京中止姐妹城市關係，北京也在兩日後宣布中止。

捷克新聞社近日引齊曼表示，中國將對布拉格作出報復，其中包括中止第五條直航航線的談判，原本直航布拉格的航線改飛克羅地亞。

目前中國的海南航空、四川航空及東方航空每周有十二個航班來往中國（北京、上海、西安、成都）和布拉格。不過，布拉格機場表示，還沒有收到通知將在近期調整和中國間的航班。

目前香港亦無前往布拉格直航航班，可經歐洲、中東等地轉機。

上周末襲擊東日本的超強颱風「海貝思」目前已造成至35人死亡、11人失蹤。颱風對日本造成廣泛破壞，多處傳出災情。

其中流經長野市的千曲川潰不成堤，河水溢流至市區約10公尺深，JR東日本的長野新幹線車輛中心頓成重災戶。

JR東日本13日表示，北陸新幹線有1/3車輛泡水，專家說，這些泡水車廂最壞狀況，恐怕會整個報銷。目前，北陸新幹線長野——系魚川段停駛。

另外在著名溫泉區箱根，48小時內錄得1001毫米雨量。蘆之湖氾濫、登山鐵路和公路損毀嚴重。連接東京至河口湖的JR中央本線及中央自動車道（高速公路）仍全部中斷，如有必要，可乘巴士經御殿場離開。

計劃前往上述地區的朋友，應考慮更改行程。

根據日本氣象協會數據顯示，第19號颱風（「海貝思」）日本時間晚上9時位於八丈島西南約440公里處，以每小時20公里的速度向西北移動。 預計將影響本州近畿至東北地方。

在交通方面，據《朝日新聞》報道，明日（12日）東海道新幹線的東京站至名古屋站區間從首班車開始全天停駛。而在名古屋站以西方面，雖然名古屋站和新大阪站將分別於早上6點至7點之間，發車「希望（Nozomi）號」、「光（Hikari）號」、「回聲（Kodama）號」的下行及上行各1個班次，但在這之後也將全天停駛。

JR東日本於今日也宣佈，針對東京首都圈的在來線，明日上午9點以後的班次將會依序停駛。據了解，預估將在後日中午過後重啟行駛。

東北、上越及北陸各新幹線將在上午11點以後減少行駛班次，並自正中午過後依序停駛。北陸新幹線的長野站至金澤站區間則預定會繼續行駛。

另外，全日空（ANA）將停飛12日在羽田與成田這2座機場起降的所有國內線航班，以及11日～13日的56個國際線航班。日本航空（JAL）方面則將停飛400個航班以上，其中包含大部份在12日於羽田機場起降的航班。

據《無線新聞》報道，繼欖球世界盃賽事周六取消兩場賽事，原定同日舉行的一級方程式日本大獎賽，所有賽事亦會取消，改至星期日舉行。而東京迪士尼主題公園，亦決定周六暫停開放，是繼1984年東京一場雪暴後，迪士尼再次因天氣問題關閉。

另外全日本有600家吉野家、多家百貨公司，以至東京寶塚劇場都會在明日停業。