今日係星期一，又係農曆十五。想食素，但又唔知去邊好？又或者想嚟澳門旅行，但又唔知邊度有素食餐廳？依家有計啦！

澳門素食文化協會推出咗澳門首個網上素食地圖。呢個由義工製作嘅地圖收納咗全澳57家素食餐廳，按照中、西、泰、日式、糖水，外賣、到會、自助餐，純素、蛋奶素、五辛素等分門別類，仲提供餐廳外觀同聯絡方法。地圖仲有食材店、純素用品店，為純素朋友提供方便！ 大家快啲到「澳門素食地圖」網頁（http://www.acvmacau.org/admin/Frontend/index）或掃瞄「澳門素食地圖」嘅二維碼，食勻全澳各大素食餐廳，畀自己、畀地球一個Green Monday啦！