繼阿根廷喺老對手巴西主場奪得美洲國家杯，自1994年以來首次奪得國際大賽冠軍後，今晚深夜凌晨3:00，英格蘭將會喺溫布萊主場面對意大利，問鼎55年來第一個國際大賽冠軍。就連高齡95歲、喺1966年親自向英格蘭國家隊頒發雷米金盃嘅英女王都親自寫信比英格蘭領隊修夫基。可以話舉國上下對今晚嘅比賽都寄予厚望。

大戰當前，兩地球迷互相開對手玩笑當然少不了。例如英國廣播公司就引述意大利《共和國報》駐倫敦記者提出嘅問題：「英格蘭人真係會喺薄餅上面放菠蘿嗎？」佢嘅結論係：「佢哋好少咁樣做，但係真正嘅問題係喺卡邦尼意粉入面加忌廉。」

意大利人對於自己嘅飲食文化非常之重視，喺好多人眼中係薄餅加上菠蘿，可以話係罪大惡極（其實薄餅鋪上菠蘿，係希臘裔加拿大人嘅發明）。不過台灣人似乎一於少理，喺奇異口味薄餅嘅道路上越走越遠！

喺意大利人眼中嘅奇異口味，其實都係台灣最傳統嘅口味。例如台灣Pizza Hut就推出咗「芫茜皮蛋豬血糕薄餅」，仲要灑上一層花生粉，好似返咗去台灣夜市咁樣！

呢一款薄餅上面兩種材料豬血糕同埋芫荽，都係相當具爭議性嘅食材，鍾意嘅就好鍾意，憎嘅就好憎，係冇中間路線可言。例如台灣著名youTuber 視網膜（陳子見）本身就唔鍾意芫荽，專登訂咗一個「走芫荽走豬血糕」嘅薄餅，結果收到個薄餅只係有一層金黃色嘅花生粉，佢嘅反應竟然係：「這樣就對了，最完美的披薩，看起來超級好吃」。

不過仲有更地獄級嘅薄餅！有業界推出雞佛（臺灣人對雞子的稱呼）薄餅，更選用比普通雞子大幾倍、有小朋友拳頭咁大嘅火雞子焗製，而且仲係件件都有成隻雞子，人人有份！薄餅仲有日式柴魚、泰式風味、海鹽三種口味任君選擇，主打中南部市場，第一日更已經賣出超過200份。據食過嘅人話，外皮有少少韌，一爆開就有汁噴出嚟，質感似豬腦、豆腐，不過汁液有啲腥，但有泰式調味汁中和到。

其實雞子喺台菜傳統上都係以麻油配製，用嚟畀婦女產後進補，亦都係火鍋常見材料。

雖然台灣呢啲口味奇特嘅薄餅短期內都食唔到㗎啦，但係各位準備觀戰嘅朋友，又會唔會叫（整）返件薄餅或者炸魚薯條，再買兩支啤酒，為今晚增加氣氛呢？

受疫情影響延期一年的2020年歐洲國家盃足球賽，已經進入淘汰賽階段。不過有六名法國球迷，早前因為把羅馬尼亞首都布加勒斯特（Bucharest）誤認作匈牙利首都布達佩斯（Budapest），結果無法如願現身支持國家隊。

羅馬尼亞《國家紀事報》報道，事件發生在6月19日、匈牙利在布達佩斯主場對賽法國當日。六名事主上午登上前往布加勒斯特的航班。

兩座城市相距超過800公里，開車至少需要8小時。

一行人抵達後在機場沒有注意到羅馬尼亞國旗也沒有留意到入境官員說的語言。直到開賽前數小時。他們在市內與在機場認識的烏克蘭球迷共飲，才發現出了問題。

烏克蘭國家隊在6月21日在當地國家體育場（Arena Națională）與奧地利對賽，是烏國在C組最後一場比賽。六名法國球迷誤以為烏克蘭球迷是匈牙利球迷，懂得去球場的路，便跟隨了他們。他們後來才發現自己與普斯卡什競技場（Puskás Aréna）有一大段距離，已經無法及時到場支持國家隊。他們沒有跟隨烏克蘭球迷喊口號的表現被羅馬尼亞記者發現。記者問他們是否來自烏克蘭首都基輔時，他們才確認自己出了錯。

法國球迷得知真相，決定留下來在800公里外收看電視直播，結果當日法國以1—1逼和主場的匈牙利隊。此後他們繼續留在布加勒斯特收看上星期三對葡國的賽事。法國結果以2—2再次逼和爭取衛冕的葡國，壓倒德國以小組首名出線16強。

其中一事主表示：「我們對歐洲要了解更多。」

好消息是：法國隊當地時間今晚九點（澳門時間明日凌晨兩點）將會在布加勒斯特對瑞士，屆時他們將會爭取比賽門票。希望他們能夠願望成真！

同類情況並不是第一次發生。2012年歐洲聯賽，超過400名西班牙畢爾包球迷原訂前往布加勒斯特，結果錯誤包下前往布達佩斯的私人飛機。比賽結果，馬德里體育會以3—0擊敗了畢爾包奪得錦標。

本屆歐洲國家盃決賽將於7月11日，在英國倫敦溫布萊球場上演。

（ESPN）