![](https://macauonjourney.com/wp-content/uploads/2024/01/world0130.jpg?w=1024)
對於食物的口味或者配搭,人們往往都會有一種既定的模式,對於大眾慣常口味的挑戰會有一種抗拒的心態。不過也經常有人敢於挑戰這些現狀。
繼續閱讀 菠蘿薄餅?飲茶加鹽?飲食習慣大挑戰最近有新聞報道話俄羅斯同美國合作,用新技術開採俄羅斯一個鹽湖,延長咗鹽湖開採嘅年限。而呢個位於俄羅斯南部伏爾加格勒以東約180公里、面積不過115平方公里嘅鹽湖,已經可以滿足到當地八成嘅食鹽需求。
唔好睇少鹽呢樣嘢!因為鹽係人體必須嘅食物,而且可以保存食物。而且鹽嘅分佈並唔均衡,如果喺內陸地方生活,除非有鹽湖,否則就要高價由好遠水路買鹽。所以鹽歷史上都係財富嘅象徵。例如英文薪水salary就係由拉丁文sal演變而成,而中國自春秋時期開始,歷代一直實施食鹽專買政策,直到2014年先停止。
而喺俄羅斯,鹽與麵包(Хлеб-соль)係當地人嘅最高禮儀,鹽盛放喺麵包之上供貴賓品嚐。而客人亦會以「Хлеб да соль!」嚟祝福主人家。中東亦都有同類習俗,不過唔係歡迎貴賓,而係結成盟友嘅意思。
而版主就認為俄羅斯麵包最好嘅伴侶就係酸奶油(Сметана)啦!真係百吃不厭!當地人對酸奶油比版主仲狂迷,幾乎係去到無酸奶油不成菜嘅地步!