澳門麥當勞即日起推出新地筒限時優惠，時光倒流價只需$3！

在內地曾被譽為「雪糕界的愛馬仕」 、「雪糕刺客」的雪糕品牌鍾薛高，上星期被申請破產。

2022年中國著名白酒生產高貴州茅台推出了雪糕系列產品，一度引起熱潮。不過近日有消息傳出茅台將結束雪糕業務。

以枇杷膏、西瓜霜為原料的雪糕你試過嗎？近日一類名為「藥膳雪糕」的新式甜品在內地備受追捧，甚至賣斷貨。「中藥雪糕一份賣到38元」的標籤更衛上熱搜。

大家覺得炎炎夏日，最好嘅伴侶係乜嘢呢？有咩好得過舔住冰涼嘅雪糕，又甜蜜又消暑呢？

濠記之前報道過新加坡已經單方面放寬對來自澳門同香港人士嘅入境限制。雖然現階段返回港澳仍然需要隔離，去當地旅行似乎唔係好實際。但新加坡最近都有新玩意，值得大家期待吓！

全球第三家、亦都係全亞洲第一家嘅雪糕博物館（Museum of Ice Cream Singapore），上星期五開幕啦！

新加坡分館耗時三年籌備，館內設有十四個互動式的裝置，其中包括著名嘅Sprinkle Pool，模仿兒童遊樂場嘅波波池，而概念就係源於雪糕上面嘅彩色朱古力米。不過喺池入面玩還玩，千祈唔好試圖當泳池咁樣跳入去，打吓咭咁就冇問題嘅！

博物館亦融合咗新加坡本地元素，例如係超大版Potong Ice Cream（即係星馬版雪條）、大巴窑龍形遊樂場等。博物館供遊人品嚐嘅雪糕種類亦包括黑糯米布甸（pulut hitam）同荔枝玫瑰水（lychee bandung）兩種本地口味，仲有純素同無奶口味供大家選擇。博物館目前打算每三個月轉換雪糕口味。其中一間試食室仲可以收聽到荷里活明星同你留言㖭！

入場參觀，記得帶埋你對雪糕嘅一份愛、身份證明文件同埋口罩喎！

新加坡雪糕博物館（ Museum of Ice Cream Singapore ）
地址：100 LOEWEN ROAD Singapore
開館時間：星期四至日上午十點至晚上十一點
門票：單人票42新加坡元，兩歲及以下免費入場（須預先購票）
網址：https://www.museumoficecream.com/singapore

嚟緊星期一（8月31日）係馬來亞獨立日，而9月16日係馬來西亞聯邦日（東西馬組成馬來西亞嘅日子）。為慶祝國家嘅生日，以馬來西亞為基地嘅亞洲航空聯同當地雪糕店，合作研製出兩種具有馬來西亞特色口味嘅雪糕。

其中一款係以當地有「國菜」之稱嘅「辣死你媽」（Nasi Lemak，即椰漿飯）為主題。在椰子雪糕內面加入椰漿飯必備嘅叄峇辣醬（sambal），再鋪上江魚仔碎同花生碎。

比較鍾意傳統嘅朋友可以選擇斑蘭糯米糕（pandan dodol）口味，將斑蘭糯米糕混入椰子雪糕，再加上烘過嘅椰絲增添香氣同質感。

兩種雪糕每款售價8.8令吉（折合約17澳門元），而且係期間限定！

講到夏天嘅美食，雪糕相信都係大人細路嘅至愛。

除咗一般嘅雲呢拿、朱古力，或者加入各種水果，喺臺灣、日本都有人製作鹹味雪糕，由簡單嘅海鹽到麻油雞味都有。

喺日本三大和牛產地之一嘅三重縣松阪市，最近就有肉店推出用松阪牛板油，即係牛腎周圍嘅硬脂肪為配料製成嘅雪糕。

據生產商介紹，松阪牛的板油味道甘甜，而且熔點比其他牛用低，入口即溶。生產商認為，「平時板油只係用於烤肉，但潛力巨大」。

板油雪糕現在喺三處店面有售，一杯售價380日圓（連稅），並計劃會喺網上售賣。生產商話：「即使買唔到松阪牛肉，都可以用雪糕嚟過癮」。至於當中有幾多板油成份，店家話係「商業秘密」。

（《朝日新聞》）