】試想吓，一朝早打開水龍頭流出嚟嘅唔係清水，而係紅色嘅液體！你第一個反應可能係好驚！

不過，今次開出嚟嘅原來係紅酒喎！你會唔會有少少興奮，甚至認為係出現神跡？

其實呢次係一場意外。位於艾米利亞—羅馬涅大區摩德納省嘅卡斯泰爾韋特羅（Castelvetro）一間出產藍布思科（Lambrusco）微泡酒嘅酒廠上星期三，喺入樽嘅時候機器活門出現故障，1000升紅酒滲入自來水系統，事件擾攘咗三個鐘頭先結束。

不過當地副市長話，喺疫情籠罩下，很高興有嘢畀大家輕鬆吓，仲希望大家記得呢件事，有朝一日嚟參觀喎。據講藍布思科呢種酒口味清新，適品配搭肥膩菜色，例如當地著名嘅巴馬臣火腿、巴馬臣芝士、炸玉棋（Gnocchi Fritto）等。