從里斯本到澳門，葡撻經過三分一世紀嘅努力，已經喺亞洲地區落地生根。喺包括中國內地、台灣、香港等大中華地區，國際快餐連鎖肯德基（KFC）亦有銷售葡撻。

不過上星期三，台灣肯德基突然宣佈，要同葡撻（當地稱為「蛋撻」）「劃清界線」，甚至聲言「從此之後不再只是被蛋撻耽誤！」，引起網民嘩然，甚至一度出現搶購葡撻嘅情況。更有媒體喺外賣平台發現肯德基新增咗「蛋撻點心專賣店」選項。究竟葫蘆裡面賣緊乜嘢藥呢？