新一年已經來臨。慶祝之餘，唔知道大家有冇為新一年訂立一啲計劃，令自己有所長進呢？
不如學吓外語呢？
英國《衛報》引述一家網上語言學習平台的數據，過去一年學習外語嘅英國人，增幅係其他地區嘅兩倍。當中最受歡迎嘅係法語，仲有數千計嘅人學習西班牙語、德語、義大利語或其他歐盟國家嘅語言，部分人希望可以提升語言能力，以便申請歐盟國家國籍。
平台喺英國嘅總經理指出，脫歐、疫情以至東京奧運都推動英國人學習外語：「佢哋希望喺出國旅行、做生意、或者喺國內與人相遇時，成為更好嘅世界公民。」
佢表示，報讀其網上課程嘅1500萬人中，好多都唔係要求精通，而係想達到基礎程度。其中法語課程仍然高居最受歡迎嘅前五名，顯示新嘅學習者選擇嘅動機可能係為將來旅行、經商、移民做準備，或者係想重溫學校學過嘅嘢。
其他外語學習應用程式都出現類似升幅。其中一家三月錄得巨大增幅，七成人學習西班牙語或法語，德語、義大利語同日語都比較受歡迎。
過去15年，喺英國透過正規學校課程學習外語嘅人數大幅減少。不過根據英國文化協會（The British Council）每年進行嘅語言趨勢調查顯示，2019年報考GCSE法語及西班牙語科目嘅學生人數明顯增加，不過報考A-level同樣科目嘅人數就繼續下跌。
英國文化協會又發現，即使喺學校學習外語嘅人數減少，成人學習外語嘅興致仍然高企。過去春季封城期間，英國有一成成人開始學習外語或者重新學習外語。三分一受訪者認為西班牙語是年輕人最需要學嘅外語，其次分別係法語（20%）同中文普通話（18%）。
相信好多澳門人同埋嚟過澳門玩嘅朋友都食過馬介休（bacalhau）啦！佢其實就係用鹽醃過嘅鱈魚，係葡國傳統嘅食品，尤其是喺平安夜，更係葡國人飯枱上嘅主角。
不過就喺尋日平安夜，英國同歐盟終於就脫歐達成協議，而協議核心議題之一係捕魚權問題。協議將會影響明年馬介休嘅供應。
英國脫歐同葡國捕魚權嘅關係，並唔係因為葡國漁民會去英國水域捕魚。葡國漁民捕撈鱈魚嘅主要漁場喺另一個非歐盟成員國挪威。而由於之前英國同歐盟未達成協議，挪威亦唔會同包括葡國在內嘅其他歐洲國家談判捕魚權問題。
葡國捕魚業協會主席Luís Vicente指以往同挪威嘅談判一般十一月就已經達成，目前已經太遲。 佢解釋：「英國同歐盟達成協議對葡國漁業有好處，因為咁歐盟同挪威先有可能談判，令葡國漁船可以喺復活節前去挪威水域捕魚，因為之後就嗰度就唔會有鱈魚。」
業界表示，今年在加拿大水域的鱈魚捕撈量比去年下跌八成，挪威漁場變得尤其重要。業界要求政府在談判中盡力，以確保國民明年餐枱上仍然有馬介休。 （TSF電台）
英國脫歐過渡期尚剩下一個月，但雙方仍然目前未能達成協議。無協議下「硬脫歐」的可能性正在增加。
但無論最終能否達成協議，英國國民可以說是先受其害。英國政府提醒國民，明年起前往神根區免簽證日數將會縮減至180天內的90日。不過入境非神根區的歐盟國家的日數並不會計算在內。
英國國民入境歐盟將不可再與歐盟、歐洲經濟體及瑞士國民共同一條通道，同時需要出示回程機票以及財力證明。除此之外，英國國民的歐洲健保卡將於明年起失效。英國手機亦無法保證在神根區享有免費漫遊服務。
另外自2022年起英國國民入境歐盟前須申請電子授權（ETIAS）。
英國雖然已經喺上個月31日正式脫歐，不過仲有好多問題，要喺唔夠11個月嘅過渡期內解決。
其中一個係時區問題。
目前英國同愛爾蘭都係屬於GMT+-0時區（歐洲西部時區，比澳門快八個鐘）。夏天實行歐洲西部夏令時間（GMT+1，比澳門快七個鐘）。
喺脫歐協議當中規定屬英國嘅北愛爾蘭喺貿易、農業等方面要跟隨歐盟規定，避免喺愛爾蘭島上有硬邊界。
而歐盟舊年已經決定未來全年實施夏令時，即係北愛爾蘭亦要全年撥快一個鐘（GMT+1）。但結果英國就會變成有兩個時區，而且位於西面嘅北愛爾蘭一年有大約一半時間比不列顛仲要快一個鐘。
圖片來源：Rob984 CC-BY-SA 3.0
英國當地時間今晚11點（澳門時間聽朝7點），英國將會脫離歐盟。如果你今日身處倫敦，除咗買紀念幣，仲有咩慶祝活動？
首都倫敦市中心建築物將會亮起象徵英國國旗嘅藍、白、紅燈光。首相約翰遜會發表全國演說。
國會廣場晚上9點半有支持脫歐人士集會。時間踏正11點，歐盟旗幟將會降下…
…但屆時著名嘅「大笨鐘」唔會響起鍾聲……下議院早前否決咗相關提案，但脫歐黨表示會用揚聲器模擬。
至於支持留歐人士會喺國會廣場舉辦論壇，稍後到倫敦歐盟委員會代表處門外舉行燭光晚會。愛丁堡亦會舉辦類似活動。至於北愛爾蘭靠近愛爾蘭邊境嘅阿馬會有抗議活動。
Image by Reimund Bertrams from Pixabay
繼英國《衛報》月初披露政府內部文件，指政府比春天時對脫歐「更無準備」後，《星期日泰晤士報》昨日再揭露內閣辦公室文件，預測當出現「硬脫歐」，將會出現糧食、藥物及燃油短缺。
其中，85%來往英國和歐洲之間的貨車尚未準備好法國的通關手續，口岸混亂可能會持續長達三個月。
英國政府亦預計，由於避免大規模邊境檢查的方案不可持續，北愛爾蘭與仍然為歐盟成員國的愛爾蘭之間將出現「硬邊界」。
現任英國首相約翰遜是「脫歐派」。雖然他希望與歐盟重啟談判，但歐盟已表明拒絕。約翰遜也表示，英國無論如何將在10月31日脫歐，國會亦無法阻止。
（衛報 / 路透 / 無線新聞）
Orbis non sufficit — 世界並不足夠（Sir Thomas Bond）
濠遊天下 Macau on Journey 