講到夏天嘅美食，雪糕相信都係大人細路嘅至愛。

除咗一般嘅雲呢拿、朱古力，或者加入各種水果，喺臺灣、日本都有人製作鹹味雪糕，由簡單嘅海鹽到麻油雞味都有。

喺日本三大和牛產地之一嘅三重縣松阪市，最近就有肉店推出用松阪牛板油，即係牛腎周圍嘅硬脂肪為配料製成嘅雪糕。

據生產商介紹，松阪牛的板油味道甘甜，而且熔點比其他牛用低，入口即溶。生產商認為，「平時板油只係用於烤肉，但潛力巨大」。

板油雪糕現在喺三處店面有售，一杯售價380日圓（連稅），並計劃會喺網上售賣。生產商話：「即使買唔到松阪牛肉，都可以用雪糕嚟過癮」。至於當中有幾多板油成份，店家話係「商業秘密」。

（《朝日新聞》）