土耳其總統埃爾多安，月初發出公報，要求把英文國名從Turkey，改以更接近土耳其語國名Türkiye的寫法Turkiye來稱呼這個國家。公報指，新寫法「最能代表和表達土耳其民族的文化、文明和價值觀。」

土耳其國名的意思是「突厥人之地」，指的是當地的主體民族突厥族，1923年正式取代了鄂圖曼（奧斯曼）帝國，成為帝制被廢除後，新成立的共和國的名字。

不過土耳其國名的舊寫法一直都有一個問題，就是和產自美洲的火雞的寫法完全一樣。而在英語，Turkey更有「失敗之作」、「愚笨的人」等負面含意。

這個煩惱的來源，源於15世紀末，歐洲人抵達美洲時。他們看見野生的火雞，便誤以為是原產東非、經當時的鄂圖曼商人帶到歐洲的「珍珠雞」（guinea fowl），稱之為「土耳其雞」（Turkey fowl），後來更簡化成為Turkey。

土耳其廣播電視公司指出，大多數土耳其人認為，以民族語言拼寫自己的國名更為合理，與國家有權決定其他人如何辨識自己的目標一致。

考慮到這一點，公報又明確表示，將會在職能範圍內，在所有活動和文書往來中強化Turkiye標識，尤其是在與其他國家的官方關係和國際機構及組織等場合，將要求以Turkiye取代Turkey、Turkei（德語）、Turquie（法語）等寫法。

近年更改國名的例子並不少見。2018年，位於非洲南部的斯威士蘭放棄英國殖民時期沿用的國名Swaziland，改以當地語言西斯瓦提語的名稱「斯瓦蒂尼」（Eswatini）。2019年，位於巴爾幹半島的馬其頓改名為北馬其頓（North Macedonia），結束了是1991年獨立以來，與鄰國希臘由「馬其頓」名字引發的爭論。

2020年起，歐洲國家荷蘭不再使用Holland作為英語國名，改以the Netherlands（「尼德蘭」）為國名，避免國名與首都阿姆斯特丹周邊、稱為「荷蘭」的地區混淆，加強外國人對國內其他地區的印象。但自清朝時期就已經使用的中文名「荷蘭」則仍獲得保留。

位於南太平洋的島國紐西蘭（New Zealand），近期亦有要求改用毛利語Aotearoa（中譯奧特亞羅瓦，意思是「長白雲之鄉」）來稱呼國家的聲音。

今日係美國一年一度嘅感恩節。

一頓豐盛嘅感恩節晚餐係美國人必備嘅活動。喺呢個最有美國色彩嘅節日，相信唔係個個美國人都知道，一枱感恩節晚餐各種食材係來自邊啲地區。

首先，根據市場調查公司尼爾森2017年嘅報告指出，美國人喺感恩節要食咗超過3.5億磅火雞、2.5億磅薯仔、5700萬磅蕃薯、8000萬磅小紅莓、2800萬個批、總值400萬美元嘅椰菜仔等。

而根據美國農業部2020年嘅數據顯示，作為感恩節晚餐主角嘅火雞，產量最多嘅州要數明尼蘇達州，有4000萬隻。阿肯色同北卡羅萊納分別3100萬隻同3000萬隻緊隨其後。明州長年都係美國火雞生產量最大嘅州份，不過2020年同2017年相比已經減少咗200萬隻。

而薯仔方面，相信好多人都食過愛達荷州嘅薯仔啦！原來除咗質量好之外，愛達荷原來都係美國薯仔最重要嘅產區嚟！當地舊年薯仔產量多達611.2萬公噸，隔籬嘅華盛頓州排名第二。單係呢兩個州就為美國供應咗55%嘅薯仔。

而同薯仔唔同，蕃薯適合炎熱同潮濕嘅天氣，所以喺美國南部比較普遍。而美國蕃薯產量最大嘅三個州分別係北卡羅萊納、加州同密西西比三個州。其他州產量都唔明顯。

喺感恩節晚餐枱上，法式砂鍋焗青豆角（green bean casserole）亦都係好受歡迎嘅配菜。每年感恩節，全美國有2000萬個家庭都會整嚟食。威斯康辛州喺青豆角產量位於全美第一，比起紐約、俄勒岡同密歇根三個州加起來都要多！至於有啲苦味嘅椰菜仔，就只有加州有具規模嘅出產，而全美呢方面嘅產值大約係2000萬美元，美國但每年會進口總值7000萬美元嘅椰菜仔，主要來自墨西哥。

講到食火雞，又點會少得酸咪咪嘅小紅莓醬呢？全美每年感恩節要消耗8000萬磅小紅莓，已經佔全年消耗量兩成。而每年感恩節要消耗嘅小紅莓醬有506.25萬加侖，足以填滿八個奧運標準泳池！小紅莓生長喺清涼潮濕嘅環境，所以產地以東北部同大湖區為主。單係威斯康辛一個州就已經佔咗全美接近六成，以至全球超過一半嘅產量！

喺美洲土生土長嘅粟米，係美國好重要嘅農作物，喺感恩節晚餐亦都唔少得佢。除咗忌廉粟米之外，佢亦都會以餡料嘅形式釀入去火雞肚。不過呢兩種菜式用嘅粟米係兩個唔同嘅品種，忌廉粟米用甜粟米，而製作餡料用嘅粟米係用普通粟米（field corn）。同好多人由地理教科書學到嘅唔同，甜粟米並唔係主要出產喺中西部嘅「粟米帶」（corn belt），最多嘅係華盛頓州，明尼蘇達同威斯康辛州位居二、三。而普通粟米就集中喺「粟米帶」，包括艾奧瓦、伊利諾伊、內布拉斯加等十個州。

講到感恩節甜品，批可以話係不二之選。不過批可以有好多種，最常見有南瓜、蘋果同碧根果仁（pecan，又稱長山核桃）三種。伊利諾伊州係全美最大南瓜產地，產量加起來比第二至第七名加起來仲要多。

相比南瓜批受歡迎程度喺美國係全國性嘅，蘋果批喺美國東北部尤其受歡迎，至於最大產地呢？冇錯，就係出名產蘋果嘅華盛頓州啦！而且仲佔咗全美七成嘅產量。不過東北部嘅紐約同賓夕法尼亞州都分別排第二同第四位。

不過蘋果批都唔係美國人「第二最愛」，喺美國排名第二嘅批原來係碧根果仁批。碧根果生長喺溫暖潮濕嘅地方，所以喺南部最受歡迎。產量方面，位於東南部嘅喬治亞州排第一，新墨西哥、德州同亞利桑那州分別排名二、三、四。

仲要提吓芝士。雖然芝士都唔係主菜，但係好多菜式，包括嘅砂鍋焗薯餅（hashbrown casserole），仲有芝士焗通心粉（mac ‘n cheese），無芝士就唔成事。美國出產最多嘅州份，冇錯，又双叒係佢……威斯康辛呀！而且如果將威斯康辛單獨列出嚟，仲會係全球第四大芝士生產地！

最後都係要提醒大家，根據美國卡路里控制協會研究指出，一餐感恩節晚餐嘅熱量多達3000卡路里，而根據國家衛健委2017年發佈嘅《中國居民膳食營養素參考攝入量》，18歲至50歲的中國男性每日熱量攝取量為2600卡路里。一餐感恩節大餐就已經用盡一日熱量指標。所以食完一餐，大家就真係有排減啦！

（Chef’s Pencil／《今日美國》）

相關連結
今年聖誕變貴了！ 火雞、聖誕樹價格齊上漲

仲有五個禮拜就係普天同慶嘅聖誕節啦！

不過今年受到極端天氣、全球供應鏈危機等因素影響，加上新型肺炎疫情後需求增加，作為聖誕節主要嘅裝飾品聖誕樹，無論係天然樹定係人造樹，價格都有所上升。

天然聖誕樹方面，美加西部今年出現旱災，導致聖誕樹產量大減。而作為全球天然聖誕樹最大出口國嘅加拿大，西部卑詩省剛剛又受到暴雨侵襲，又影響咗國內聖誕樹供應。另外，聖誕樹種植成本亦都增加咗五成。天然聖誕樹價格預計會上漲兩成至三成。

即使要退而求其次，想購買人造聖誕樹，受供應鏈問題，包括船期延誤、航運成本上升等因素衝擊，價格亦將會上升兩成至兩成半。

而喺美國，作為感恩節以及聖誕節傳統食物嘅火雞，今年嘅價格比去年上升咗兩成，更比過去三年平均價格上升三成半。而根據美國農業事務聯合會（American Farm Bureau Federation）最新調查，今年十人份嘅感恩節大餐費用平均為53.31美元（折合約428澳門元）比去年嘅十年低位上升咗一成四。

（霍士／《財富》／《國家郵報》／CBS）