旅遊局十一月份資助社團舉辦六項活動，讓旅客和居民體驗澳門豐富多元的「旅遊＋」魅力。

繼續閱讀 旅局十一月資助活動 體育+美食盛事主題貫穿整月 →

本月澳門融匯世界級體育賽事、美食佳餚與文化體驗，成就精彩。

繼續閱讀 多元盛事樂繽紛 歡聚澳門十一月 極速之味 感官饗宴 →

旅遊局於本月份資助社團舉辦多項有關賽車和美食的活動，為澳門的秋冬添上活潑色彩。此外，旅遊局新近推出兩條宣傳片推廣路環的社區旅遊。

繼續閱讀 旅遊局十一月份資助活動 集美食文化賽車元素 →

第七十屆澳門格蘭披治大賽車於下月舉行，本澳將會舉辦多項主題活動。另外尚有「鏡像圍里」及「第二十三屆澳門美食節」等，讓居民和旅客探索澳門各區獨特「旅遊＋」元素，豐富遊澳體驗。

繼續閱讀 車迷市集 社區巡禮 圍里導賞 美食節 十一月社區旅遊活動推介 →

為期十七日嘅第二十屆澳門美食節，星期五已經喺西灣湖廣場開幕啦！

今年美食節為咗配合特區政府嘅防疫措施，邀請咗過百家本地特色餐飲商號參加。想知道有咩好嘢食，跟住濠仔一齊走入西灣湖廣場啦！

為咗保障各位參加者嘅健康，大會已經做足準備功夫，包括入場時要持有「澳門健康碼」並經過體溫檢測。現場設有消毒潔手液供大家使用，更實施人潮管制，以及劃定指定用餐區，確保大家都有一個舒適飲食嘅環境。

今年旅遊界一句最潮口號係「staycation」。既然今年全部參加商號都係本地薑，其實都係一個好好嘅機會重新認識澳門嘅美食。例如茶，作為中國最具代表性嘅飲品，就有商號推陳出新，除了近年流行嘅冷泡茶外，仲將各種茶湯製成茶凍，實行飲得又食得！

華聯茶葉公司（G9）
冷泡茶MOP15
茶凍MOP35/6件/任選三款口味

外省菜喺澳門一直都佔有一定地位。喺風味美食街有一個攤位，個店名以為係食海鮮嘅，其實賣嘅係上海菜。食上海菜當然唔少得時令大閘蟹啦！呢度仲有港澳少見嘅蘇式酥皮月餅。天氣漸見清涼，一件熱辣辣、啖啖肉嘅月餅，再送一碗老鴨粉絲湯，令人暖在心頭！攤位嘅擋板亦十分有意思，值得細細回味。

鯉魚門（E6）
鮮肉月餅 MOP 10

美食節嘅口號係「品味世界 美食之都」，今年多家商號繼續為我哋帶來世界各地嘅美食。多家泰國同印度餐廳，都為會場帶來異國風情，各種旗幟、美食，以至員工嘅衣物，令人有一種返到好多人心中「第二故鄉」嘅感覺！而喺會場舞台嘅一角，亦有商號以一隻大大嘅「生蠔」裝飾攤位作招徠。櫃檯擺滿咗來自法國嘅生蠔，即開即食，十分新鮮。濠仔推薦佢哋獨家發售嘅「皇御」（Ostra Regal）生蠔。兩隻生蠔雖非極肥，但仍然食出頗為濃郁嘅海水味。CP值，高！

天蠔薈（B7）
皇御生蠔 MOP50/兩隻

澳門近年不少年輕人都投身到創業行列，而飲食業係其中一個熱門行業。美食節會場亦都有唔少年輕人嘅身影，售賣近期多種網紅美食，例如係蛋包飯、冰糖葫蘆、葡撻口味嘅蛋卷等。而喺深受大眾歡迎嘅日本街，有一個攤位專賣各式布甸，但又寫住Omakase。原來根據負責人介紹，呢間餐廳總店就真係賣由廚師長發辦嘅菜色。想了解更多，不妨喺美食節以外嘅時間去支持吓啦！

鮨玥Omakase（D17）
樽裝布甸MOP30

食完想消化一下再戰江湖？大家可以憑消費收據到遊戲區一試身手。最後再提提大家，為咗減少污染同浪費，入場記得自備餐具，買嘢食亦要適量購買啊！大家亦可以善用公共交通工具，以及由會場分別來往南灣國際銀行、黑沙環市場街，以及氹仔中央公園嘅免費穿梭巴士，咁就食得輕鬆又安心啦！

（廣告）