圖中左邊同右邊兩個漢堡包，都有麵包、兩片牛肉、生菜、酸青瓜、芝士、洋蔥、芝麻同醬汁。請問你分得出邊個係包係邊一間嘅呢？

答案：左邊係麥當勞嘅巨無霸（Big Mac），右邊係另一家連鎖快餐店漢堡王（Burger King）喺澳洲嘅特許經營商Hungry Jack’s七月中推出、一款名為Big Jack嘅全新漢堡。

麥當勞上月底告上法庭，指基於包括「可能導致欺騙或混淆」等理由，應取消Big Jack嘅商標註冊。麥當勞指公司至少自1973年以來，因銷售巨無霸喺澳洲「獲得了重大有價值嘅的聲譽」，並認為「大量」消費者會因為以為兩者有關係而被欺騙。

麥當勞指控Hungry Jack’s喺充分了解麥當勞現有商標嘅情況下，惡意申請Big Jack嘅商標，又指Hungry Jack’s已經「故意採用或模仿咗」巨無霸「獨特嘅外觀或結構」，以及其經典廣告宣傳語句（粵語版譯成「 雙層牛肉巨無霸……」）。

Hungry Jack’s至截稿前尚未提出答辯。

（雪梨晨鋒報）