源自海南文昌的雞飯，是新加坡的國民美食之一。不過，近來新加坡人卻為之而煩惱！

原來，新加坡鄰國之一、也是當地主要農產品來源地的馬來西亞，近日宣佈自下月1日起，暫停每月出口360萬隻生雞，直到大馬雞肉價格恢復穩定。這導致新加坡雞肉供應緊張，因為當地三分一的雞肉供應是來自馬來西亞。

繼續閱讀 「雞」不可失！大馬停活雞出口 新加坡不賣雞飯改賣雲吞麵 →

寫食評唔係件容易嘅事。主要睇時機。唔係新開張，就係就快結業，要食趁手。仲有就係有新餐牌推出。

船媽泰麵就屬於最後一類。而且仲要係網紅店，人講得多，我又講，好似執人口水尾咁。終於，等到上星期，船媽話要推新菜，仲要係濠記最愛嘅海南雞飯！濠記梗係即刻去試菜啦！

濠記點咗個海南雞炸雞雙拼飯（MOP68）同一杯泰式奶茶（MOP25）。奶茶唔似泰國當地咁樣，得個甜，糖水可以同茶分開上，可以自己調節甜度，所謂「有得揀，你至係老闆」。個茶係好飲嘅，唔落糖，淨係淡奶已經夠香滑唔苦澀。唯一不足係個冰，始終唔係用奶茶做，飲吓飲吓會沖淡。

海南雞炸雞雙拼飯份量唔細，炸雞脆口又唔會太熱，海南雞有肉而嫩滑，飯有用香料炒過，更為香口。呢個令我諗返以前喺曼谷Silom一間酒店要排隊食嘅海南雞飯。因為泰國嘅海南雞同星馬版係有分別嘅，泰國偏清淡，而星馬用料口味都更實在。呢間酒店都係新加坡版本，而濠記係個人偏好後者。

食完海南雞飯，你可能會問濠記，船麵呢？需知船麵喺泰國係好普遍，但濠記喺泰國就未食過，比較想留返下次去泰國食正宗。不過，間店叫得做船麵，唔食又好似對唔住人哋。結果濠記再搵咗一晚再去試吓啦。

船麵正式係要用細碗嘅，因為大碗喺水上市場嘅船上，搖晃嘅時候會瀉出嚟。當然，喺港澳做生意，多少都會遷就返港澳人習慣，所以都係有大碗嘅。濠記揀咗細碗（MOP28）、泰式清湯，侍應又介紹咗牛肉配搭貴刁。濠記再叫咗個青木瓜沙律（MOP40），同一杯綠奶茶（MOP25）。

船麵上嚟，個碗仍然幾大吓。講起湯粉麵，貴在個湯，最好嘅清而有味。船麵嘅湯同牛肉都有洋蔥嘅甜同黑胡椒些微嘅辛辣，無介紹錯。青木瓜沙律細細份，幾精緻，木瓜比平常腍啲。

本來濠記想整多個「乸型」芒果糯米飯帶走，但係侍應話無打包盒喎。算啦！下次再嚟過。

船媽泰麵

地址：氹仔老虎巷E鋪

營業時間：12:00-21:00

電話：2823 3394