從義大利傳入美國的披薩，已經是美國人生活的一部份。而紐約更是披薩登陸美國的第一站。

紐約市政府為了減少製作披薩產生的碳排放，正要求披薩店為柴爐或煤炭爐安裝碳排放控制裝置。業界憂慮會增加成本，並影響披薩風味。

繼續閱讀 紐約披薩風味或不再 市府擬要求安裝減碳裝置 →

在市場營銷學教科書中，向阿拉伯人賣沙子被視為創新的例子。不過在義大利，這一招似乎行不通。

美國一家連鎖薄餅店在薄餅的故鄉開店，最終撤出收場。

美國有線電視新聞網（CNN）引述義大利《今日米蘭》的報道，指達美樂（Domino’s ）無法打開當地市場，在登陸義大利七年後關閉所有分店。

有當地民眾接受電視台訪問時指出，「在義大利開薄餅店就像在英國開炸魚薯條店，在中國開中菜館一樣。」

繼續閱讀 美式連鎖薄餅店撤出義大利 →

繼阿根廷喺老對手巴西主場奪得美洲國家杯，自1994年以來首次奪得國際大賽冠軍後，今晚深夜凌晨3:00，英格蘭將會喺溫布萊主場面對意大利，問鼎55年來第一個國際大賽冠軍。就連高齡95歲、喺1966年親自向英格蘭國家隊頒發雷米金盃嘅英女王都親自寫信比英格蘭領隊修夫基。可以話舉國上下對今晚嘅比賽都寄予厚望。

大戰當前，兩地球迷互相開對手玩笑當然少不了。例如英國廣播公司就引述意大利《共和國報》駐倫敦記者提出嘅問題：「英格蘭人真係會喺薄餅上面放菠蘿嗎？」佢嘅結論係：「佢哋好少咁樣做，但係真正嘅問題係喺卡邦尼意粉入面加忌廉。」

意大利人對於自己嘅飲食文化非常之重視，喺好多人眼中係薄餅加上菠蘿，可以話係罪大惡極（其實薄餅鋪上菠蘿，係希臘裔加拿大人嘅發明）。不過台灣人似乎一於少理，喺奇異口味薄餅嘅道路上越走越遠！

喺意大利人眼中嘅奇異口味，其實都係台灣最傳統嘅口味。例如台灣Pizza Hut就推出咗「芫茜皮蛋豬血糕薄餅」，仲要灑上一層花生粉，好似返咗去台灣夜市咁樣！

呢一款薄餅上面兩種材料豬血糕同埋芫荽，都係相當具爭議性嘅食材，鍾意嘅就好鍾意，憎嘅就好憎，係冇中間路線可言。例如台灣著名youTuber 視網膜（陳子見）本身就唔鍾意芫荽，專登訂咗一個「走芫荽走豬血糕」嘅薄餅，結果收到個薄餅只係有一層金黃色嘅花生粉，佢嘅反應竟然係：「這樣就對了，最完美的披薩，看起來超級好吃」。

不過仲有更地獄級嘅薄餅！有業界推出雞佛（臺灣人對雞子的稱呼）薄餅，更選用比普通雞子大幾倍、有小朋友拳頭咁大嘅火雞子焗製，而且仲係件件都有成隻雞子，人人有份！薄餅仲有日式柴魚、泰式風味、海鹽三種口味任君選擇，主打中南部市場，第一日更已經賣出超過200份。據食過嘅人話，外皮有少少韌，一爆開就有汁噴出嚟，質感似豬腦、豆腐，不過汁液有啲腥，但有泰式調味汁中和到。

其實雞子喺台菜傳統上都係以麻油配製，用嚟畀婦女產後進補，亦都係火鍋常見材料。

雖然台灣呢啲口味奇特嘅薄餅短期內都食唔到㗎啦，但係各位準備觀戰嘅朋友，又會唔會叫（整）返件薄餅或者炸魚薯條，再買兩支啤酒，為今晚增加氣氛呢？