每年春夏之交，係日本奈良鹿生育嘅時節，鹿仔會喺呢個時候出世。

當地保育團體近日發出呼籲，叫遊客唔好觸摸鹿仔。因為鹿媽媽聞到鹿仔身上有人嘅氣味，會拒絕撫養，令鹿仔死亡。

網民亦已經將保育團體嘅呼籲翻譯成中、英、韓等語言。

（圖片：一般財団法人奈良の鹿愛護会）

內地啱啱結束咗「五一黃金周」假期，日本亦結束咗慶祝新天皇繼位嘅「超級黃金周」長假。

一連十日放假，唔少人出外旅遊，但對於被視為神獸嘅「奈良鹿」，就唔係一件咁舒服嘅事啦！

事關大家去親奈良，都會見吓班鹿仔，然後又用「鹿仙貝」餵佢哋。但旅客太多、餵得多、食得多就滯啦！擺喺面前、口邊都無反應。有啲就索性匿埋瞓覺去也。

醫生都話要身體健康，其中一樣就係要避免暴飲暴食，鹿仔都一樣㗎！

（圖片來源：bubble_oOoO@twitter、Brise_Marine@twitter）

• 

• 

之前大家都講緊塑膠對於海洋生物嘅傷害，其實塑膠垃圾對陸上動物都好危險！

日本《朝日新聞》尋日報道，喺奈良公園出沒、深受遊客喜愛嘅奈良鹿，都成為塑膠嘅受害者。

喺上個月23號有路人通報，表示「東大寺附近有鹿無法起身」。呢隻大約17歲、重30公斤、長79公分嘅雌鹿隨後被送去保護，但喺第二日上晝就死咗啦。「奈良之鹿愛護會」27號對鹿屍進行解剖，喺胃入面發現重3.2公斤嘅異物，據研判係膠袋纏繞所形成嘅聚積物。

愛護會獸醫丸子理惠話：「虛弱嘅鹿胃入面有垃圾，雖然會有咁嘅情況發生，但很少會出現咁多垃圾。呢隻鹿可能係因年紀大而衰老，不過佢體型好瘦，毛色亦唔好。」佢估計應該係胃內面塞住膠袋，令隻鹿無法攝取足夠養分。

（攝於2017年1月，非受害動物）