旅遊局持續透過資助計劃，鼓勵澳門社團舉辦多元化旅遊活動或項目，帶動社區經濟。旅遊局於六月份資助社團推出「澳門葡韻美食齊體驗」、「荷香FUN城‧文創市集」及「離島尋趣‧夏遊濱海」等社區活動，迎接夏季節慶及感受夏遊樂趣，讓旅客和居民探索澳門各區獨特「旅遊＋」元素，豐富遊歷澳門之體驗，帶動社區人流及消費。

繼百年老店「坤記」榮休後，澳門再有土生菜（澳葡菜）館即將停業！位於士多鳥拜斯大馬路的「窩婆美食」（Cozinha Aida）下周二（27日）晚起將暫停營業。

尋日同大家分享過有關馬介休嘅新聞。今日再同大家講吓馬介休。

尋日提過，葡國人平安夜食馬介休，係因為呢一日喺天主教傳統上係守齋戒嘅日子，即係唔食溫血動物（雞鴨鵝豬牛羊）。呢一個習俗喺同樣信奉天主教嘅義大利都有。

葡國人整馬介休有好多種方法，相傳有三百幾種，一年中每日一款都唔怕重覆。以下介紹一啲常見嘅種類。下次嚟澳門或者去葡國，想食馬介休，就唔怕唔識叫啦！

• 首先，最入門級嘅係將魚肉捏碎，混合薯仔炸成馬介休球，葡文叫做Bolinhos de bacalhau（9）。Bolinhos係「小球」咁解，「球」係Bola。
• Arroz de Bacalhau（1）就係馬介休飯。Arroz就係米嘅意思。
• Bacalhau com Todos（7）係白烚馬介休。會配烚蛋、烚薯仔、烚紅蘿蔔、烚椰菜等。Todos就係「乜都有」咁解。係里斯本人至愛。
• Bacalhau com natas（2）係忌廉（奶油）焗馬介休。葡撻嘅葡文名pastel de nata都有nata呢個詞，所以佢其實除咗蛋漿外，仲要加入忌廉。
• Bacalhau à brás（3）係薯絲馬介休。
• Bacalhau à lagareiro（5）係燒馬介休，配薯仔、炸蒜片，再淋上大量橄欖油，源自南部貝拉地區。
• Bacalhau com Broa（4）係麵包糠焗馬介休。Broa係葡國最家常嘅麵包，一般用粟米做，非常粗。
• Bacalhau à Gomes de Sá（6），高美士焗馬介休。Gomes de Sá係發明呢道菜嘅人。源自北部波圖嘅菜色。
• Bacalhau à Zé do Pipo（8），馬介休薯蓉批。Zé do Pipo係發明呢道菜嘅人。煮嘅時候加蛋黃醬。另一個源自波圖嘅菜色。