大家都知道印度係咖哩嘅祖家。不過有日本連鎖餐廳就返到印度開咖哩餐廳。

呢間全球擁有1400家分店嘅咖哩店，想喺呢個中產階級興起、對國際美食日漸有興趣嘅國家站穩腳跟，亦都需要作出一啲改變，例如餐牌唔會有印度教徒唔食嘅牛肉同埋穆斯林唔食嘅豬肉，反增加咗印度菜常見嘅鄉村芝士同茄子。

店方強調，餐廳進入印度唔係要同祖家嘅咖哩競爭，因為日式咖哩同印度咖哩係兩樣好唔同嘅嘢。餐廳助理行政總監話市場反應唔錯，而且有回頭客。

餐廳開業時適逢新型肺炎疫情，但似乎未受到影響。客人喜歡將日式口味同地道印度咖哩比較。有當地食客話，日本咖哩味道會令人上癮，會令人越食越想食喎。

講返咖哩點樣傳入日本，原來係來自英國海軍食用咖哩嘅傳統。當時日本海軍以當時世界上最強大嘅英國海軍為模仿對象，就引入咖哩牛肉配以白飯以改善海兵營養。加入麵粉嘅湯汁比較容易附在白飯上，避免在海上風高浪急時會瀉到周圍都係。

日本海軍，到依家嘅海上自衛隊，每星期五仍然保留咗食咖哩嘅習慣，原因係可以令長期喺海上生活，欠缺日期觀念嘅水手，可以記得邊一日係星期幾。而東京灣外港橫須賀係日本咖哩嘅誕生地。

（法新社）

住武漢700人0感染 網驚呼：還不買爆印度咖哩
2020/02/10 中時電子報

新冠肺炎持續延燒，全球各國不斷傳出確診案例，唯印度自從二月4日確診3名病例後，至今沒再傳出有人確診，且住武漢700名印度國民「0感染」，讓網友嘖嘖稱奇驚呼「還不買爆印度咖哩」。

印度本月4日確診3名新冠肺炎病例，立即將他們隔離，立即被隔離，據「ETtoday」報導，後來印度政府直到2月6日為止的撤僑行動中，計從武漢包機撤回近700名印度國民，結果竟然全都呈現陰性反應，亦即，沒有人感染新冠病毒。

不少網友看後打趣：「接下來恐怕是印度咖哩之亂了！」、「難不成是印度咖哩中的成分可以抗毒？」「還不買爆印度咖哩！」。

有口痕友話呢班印度人無出事，可能係因為飲咗恆河水喎！不過恆河水咁污染，飲出第二啲病嚟版主就唔負責啦！

至於咖哩係咪真係可以抗肺炎，呢點值得研究。不過咖哩入面重要嘅成份薑黃（tumeric）確實有抗炎、抗氧化的功效。

當然，食任何食物都要適度。最好都係請教醫生或者營養師啦！

（Fact check：其實印度1月15日開始已經禁止到訪過中國的外國人入境，另外已經撤銷2月5日之前簽發給中國內地旅客的所有簽證。印度至今已經有三宗確診病例，都係由武漢回國嘅學生。）