各位朋友，今日係大除夕。聽日就係壬寅虎年大年初一啦！除咗與親友歡聚以及各種拜訪之外，今年政府、商業機構同社團，都安排咗好多新春活動畀市民同遊客慶祝新春。以下就收集咗部份活動供大家參考：

市政署

如果大家今日仲未買賀年花卉、各種飾物嘅話，今日仲可以去塔石廣場年宵市場，睇吓有冇機會執平貨！（開放時間：上午9時至明日凌晨2時）

農曆新年祈福亦都係唔少人嘅指定動作。市政署喺媽閣廟設置咗神香風車檔，方便各位善信上香，買枝風車轉返個好運啦！（營業時間：1月31日下午6時至2月1日下午6時30分，2月2日至7日上午9時至下午6時30分）

澳門亦係中國少數可以喺市區燃放爆竹煙花嘅地市。今年喺澳門孫逸仙大馬路（近旅遊塔新城填海地）、氹仔史伯泰海軍將軍馬路近海傍處兩處地點繼續設有售賣及燃放爆竹、煙花、火箭嘅檔攤。（營業時間：1月31日中午12時至2月1日凌晨1時；2月1日至5日上午10時至晚上12時）

新春象徵春天嘅開始，親親大自然就最適合不過啦！市政署亦喺農曆新年期間將會舉辦新春系列大自然活動，推廣環境保育訊息，並為市民提供節假日好去處。「新春大自然活動」分別於年初五（2月5日）在氹仔花城公園側（哥英布拉街）及年初六（2月6日）在祐漢街市公園舉行，時間由下午二時三十分至五時，現場設有互動遊戲、新春乾花掛飾工作坊、環保利是封盆景植物工作坊、植物換領等活動。

市政署亦會喺2月3、5、6、12、13日下午2點半到5點半喺龍環葡韻舉辦「新春工作坊」，內容包括：新年木製掛飾工作坊、花卉金屬框匙扣工作坊、賀年桃花輕黏土盆栽工作坊以及賀年大桔輕黏土盆栽工作坊，適合任何年齡人仕參加。

旅遊局

至於大年初一，當然要精神爽利啦！旅遊局喺當日早上10點半有「龍騰舞躍賀新春」，全長238米嘅大金龍和18頭瑞獅喺大年初一舉行盛大巡遊，沿途向觀眾拜年。財神爺、金童玉女、福祿壽、虎生肖同澳門旅遊吉祥物「麥麥」亦會喺大年初一同初二喺澳門多處地點向市民同遊客派發「金元寶」。

至於今年農曆年嘅重頭戲，就要數到年初三、初七同元宵節嘅煙花表演，同埋年初三同正月十二舉行嘅「《福虎生威轉乾坤》2022農曆新年花車匯演」。

文化局

喺農曆新年呢個傳統節日，文化局亦都有賀禮送畀大家喎！澳門博物館同澳門藝術博物館聯合推出博物館館藏系列口罩，精心挑選十件展品以當中的圖案元素設計十款成人版口罩及款中童版口罩。

新春期間將會首先推出以澳門博物館館藏祝賀掛帳元素設計嘅口罩。口罩以大紅為底色，綴以鳥蝶圖案上嘅藏青、銀白等傳統色系，精巧和諧嘅配色既顯大氣典雅，又不失新潮。春節期間佩戴，寓意使用者承載著各種祝福。只要於新春期間（2月1日至2月15日）參加文化局轄下文博設施嘅指定駐場導賞，在導賞完結後，即可獲贈此款新春口罩。口罩數量有限，派完即止，大家萬勿錯過！

社團活動

另外亦都介紹兩個社團活動。其中文物大使協會會喺2月1日至7日上午11點半、下午3點同4點半，分別舉辦「發現澳門」及「繽紛離島」社區旅遊駐點導賞活動，透過一系列在社區進行特色駐點導賞活動，由青年導賞員帶領遊客同市民深入社區，發現社區當中嘅歷史文化之美，同時連動在地商戶，向旅客介紹社區中嘅特色商戶，豐富旅客嘅旅遊體驗，助力澳門旅遊業向文化旅遊嘅方向轉型升級，並發展社區旅遊模式。有興趣嘅朋友可以到網上或現場報名，名額有限，先到先得。

除咗新年吃喝玩樂，大家仲可以一齊做吓手作仔，同時愛自己、愛地球，關心社會！喺澳門推動「聯合國可持續發展目標」嘅知識共享同倡議平台「世望屋」，將會同澳門正向月事推廣協會喺2月12日合辦「正向月事手作坊」，由專人教導大家製作可重用嘅布護墊/布衛生巾，齊齊喺新一年善待自己。名額十五人，有興趣嘅朋友可以到呢度報名。

喜好杯中物嘅朋友，想喺3萬呎高空嘆返杯，機會越來越少啦！

繼美國航空同西南航空上星期推出限酒令後，美國聯合航空本周亦都宣佈跟隨，規定只會喺超過800英里或來往樞紐之間嘅航班提供包括啤酒、葡萄酒同在硬梳打水在內嘅酒精飲料，目的係防止乘客行為不檢。聯合航空曾經表示將恢復喺200英里以航班提供此項服務。美國航空亦宣佈繼續暫停喺主艙提供酒精類飲料。

舊年由於新型肺炎大爆發，好多航空公司暫停提供酒精飲料，部分係為咗減少乘客除低口罩嘅機會，並防止空中服務員同乘客之間不必要嘅互動。但係，最新嘅措施係針對乘客行為。

西南航空宣佈，鑑於近期業內發生機上乘客干擾飛行嘅事件有所增加，決定暫停較早前宣佈，分別喺六月同七月起喺前夏威夷航線以及其他航線重新提供酒精飲品服務嘅決定。

據代表西南航空空中服務員嘅工會表示，上個月有空中服務員被乘客打甩咗兩隻牙。西南航空上周五表示，為確保所有乘客同機組人員嘅安全和舒適，目前嘅決定係正確嘅。

美國聯邦航空管理局上周公佈，年初至今已收到大約2,500件關於機上行為不檢嘅報告，當中包括大約1,900件份同乘客拒絕遵守聯邦政府口罩令有關。

代表17家航空公司近5萬名空中服務員嘅美國空中服務員工會（AFA-CWA）主席Sara Nelson表示，今年至今嘅案例數量係往常嘅20多倍，機上暴力更被形容係前所未見。「對於戴口罩持續好鬥嘅態度令人筋疲力盡，為喺第一線抗疫嘅人員有時係可怕嘅。」

美國聯邦航空局在一月起採取了更嚴格嘅政策來處理不良行為的報告，此後對被指控襲擊機組人員嘅乘客處以高額罰款。其中上周公布嘅兩宗各罰款1.5萬美元嘅案件，都同酒精有關。局方仲宣佈對三宗同口罩有關嘅事件處以總共29500美元嘅罰款。

（CBS）

台灣網紅林啟晨（Josh Paler Lin）和俄羅斯女性友人日前在印尼峇里島拍攝惡搞短片，在臉上畫假口罩逛超市，違反當地防疫規定。當局昨天表示，將把兩人驅逐出境。

林啟晨與俄籍女性友人去某家超市時被警衛攔下，因為女方沒有戴口罩不得進入，兩人接著回車上，俄女用顏料在臉上畫口罩，並到超市闖關，竟獲警衛放行，成功進入超市，影片流傳後引起印尼民眾憤怒。

根據峇里島的規定，外國人不戴口罩，第一次將罰款100萬印尼盾（約554澳門元），第二次再犯即受到驅逐出境的處分。但當局決定直接將兩人趕出國門。

印尼法律和人權部峇里島辦公室負責人馬尼胡魯克（Jamaruli Manihuruk）說：「我們計劃將他們驅逐出境，但必須等有航班飛回他們各自的國家，希望愈快愈好。」

32歲的林啟晨在YouTube有340萬訂閱者，以拍攝惡搞影片走紅，他事後已將影片刪除，並向大眾道歉。

林啟晨在Instagram上傳影片致歉：「我拍這支影片是為了娛樂大家，因為我是個內容創作者，我的工作就是娛樂大眾。然而，我並未意識到我所做的事情，會得到那麼多負面評論。」

（中央社）

位於伊比利亞半島南端的英國屬地直布羅陀，宣佈在本周末（27日）晚上11時59分（澳門時間星期日6時59分）起解除室外「口罩令」。但在密封公共場所及商店，以及公共交通工具仍須佩帶口罩。

直布羅陀大街以及周圍的中心城區目前仍須佩帶口罩。

在新規定下，酒吧及餐廳自當地星期四晚上11時59分起可營業至翌日凌晨三時。在公眾地方每晚7時至上午8時禁止飲用酒精飲品，但餐廳及酒吧室外範圍除外。

當地衛生部門仍然呼籲公眾遵循公共衛生建議。當地首席部長期望隨著政府在安全審慎的情況下解除對公民自由的限制，可以解除公眾集會的限制。

當地餐飲業協會歡迎新措施，並指出在全民接種的情況下應該解除所有限制，並期待重新開放外國人觀光。

當地至3月23日新型肺炎疫苗接種率已經佔全部居民89.6%。

（GBC）