入鄉隨俗，入境問禁，是旅客出發前必須做的一件事。沒有做好這一步，小的損失金錢，大則性命不保。

過去1億5000萬年以來，澳洲已經與其他大陸分離，因而擁有獨特的生態系統。因此澳洲政府對於生物安全高度重視，對於未經申報攜帶食品在內的生物製品入境，處罰相當嚴重。

上月初一名十九歲的澳洲網紅，在希臘度假後經新加坡回國。在新加坡機場購買了一件潛艇三文治，吃完一半就藏於手袋中，入境澳洲珀斯時卻忘記了申報。結果她被罰款2,664澳洲元（折合約15,164澳門元）。她在社交平台透露事件後成為網上熱話。

繼續閱讀 入境問禁！澳洲網紅帶三文治回國罰款過萬 →

疫情發生已經超過一年半啦。仲記得上次坐飛機係幾時呢？上次食飛機餐係幾時呢？而你食過最好同最差嘅又係點嘅呢？

大家都知道為咗控制成本，廉價航空嘅其中一個特色就係no-frills，即係基本服務以外，細至一枝水、一個麵包都要額外收錢。咁但係有啲廉航出名係一分錢，都未必有一分貨。以下係最新一個例子。

愛爾蘭一名暢銷犯罪小說作家Liz Nugent上星期五喺社交網站分享咗佢朋友、女賽車手Aimee Woods乘坐瑞安航空（Ryanair）時影嘅相，話喺機上用5.5歐元（折合約52澳門元）買咗一份煙肉三文治，結果原來塊麵包無搽牛油，上面嘅煙肉只有薄薄兩片，每片都得麵包長度嘅大約一半。事主形容呢份三文治係 the world’s saddest bacon sandwich（世上最可悲嘅三文治）。但佢冇退貨要求回水，因為當時實在「太餓」。

相片引起網上熱烈討論。有人話成件事好似一件思考練習，究竟要將煙肉三文治嘅概念扯到幾薄就再唔算係一件「煙肉三文治」。又有人話航空公司係咪連牛油錢都要單獨收費。亦有人話：除咗冇牛油、醬料同似樣配菜外，諗起有人要將一薄片肉再撕開勒緊褲頭，同樣令人擔心。

不過有人批評事主唔理解，過去一年半為航空業係十分艱困嘅時期。Aimee Woods回應話：「我還是享受了一段美好嘅航程，乘務員都好優秀。我只係覺得件三文治幾風趣同埋有啲貴。我始終都食咗件三文治。老實講，未必會有人因為三文治嘅質量而唔去乘坐某家航空公司嘅航班。」航空公司對此尚未作出回應。

（英國《都市日報》）

去過臺灣嘅朋友，除咗鳳梨酥、太陽餅，以沙律醬取代牛油、口味獨特嘅洪瑞珍三文治亦都係深受歡迎嘅手信之一。洪瑞珍近年甚至紅到韓國同香港，並喺兩地開設分店。

不過喺2018年就曾經有一家「洪家手作洪瑞珍」嘅三文治就發生食物中毒事件。香港法院舊年已經作出裁決，禁止「洪家手作」使用「洪瑞珍」名稱。

喺臺灣，新北智慧財產法院最近亦就「洪瑞珍」商標鬧雙胞一案作出裁決，判洪家第二代堂兄洪峻聲勝訴，堂妹洪毓珊經營嘅「洪瑞珍傳世有限公司」侵犯商標權，禁止再使用洪瑞珍名稱，另須賠償80萬元新台幣。全案仍可上訴。

（民視）