在1939—1945年、納粹德國執政的十二年間，數以百萬計的人——當中包括六百萬猶太人、性小眾、政治異見人士等——被趕入集中營，以工業化的模式殺害。
在最著名的、位於波蘭克拉科夫的奧斯威辛集中營紀念館，3月20日在社交網站呼籲大家尊重在那裡死去的一百一十萬人，不要在運送被囚者的鐵路路軌上擺姿態自拍。
類似的情況曾經在德國柏林的猶太人大屠殺紀念碑出現過。
（圖片來源：Roger-Viollet / Rex Features）
尊重逝者，咪亂自拍
幫河豚「脫毒」
所謂「拚死食河豚」，河豚出名有毒，呢句話一方面說明河豚美味，死咗都值，另一方面又讚揚敢食河豚嘅人有勇氣。
食河豚最出名嘅日本，近年不斷研究幫河豚「脫毒」嘅方法。據英文《日本時報》報道，喺東北部岩手縣，有酒店用溫泉水養河豚，不但快高長大，而且養出嚟嘅河豚仲無係毒嘅。
據酒店表示，溫泉水含豐富礦物質，能促進河豚即使喺冬天都可以繼續生長，只需要養一年就可上市，比一般河豚提早半年。又由於溫泉河豚並非以海藻同貝殼類動物做食物，亦因此失去咗毒性。
酒店經理表示，用溫泉水養嘅河豚同野生魚一樣美味。佢又希望令呢種河豚發展成為當地特色，為振興日本東北作出貢獻。
同酒店合作、發明用溫泉水養河豚嘅公司，位於栃木縣，目的係為幫助人口減少嘅市鎮同鄉村復興。佢已經同另外十幾間公司簽咗特許經營協議，利用溫泉水養河豚，其中一處位於九州宮崎縣一間廢棄咗嘅學校。
根據日本環境省資料顯示，全日本47個都道府縣都有溫泉分佈，2016年溫泉數量超過27,000處。
（圖片來源：共同社）
一碗值471萬元的麵條
一碗麵要471萬蚊？版主你搞錯咋哇？
版主無講錯，真係471萬，471後面有四個0！
因咩事咁貴呀？
事因2017年12月20日喺珠海市鳳凰山發生嘅一宗山火，早前已經有咗裁決。
經調查，2017年12月15日，被告人曾某攜帶登山設備及打火機、鐵鍋等物品，在鳳凰山塘抱石水庫尾附近一山腰平地處搭建帳篷宿營及生火煮麵。同月20日18時許，被告人曾某再次來到此處生火煮麵，因未及時熄滅灶台內餘燼，在山風作用下餘燼復燃並引燃山林，曾某因撲救無力而逃離下山，以致過火林地面積達76.9530公頃，燒毁的林地屬於省一級生態公益林。
香洲區法院一審宣判，被告人曾某因鳳凰山失火案被判處有期徒刑兩年，同时刑事附帶民事公益訴訟部分判處被告賠償生態林植被恢復費用共4,717,522.86元（折合約5,679,651澳門元）。
被告人對刑事附帶民事起訴書認定的事實無異議，當庭表示認罪悔罪，並表示將盡力賠償。
目前，鳳凰山過火地植被復綠工作正在積極推進中。
（部分圖片來源：Google Maps）
國泰收購快運
傳聞多時，香港國泰航空今日宣佈收購香港快運航空，令國泰持有香港四家航空公司嘅其中三間：國泰、國泰港龍及香港快運。
國泰公布指出，以49.3億元收購香港快運航空，其中現金代價為22.5億元，而非現金代價為26.8億元，通過發行及更替承兌貸款票據結付。預計交易於12月31日或之前完成，香港快運將成為國泰航空的全資附屬公司 ，並繼續以廉價航空的業務模式，作為一家獨立運作的航空公司營運。
國泰在港交所的公告指，由於國泰與香港快運的業務及業務模式，很大程度上可以互補，交易預計會產生協同效應，並為國泰以具吸引力的實際方式，支持航空業務的長遠發展及增長，並致力加強競爭力。
交易亦需達成若干條件後方可作實，包括獲得有關的競爭管理當局授予所需的許可、取得香港快運有關合約項下的同意，以及終止或變更香港快運與其關聯方之間的若干安排。
而值得留意的是，通告中亦提到，一家代表香港快運的中間控股公司股東的律師事務所致函公司，表示有意爭辯賣方就交易訂立協議。股份收購協議要求授權賣方訂立股份收購協議的文件副本於支付任何訂金之前交付公司。倘若開展妨礙交易的訴訟，公司在股份收購協議項下有權終止股份收購協議。
（明報 / 商業電台）
澳洲撞車案
2017年喺澳洲維多利亞州發生嘅一宗涉及內地人嘅致命車禍尋日有咗裁決。二十八歲姓潘嘅內地人被控一項「危險駕駛導致他人死亡」及一項「危險駕駛導致他人嚴重受傷」罪名成立，被判處三年零四個月徒刑。
根據澳洲《時代報》報道，姓潘嘅司機持有457工作簽證，即近年好流行嘅「工作假期」簽證。根據維多利亞州法律，457簽證屬臨時簽證，持有人開車無需另外持有州駕駛執照，而潘姓司機持有香港發出嘅國際駕駛執照。
就事論事，版主不禁要問三個問題：
- 你去澳洲工作假期，事發時已經喺澳洲成七個月。你會唔識個「STOP」字點寫？就算唔識，中國內地停車符號係中間個字唔同，顏色、形狀一樣嘅。
- 我唔知內地減速帶係咩時候用啦。但叫得減速帶肯定係要你駛慢啲，仲有「Prepare to Stop」叫你準備停低。你都仲唔識收？
- 仲有，十字路口全世界都知要慢落嚟，睇吓有冇其他車經過。你仲一支箭飆過去？
以上三樣，都係唔需要GPS提嘅，係你有冇將人哋性命放在心內。版主嘅結論係：此人賴三賴四，毫無悔意！
版主見到事發後路口加咗中文標示牌張相，都覺得好醜囉……之後人哋政府加強限制，都多得你唔少囉。
利申：版主持有有本地駕駛執照，但為慳錢、環保等理由而冇買車。
（圖片來源：維基共享資源、Joe Armao / The Age）
臺鐵便當新廚房
鍾意坐火車遊臺灣嘅朋友，總會記得火車上香噴噴嘅飯盒（便當）。
原來舊年臺鐵賣咗超過1053萬個，即係2.3個臺灣人就買咗一盒，創歷史新高。而臺鐵除咗臺北、臺中、高雄餐廳同埋七堵車勤部、車勤花蓮分部有鐵路廚房生產便當外，3月14日更成立台東餐務室，以應付臺東車站同埋南迴線列車嘅需求量。
目前臺東餐務室主要製作60元、80元新臺幣排骨便當兩種，每天產量約在800個至1100個之間；下一步會將花蓮山豬肉等特色便當引進台東，未來唔排除開發台東特色便當。
版主：其實臺鐵素食便當最好食！
（2010年7月攝於臺東、嘉義）
走進浮世畫卷
浮世繪是日本江戶時代平面藝術的代表，內容反映當地人民的生活愛慾。在十九世紀下半葉、日本明治維新時期，浮世繪傳入西方，並影響當時的印象派、新藝術等畫派。
最近英國一名電腦系畢業生兼浮世繪愛好者 George ，結合了Openstreet Map和歌川廣重三套作品，製作成浮世繪電子地圖，讓我們可以欣賞兩百年前日本的風光。
只是地圖少了街景功能，如果能夠即時比較歌川的作品和現今周圍的景物，蒼海桑田的震撼感覺會更強烈一些。
日本櫻花季節正進入高峰，大家不妨參考一下大師，尋找最美的風景吧！
（圖片：東海道終點、京都的三條大橋。來源：立場新聞）
雅加達地鐵通車
恭喜雅加達地鐵落成通車！
呢個人口有大約一千萬嘅印尼首都，直到前日仍然係東南亞冇地鐵系統嘅最大城市。希望地鐵嘅通車，可以減輕當地塞車嘅情況。
至於目前開通嘅南北線第一階段，長15.7公里，連接迎賓廣場（Monumen Selamat Datang）到Lebak Bulus，沿途主要係商業區。至於第二階段通往國家紀念碑（MONAS）同埋雅加達老城（Kota，即荷蘭殖民時期嘅巴塔維亞）、長7.8公里嘅路段，就預計要2024年通車啦。
而今年喺東南亞嘅另一個國家越南，兩個主要城市：首都河內同埋最大城市胡志明市都會開通地鐵。呢個以電單車為主要交通工具嘅國家，城市面貌可能會有好大改變。
（圖片來源：歐新社）
緊急救援
瑞士維京郵輪公司（Viking Ocean Cruises）旗下的維京天空號（Viking Sky）昨日在前往英國途中，至挪威外海時，在惡劣天氣下機件故障、失去動力，並逐漸漂向陸地。
由於當地天文台指，該海域的海浪有6至8公尺高、風力達到時速69公里，加上船艙因為巨浪沖擊而進水，船長決定發出求救信號。後來其中一個引擎後來成功重新啟動，令郵輪在離岸2公里下錨待救。
挪威當局派出五架直升機及多艘救援船參與行動。最新消息指，目前四個引擎中三個已經可以重新運作，1,373乘客及船員中，有393名較早前已經被救上岸，其他人目前需要至少三個小時、等待拖船協助才能回到岸上。
祝願所有乘客和船員早日平安抵岸。
（臺灣《蘋果日報》、歐洲新聞網、法新社）
五一旅遊大數據
內地公佈「五一」勞動節由放一日假，增加至四日後，內地旅遊網站「去哪兒網」平台數據顯示，放假消息發佈一小時之內，網站機票搜索量迅速攀升，國際航線機票搜索量更是增幅達到10倍。
而阿里巴巴旗下嘅「飛豬」資料就顯示，當日早上十點至中午十二點，國內機票預訂量較上周同時段增長超過50%，國際機票增長超過150%。其中10：19—11：19消息發佈嘅一個鐘頭內，國內同國際機票預訂量分別增長咗30%和90%。
另外，攜程旅遊亦發表咗《2018「 五一」 小長假旅游大數據報告》，根據携程門票嘅數據，2018年預訂量最高嘅國內十大收費景區包括有上海迪士尼度假區、北京故宫、峨眉山、黃山風景區等，出境的有香港迪士尼樂園、日本環球影城、澳門新濠影匯等景區。
至於攜程「五一國內十大人氣免費景區」分別係：浙江杭州西湖、上海外灘、北京什刹海、廈門鼓浪嶼、南京中山陵、成都寬窄巷子、湖南鳳凰古城、海南三亞亞龍灣、雲南大理古城以及湖南長沙橘子洲景區。
濠遊天下 Macau on Journey, 