好多港澳朋友都將日本視為第二個故鄉。可惜疫情喺日本仍未緩和，如果想趁十一假期一解「思鄉之情」，最近嘅地方可能係……出關兩個鐘車程嘅佛山？

最迎有日本網民發現喺佛山出現咗一條模仿日本街頭嘅「一番街」，入面嘅招牌、街道牌、燈籠、過路處等，讓人好似置身東京鬧區。不過細留意走馬燈嘅字體，以及行左軚嘅的士，仍然提醒大家呢度係中國！

一番街
地址：佛山市南海區大瀝鎮黃岐建設大道中星港城

另外喺順德，原訂年初開幕、由日本建築師安藤忠雄設計嘅「和美術館」將於十一國慶節試業。

美術館總面積約為16,000平方米，其中展廳面積約8,000平方米。通過運用清水混凝土作為建築材料，安藤忠雄將光、水、風等自然元素融入到這座具有嶺南建築文化意境的美術館中。

據館方介紹，建築從細部到整體構成，甚至包括景觀設計，都如同水面波紋一樣，層層展開。而中心係圓筒狀五層挑空嘅空間。雙重螺旋樓梯盤旋而下，形成中央圓形空間。如同DNA結構嘅雙螺旋清水混凝土樓梯，相信係館內一大「打卡點」。

另外，美術館設有夾岸花園，其動線暗含了曲徑通幽嘅意境。弧形嘅清水混凝土隔牆喺園中有序地分佈、環繞，配合多種精心選植嘅粉色系開花喬木，使觀眾恍如「夾岸數百步，忽逢桃花林」般暢遊於詩意之中。

美術館首個展覽「世間風物——和美術館開館大展」，將探討人類文明喺自然規律中嘅處境，關注生存環境嘅具體性，審視現代化過程中所導致嘅人與物、人與自然等生態系統嘅相關性，以及區域性文化嘅傳承和可持續性發展等問題。展覽喺呢個時候開幕，相信別具意義。

和美術館
地址：佛山市順德區北滘新城怡興路6號
開放時間：
週二至周日 10:00-18:00（17:30停止入場）
週一閉館（遇法定節假日閉館時間順延至節後第一個工作日）
* 2020年10月1日 10:00-15:00（14:30停止入場）
* 每月20日為免費公眾開放日（遇閉館日順延至下一個自然日）
預約管道：和美術館官方微信公眾號預約購票。

全球航空業喺新型肺炎疫情大受打擊。不過航空業界亦努力自救，除咗改裝客機承擔貨運服務，仲推出各種活動，喺安全嘅前提下吸引乘客，增加收入。

泰國國際航空最近將喺曼谷總部嘅員工飯堂改裝成機艙主題餐廳對外開放。為求迫真，「乘客」要預先訂枱，「上機」前要出示「登機證」。「上機」使用嘅是真實使用嘅舷梯，並由身穿制服、佩戴面罩嘅空中服務員接待。座位也是與飛機客艙內使用嘅座位，而且亦分為經濟艙同商務艙，其他裝置也利用咗真實嘅飛機零件。

至於食物就係即叫即整，單點95泰銖（折合24澳門元）起，每日可賣出2000份。平日製作幾千份飛機餐嘅廚師說，第一次同「乘客」互動，感覺好特別。餐廳內亦有紀念品售賣，仲有登機門供大家影相留念。平時大家忙著上落機，如今可以「任影唔嬲」啦！

喺臺灣，當地有旅遊電商、臺灣虎航以及韓國觀光公社臺灣分社，聯合推出專為疫情下希望坐機旅行遊客設計嘅「韓國想見你、台虎想念號起飛」濟州微旅行商品，9月14日推出，四分鐘就賣曬啦！

120名遊客將喺9月19日（今日）從臺北桃園機場飛去濟州，飛機喺濟州唔會著陸只會喺上空盤旋，等乘客欣賞景色，然後就返臺灣。上機前遊客可穿韓著同飛機合照，喺機上品嚐韓式炸雞啤酒，體驗各種韓國傳統遊戲，並將獲贈疫情後一年有效嘅臺北至濟州來回機票。

至於由於疫情，跨州旅行受限制嘅澳洲，亦都推出咗「空中漫遊」嘅國內航線，讓乘客無需隔離都可以飽覽澳洲嘅山河景色。

10月10日，澳洲航空一架波音747航機將接載150名乘客，喺雪梨機場起飛，飛越新南威爾士州、昆士蘭州同北領地嘅上空，期間會低飛澳洲部分地標，包括烏魯魯石（Uluru）、被譽為風之谷的卡塔丘塔（Kata Tjuta）、聖靈群島（Whitsundays）、黃金海岸、拜倫灣（Byron Bay）、雪梨港等。

歷時七小時嘅航程有餐飲服務，雖然機票並唔平（經濟艙787澳洲元，折合4596澳門元），但10分鐘內仍然搶購一空。

（SBS / 路透 / 韓聯社）

日本氣象網站weathernews星期三（9月16日）公佈今年第一波紅葉預報，其中北海道最高峰、海拔2,290公尺的旭岳將會由9月23日處於最盛期（見頃，みごろ） ，而最受歡迎的京都嵐山將於11月21日處於最盛期，比去年提前三日。

網站同時也發佈了銀杏前線。東京著名的明治神宮外苑銀杏大道將於11月26日處於最盛期，比去年提前兩日。

中歐峰會昨晚舉行。

國家主席習近平與歐盟輪值主席國德國總理默克爾、歐洲理事會主席米歇爾、歐盟委員會主席馮德萊恩舉行網上會晤。會上雙方領導人宣佈正式簽署《中歐地理標誌協定》。商務部部長鐘山與德國駐華大使葛策、歐盟駐華大使郁白正式簽署了《中華人民共和國政府與歐洲聯盟地理標誌保護與合作協定》。

協定包括十四條和七個附錄，主要規定了地理標誌保護規則和地理標誌互認清單等內容。協定納入雙方共550個地理標誌（各275個），涉及酒類、茶葉、農產品、食品等。當中中方獲納入互認清單的包括安吉白茶、五常大米 、郫縣豆瓣、 山西老陳醋、吐魯番葡萄乾 等，而歐盟獲納入的包括法國香檳 、愛爾蘭威士忌 、巴伐利亞啤酒、菲達芝士、帕爾馬火腿、葡國青酒等。

地理標誌是一種用於具有特定地理來源的商品的標誌，表示某一具體的生產地點或地區，這一地點或地區決定了產自該地的產品所具有的特質，尤其是產品的品質和聲譽。地理標誌源於法國的AOC（法定產區餐酒）制度。最著名的例子有法國香檳。法國香檳地區以外出產的有氣酒都不可稱為香檳。（中國中央電視台 / 世界知識產權組織）

大家都知道印度係咖哩嘅祖家。不過有日本連鎖餐廳就返到印度開咖哩餐廳。

呢間全球擁有1400家分店嘅咖哩店，想喺呢個中產階級興起、對國際美食日漸有興趣嘅國家站穩腳跟，亦都需要作出一啲改變，例如餐牌唔會有印度教徒唔食嘅牛肉同埋穆斯林唔食嘅豬肉，反增加咗印度菜常見嘅鄉村芝士同茄子。

店方強調，餐廳進入印度唔係要同祖家嘅咖哩競爭，因為日式咖哩同印度咖哩係兩樣好唔同嘅嘢。餐廳助理行政總監話市場反應唔錯，而且有回頭客。

餐廳開業時適逢新型肺炎疫情，但似乎未受到影響。客人喜歡將日式口味同地道印度咖哩比較。有當地食客話，日本咖哩味道會令人上癮，會令人越食越想食喎。

講返咖哩點樣傳入日本，原來係來自英國海軍食用咖哩嘅傳統。當時日本海軍以當時世界上最強大嘅英國海軍為模仿對象，就引入咖哩牛肉配以白飯以改善海兵營養。加入麵粉嘅湯汁比較容易附在白飯上，避免在海上風高浪急時會瀉到周圍都係。

日本海軍，到依家嘅海上自衛隊，每星期五仍然保留咗食咖哩嘅習慣，原因係可以令長期喺海上生活，欠缺日期觀念嘅水手，可以記得邊一日係星期幾。而東京灣外港橫須賀係日本咖哩嘅誕生地。

（法新社）