尋日同大家分享過有關馬介休嘅新聞。今日再同大家講吓馬介休。

尋日提過，葡國人平安夜食馬介休，係因為呢一日喺天主教傳統上係守齋戒嘅日子，即係唔食溫血動物（雞鴨鵝豬牛羊）。呢一個習俗喺同樣信奉天主教嘅義大利都有。

葡國人整馬介休有好多種方法，相傳有三百幾種，一年中每日一款都唔怕重覆。以下介紹一啲常見嘅種類。下次嚟澳門或者去葡國，想食馬介休，就唔怕唔識叫啦！

• 首先，最入門級嘅係將魚肉捏碎，混合薯仔炸成馬介休球，葡文叫做Bolinhos de bacalhau（9）。Bolinhos係「小球」咁解，「球」係Bola。
• Arroz de Bacalhau（1）就係馬介休飯。Arroz就係米嘅意思。
• Bacalhau com Todos（7）係白烚馬介休。會配烚蛋、烚薯仔、烚紅蘿蔔、烚椰菜等。Todos就係「乜都有」咁解。係里斯本人至愛。
• Bacalhau com natas（2）係忌廉（奶油）焗馬介休。葡撻嘅葡文名pastel de nata都有nata呢個詞，所以佢其實除咗蛋漿外，仲要加入忌廉。
• Bacalhau à brás（3）係薯絲馬介休。
• Bacalhau à lagareiro（5）係燒馬介休，配薯仔、炸蒜片，再淋上大量橄欖油，源自南部貝拉地區。
• Bacalhau com Broa（4）係麵包糠焗馬介休。Broa係葡國最家常嘅麵包，一般用粟米做，非常粗。
• Bacalhau à Gomes de Sá（6），高美士焗馬介休。Gomes de Sá係發明呢道菜嘅人。源自北部波圖嘅菜色。
• Bacalhau à Zé do Pipo（8），馬介休薯蓉批。Zé do Pipo係發明呢道菜嘅人。煮嘅時候加蛋黃醬。另一個源自波圖嘅菜色。

新加坡小販文化星期三晚獲聯合國教科文組織列入人類非物質文化遺產代表作名錄，是新加坡首個獲入選的非遺項目。

總統哈利瑪稱小販文化多方面塑造了新加坡的身份認同，為當地社會的多樣性作出了貢獻。總理李顯龍則感謝一代又一代的小販滋養了一個國家的腸胃和心靈，並稱此一榮譽來自他們的汗水、辛勞和敬業精神。

早年，新加坡小販推著手推車，在街上售賣價廉物美的食物，後來政府把他們遷入小販中心，成為新加坡的一大特色，更吸引了各地旅客一嚐各民族美食。

新加坡在2018年確認了《保護非物質文化遺產公約》，總理李顯龍同年宣佈提名小販文化作為第一個申報的非遺項目，並於去年遞交文件。

至於新加坡保育小販文化的挑戰包括：由於工作時間長達16小時，難以吸引年輕人加入，導致經營者的年齡中位數達59歲（2013年數字），以及新型肺炎對旅遊業的衝擊。

今年全球共有35個項目入選該名錄。同時入選的還包括太極拳（中國）、送王船（中國和馬來西亞）、燃燈節（韓國）、木建築工藝（日本）、班頓詩歌（馬來西亞、印尼）、賽駱駝（阿聯酋、阿曼）、手製玻璃聖誕裝飾技藝（捷克）、上埃及的手織工藝（埃及）、布迪馬舞（贊比亞）、查瑪米音樂（阿根廷）等。連同今年新增的兩項，中國有42個非物質文化遺產項目列入名錄，居世界第一。

另外，新加坡植物園也在2015年列入世界文化遺產名錄。

秋天最具代表性嘅花當然就係菊花啦！原來過關坐城際只需36分鐘，就可以欣賞到有超過200年歷史、被列入第一批國家非物質文化遺產嘅小欖菊花會啦！

位於中山市西北部嘅小欖鎮，南宋末年就已經開始有種植菊花。到清朝乾隆年間更開始出現菊花會，尤其是每逢甲戌年規模更加盛大。不過下次有咁大規模嘅菊花會就要等到2054年啦！

今年小欖菊花會嘅會場，佔地350畝，展出咗25個大型造景、共25萬盆菊花。入面嘅菊花有不同品種，亦有各種嘅造型，好似係製成盆栽咁嘅樣，亦有一啲做到好似孔雀開屏咁樣，或者造成瀑布一瀉千里嘅效果。當地各大企業同埋鄉鎮社區亦都設計出不同造景，實行宣傳自己。同場亦都有其他花卉展出，包括係近年喺澳門相當受歡迎嘅向日葵花田，呢度亦都有。

菊花同中國人有着好深厚嘅淵源，亦都產生咗好多同菊花有關嘅文化。會場有花藝比賽展覽，亦都有售賣各種用菊花製成嘅食品。成年人當然可以品嚐傳統嘅菊花酒，想一試新奇嘅亦都可以嘗試菊花刺身。

嚟中山當然要試吓當地嘅美食啦！中山最出名嘅就係石岐乳鴿啦。朋友介紹咗一間位於石岐一間好出名嘅餐廳，好多港澳人都慕名而來。

坐低叫咗一隻滷水乳鴿（RMB22）同埋一個北菇雞煲仔飯（RMB18）。呢個價錢已經十分懷舊。一上枱更加驚艷！乳鴿係新鮮貨色，一咬入面滾湯嘅肉汁就噴出嚟。的確係唔同啲！煲仔飯嘅飯焦亦都非常可口，好容易就食得乾乾淨淨！

大家不妨可以趁花會嘅時候行一趟中山，最好就兩日一夜：早上去參觀菊花會，欣賞同場舉辦嘅第12屆中國民間藝術節，下午喺石岐食午飯行街，夜晚去三鄉浸溫泉，消除疲勞！

2020年小欖菊花會＋第12屆中國民間藝術節
展期至12月13日
時間：
週一至週五上午9時至晚上10時
週六週日上午9時至晚上10:30
門票：
週一至週五RMB20
週六週日RMB30
微倍提前24小時購票更可獲優惠
交通：
珠海站—（廣珠城際）—小欖站（票價RMB40）
轉乘專車（每15至20分鐘一班，票價RMB2）

煲煲掂西區店
中山市西區下閘新村2棟106號
（中山一路維也納酒店直入）

• 

• 

• 

• 

• 

• 

• 

• 

• 

• 

為期十七日嘅第二十屆澳門美食節，星期五已經喺西灣湖廣場開幕啦！

今年美食節為咗配合特區政府嘅防疫措施，邀請咗過百家本地特色餐飲商號參加。想知道有咩好嘢食，跟住濠仔一齊走入西灣湖廣場啦！

為咗保障各位參加者嘅健康，大會已經做足準備功夫，包括入場時要持有「澳門健康碼」並經過體溫檢測。現場設有消毒潔手液供大家使用，更實施人潮管制，以及劃定指定用餐區，確保大家都有一個舒適飲食嘅環境。

今年旅遊界一句最潮口號係「staycation」。既然今年全部參加商號都係本地薑，其實都係一個好好嘅機會重新認識澳門嘅美食。例如茶，作為中國最具代表性嘅飲品，就有商號推陳出新，除了近年流行嘅冷泡茶外，仲將各種茶湯製成茶凍，實行飲得又食得！

華聯茶葉公司（G9）
冷泡茶MOP15
茶凍MOP35/6件/任選三款口味

外省菜喺澳門一直都佔有一定地位。喺風味美食街有一個攤位，個店名以為係食海鮮嘅，其實賣嘅係上海菜。食上海菜當然唔少得時令大閘蟹啦！呢度仲有港澳少見嘅蘇式酥皮月餅。天氣漸見清涼，一件熱辣辣、啖啖肉嘅月餅，再送一碗老鴨粉絲湯，令人暖在心頭！攤位嘅擋板亦十分有意思，值得細細回味。

鯉魚門（E6）
鮮肉月餅 MOP 10

美食節嘅口號係「品味世界 美食之都」，今年多家商號繼續為我哋帶來世界各地嘅美食。多家泰國同印度餐廳，都為會場帶來異國風情，各種旗幟、美食，以至員工嘅衣物，令人有一種返到好多人心中「第二故鄉」嘅感覺！而喺會場舞台嘅一角，亦有商號以一隻大大嘅「生蠔」裝飾攤位作招徠。櫃檯擺滿咗來自法國嘅生蠔，即開即食，十分新鮮。濠仔推薦佢哋獨家發售嘅「皇御」（Ostra Regal）生蠔。兩隻生蠔雖非極肥，但仍然食出頗為濃郁嘅海水味。CP值，高！

天蠔薈（B7）
皇御生蠔 MOP50/兩隻

澳門近年不少年輕人都投身到創業行列，而飲食業係其中一個熱門行業。美食節會場亦都有唔少年輕人嘅身影，售賣近期多種網紅美食，例如係蛋包飯、冰糖葫蘆、葡撻口味嘅蛋卷等。而喺深受大眾歡迎嘅日本街，有一個攤位專賣各式布甸，但又寫住Omakase。原來根據負責人介紹，呢間餐廳總店就真係賣由廚師長發辦嘅菜色。想了解更多，不妨喺美食節以外嘅時間去支持吓啦！

鮨玥Omakase（D17）
樽裝布甸MOP30

食完想消化一下再戰江湖？大家可以憑消費收據到遊戲區一試身手。最後再提提大家，為咗減少污染同浪費，入場記得自備餐具，買嘢食亦要適量購買啊！大家亦可以善用公共交通工具，以及由會場分別來往南灣國際銀行、黑沙環市場街，以及氹仔中央公園嘅免費穿梭巴士，咁就食得輕鬆又安心啦！

（廣告）

位於美國西北部的黃石國家公園是世界上第一個國家公園，以野生動物和地熱景觀聞名於世。

不過，有些遊客不顧自身安全，靠近水溫極高，甚至帶有腐蝕性的泉水，曾經出現致命意外，最後更屍骨不存。

上周就有三名遊客因試圖用溫泉水煮食，被判罰款及禁止進入公園範圍。三名被告年齡介乎40至50歲之間，被控兩年前在公園懷俄明州部分煮食。他們把鍋具帶到公園一個偏僻角落，把兩隻生雞浸入泉水裡。

被告解釋他們是在煮晚餐，但仍然被罰款540至1250美元（折合約4313至9984澳門元），當中兩人額外被判入獄一日。三個人更被判禁止再進入公園範圍。

在黃石公園，接近泉水除了危險和違法以外，讓生肉接觸泉水更會傷害泉水中的微生物。公園今年至今已經以接近泉水為由拘捕了122人。

（英國《都市日報》）

在很多人心中色澤鮮紅、口味辣中帶清新的泡菜（韓文稱김치gimchi），是對韓國飲食的第一印象，因此韓國人也被戲稱為「泡菜民族」。就連韓國人的日常生活甚至談婚論嫁都和泡菜扯上關係。

不過，這種和韓國人生命不可割捨的食物，最近都遇上危機！

事緣今年朝鮮半島雨季比平常長，加上三次受到颱風吹襲，導致泡菜主要原料大白菜失收。而且進入秋季正是醃製這種傳統越冬食品的時節，導致價格上漲六成。

當地統計部門資料顯示，鮮活食品價格過去一個月上漲22%，是2011年以來最高。就連當地泡菜生產商部份產業都出現斷貨，部分要另覓貨源，以滿足疫情下在家煮食帶來的需求。

當地專門研究農村經濟的人士指出，大白菜對氣候極為敏感，任何極端天氣都會危及收成。他指出即使實際價格開始穩定下來，對價格的不確定性將維持至明年下一個醃製泡菜（韓文稱김장gimjang）的季節。

事實上，目前韓國泡菜九成來自中國內地（中國東北有二百多萬朝鮮族）。而翻查直到上世紀90年代初前，大白菜產量是蘇聯第一（俄羅斯本身有食用大白菜，而且當地也有朝鮮族，主要在中亞地區），中國第二而日本第三，韓國排第四。蘇聯解體後，中國成為第一，印度亦後來居上；2000年前後至今，韓國徘徊在第三與第四之間，僅次印度與中國。

（彭博 / Yahoo 財經）