喜好杯中物嘅朋友，想喺3萬呎高空嘆返杯，機會越來越少啦！

繼美國航空同西南航空上星期推出限酒令後，美國聯合航空本周亦都宣佈跟隨，規定只會喺超過800英里或來往樞紐之間嘅航班提供包括啤酒、葡萄酒同在硬梳打水在內嘅酒精飲料，目的係防止乘客行為不檢。聯合航空曾經表示將恢復喺200英里以航班提供此項服務。美國航空亦宣佈繼續暫停喺主艙提供酒精類飲料。

舊年由於新型肺炎大爆發，好多航空公司暫停提供酒精飲料，部分係為咗減少乘客除低口罩嘅機會，並防止空中服務員同乘客之間不必要嘅互動。但係，最新嘅措施係針對乘客行為。

西南航空宣佈，鑑於近期業內發生機上乘客干擾飛行嘅事件有所增加，決定暫停較早前宣佈，分別喺六月同七月起喺前夏威夷航線以及其他航線重新提供酒精飲品服務嘅決定。

據代表西南航空空中服務員嘅工會表示，上個月有空中服務員被乘客打甩咗兩隻牙。西南航空上周五表示，為確保所有乘客同機組人員嘅安全和舒適，目前嘅決定係正確嘅。

美國聯邦航空管理局上周公佈，年初至今已收到大約2,500件關於機上行為不檢嘅報告，當中包括大約1,900件份同乘客拒絕遵守聯邦政府口罩令有關。

代表17家航空公司近5萬名空中服務員嘅美國空中服務員工會（AFA-CWA）主席Sara Nelson表示，今年至今嘅案例數量係往常嘅20多倍，機上暴力更被形容係前所未見。「對於戴口罩持續好鬥嘅態度令人筋疲力盡，為喺第一線抗疫嘅人員有時係可怕嘅。」

美國聯邦航空局在一月起採取了更嚴格嘅政策來處理不良行為的報告，此後對被指控襲擊機組人員嘅乘客處以高額罰款。其中上周公布嘅兩宗各罰款1.5萬美元嘅案件，都同酒精有關。局方仲宣佈對三宗同口罩有關嘅事件處以總共29500美元嘅罰款。

（CBS）

同歐洲好多國家一樣，隨著越來越多人接種疫苗，義大利嘅疫情有放緩現象，防疫措施亦陸續放寬。當地星期二起餐廳同咖啡館重新開放內用。

不過位於義大利南部阿瑪菲海岸，有「最美懸崖小鎮」稱號嘅波西塔諾，又再出現「掠水」現象。有來自那波里嘅遊客發現，喺當地一家酒吧叫兩杯咖啡、兩杯可樂、兩枝樽裝水，盛惠46歐元！亦即係一杯可樂索價10歐元，一杯咖啡亦要10歐元，一支樽裝水都要3歐元。

事主將收據放上網，引發熱烈討論，好多人當然係話酒吧「掠水」，亦有人話喺景區消費呢個價格係「正常」。

而當地被人話「掠水」，喺疫情前都已經係咁。2013年，又有義大利國內遊客收到一張「沙律12歐元、咖啡刨冰8歐元、一樽水9歐元」嘅帳單。2019年喺首都羅馬聖天使堡附近一間咖啡館，三條熱狗、一件火腿三文治、四罐可樂，居然要119.34歐元，當中17.34歐元係貼士。事主就話：「一條熱狗收成22歐元，得一條香腸同幾根炸薯條咋。」而喺「水鄉」威尼斯，亦曾經有一杯果汁12歐元，一杯咖啡11.5歐元，一樽水10歐元嘅情形。一碟海鮮意粉可以收你120歐元，即係1170澳門元！（1歐元折合約9.75澳門元）

（平台媒體）

---

濠遊手記：

好多人話歐美消費貴，一部份當然係當地人工、稅收等因素，不過有時係你搵錯地方啫。

當年濠記喺威尼斯某著名咖啡館，見到一杯可樂都係呢個價錢！不過喺法國巴黎嘅大型超市，一罐可樂都一歐元左右啫……要預防景點「掠水」，除非喺當地有其他地方飲唔到嘅飲品，或者場所有無法替代嘅景觀或者裝修，否則如果只係想飲杯嘢解渴，搵間士多或者超市仲實際啦！

其實，有啲日常消費品，喺澳門賣嘅價錢都拍得住歐美日㗎……

進入夏季，喺天氣炎熱，陽光猛烈嘅時候，一支雪條、一杯冰凍飲品，可以令人心情舒暢。而喺內地，剛過去嘅「五一黃金周」期間，各大景點都推出咗獨家嘅雪條，吸引唔少旅客品嚐之餘，仲可以用嚟一個「極限」打卡！

其中喺今年國內最熱門嘅成都三星堆博物館，當地文創團隊推出咗以喺遺址中出土嘅、俗稱「娃娃頭」嘅青銅面具為造型嘅雪條，更有「青銅味」（抹茶）和「出土味」（朱古力）兩種口味。頭1200支，「五一」一個上午就銷售一空。據文創館設計師話，未來仲會陸續推出「青銅大立人」、「青銅鳥頭」等多款造型嘅雪條，仲會添加青檸、草莓等不同口味。

三星堆一炮而紅，其他地區亦都不甘示弱，例如湖北代表就有黃鶴樓雪條，湖北省博物館甚至仲有「越王勾踐劍」慕斯、「編鐘」朱克力、「弋射」蛋糕卷、「虎座鳥架」鼓提拉米蘇、「鹿角立鶴」紅絲絨蛋糕等多種甜品。而喺陝西，兵馬俑雪條當然係全國只此一家啦！

即使唔係地標建築都可以「雪條化」，例如北京就有「圓明園荷花」雪條、「故宮瑞獸」雪條、「玉淵潭櫻花」雪條、「國家博物館」文物雪條、「香山紅葉」雪條等。至於從來都係小朋友最愛嘅各種動物造型雪條，又點可以少佢哋一份呢？

講返轉頭，如果澳門要推出自己嘅景點雪條，你會覺得用邊個景點、邊種口味最能夠代表澳門呢？

小知識：極限明信片

用雪條「打卡」嘅鼻祖，相信就係「極限明信片」（maximum card），即係明信片圖案同郵票圖案屬同一類，郵票與明信片圖案位於同一面，並喺最近嘅郵政局打上郵戳。例如同北京故宮有關嘅郵票配故宮照片明信片，再去故宮郵局打郵戳。如果係藝術品，例如蒙娜麗莎，就應該去收藏畫作嘅羅浮宮最近嘅郵局打戳。

極限明信片喺集郵界已經係一個專門嘅分類。而錢幣、鈔票亦都可以作極限收藏之用。

去過臺灣嘅朋友，除咗鳳梨酥、太陽餅，以沙律醬取代牛油、口味獨特嘅洪瑞珍三文治亦都係深受歡迎嘅手信之一。洪瑞珍近年甚至紅到韓國同香港，並喺兩地開設分店。

不過喺2018年就曾經有一家「洪家手作洪瑞珍」嘅三文治就發生食物中毒事件。香港法院舊年已經作出裁決，禁止「洪家手作」使用「洪瑞珍」名稱。

喺臺灣，新北智慧財產法院最近亦就「洪瑞珍」商標鬧雙胞一案作出裁決，判洪家第二代堂兄洪峻聲勝訴，堂妹洪毓珊經營嘅「洪瑞珍傳世有限公司」侵犯商標權，禁止再使用洪瑞珍名稱，另須賠償80萬元新台幣。全案仍可上訴。

（民視）

俄羅斯莫斯科一家食品店，經歷沙俄、蘇聯、俄羅斯三個時代，最終卻在新型肺炎疫情下倒下，昨天最後一日營業。

位於莫斯科傳統商業區特維爾大街、普希金廣場附近的葉利謝耶夫斯基食品店（Елисеевского магазина）以其新巴洛克風格的室內裝修聞名。

商店結業的原因目前尚未清楚，俄羅斯聯邦工商會發言人指，當中原因包括法律問題，以及消費模式的改變。也有分析員指出，疫情、遊客收入消失，以及不可持續的經營理念都是其中一些原因。

商店建築物由莫斯科市政府持有，2005年商店經營權判給當地一家連鎖超市。2015年市政府同意出售店面，但從未落實。2019年超市集團結業。

葉利謝耶夫斯基食品店是在1901年由靠進口水果和葡萄酒致富的葉利謝耶夫斯基家族設立。商店迅速以奢華室內裝修以及國內外珍稀食材及葡萄酒成為莫斯科最受歡迎的商店之一。

商店的前身是俄羅斯齊奈達公主的大宅。19位世紀是一處文藝沙龍，就連俄國詩人普希金都曾經到訪過。

商店在十月革命後被收歸國有，並被易名為第一食品商店，售賣各種如魚子醬、鵪鶉、煙鱘魚等稀少食材。不過在1983年，當時商店負責人就因為貪污被判死刑。

葉利謝耶夫斯基家族在俄國第二大城市聖彼得堡的涅夫斯基大街上開了一家分店，也以其俄國新藝術（art nouveau）建築著名。商店目前由與克里姆林宮關係密切的餐飲大亨葉夫根尼‧普里高津的夫人持有。

至於莫斯科店的未來目前還不清楚，但莫斯科市政府表明，下一手經營者有義務保留其著名的室內裝修。

（莫斯科時報／路透社）

全球首屈一指的旅遊指南《福布斯旅遊指南》二月公佈2021年的星級評選名單。澳門共有13家酒店列入最高的五星殊榮，令澳門成為亞太區擁有最多五星殊榮酒店的旅遊目的地，僅次於排名第一、有19家酒店上榜的倫敦，與巴黎並列。

13家入選五星的酒店分別為：新濠鋒酒店、悅榕莊、萬利酒店、四季酒店、新葡京酒店、文華東方酒店、澳門美高梅酒店、新濠天地—摩珀斯、新濠天地—頤居、麗思卡爾頓酒店、新濠影匯巨星匯酒店、永利酒店及永利皇宮酒店。

《福布斯旅遊指南》星級名單還包括餐廳和水療中心項目。澳門共21間餐廳摘得五星；14間水療中心躋身五星之列，另有兩間摘得四星，成為擁有榮獲最多五星水療中心的單一目的地。 《福布斯旅遊指南》每年2月公佈年度星級評選名單。經獨立評級系統及精挑嚴選後公佈的榜單，受旅遊業界高度認可。2021年全球星級名單中，283間酒店榮獲五星、576間酒店獲四星、438間酒店獲推薦；73間餐廳榮獲五星、136間餐廳獲四星、77間餐廳獲推薦；90間水療中心榮獲五星及200間水療中心獲四星。本年度獲星級認可的各個項目皆為新冠肺炎疫情大流行前、各地區的旅遊限制仍許可安全迎客的時期進行檢測評分。

《福布斯旅遊指南》獲星澳門酒店、餐廳和水療中心完整名單

（旅遊局）

松露、魚子醬、鵝肝，被譽為「世界三大美食」，松露更有「餐桌上鑽石」嘅稱號。其中白松露只分佈喺歐洲中南部山區，舊年七月平均價格更達到每公斤1555美元（折合約12462澳門元）！

不過呢種罕見美食有機會可以喺台灣食到啦！臺灣農業委員會林業試驗所日前宣佈，發現第二種原生松露品種——小西氏石櫟松露，更成功發展出人工培植技術。

據介紹，林試所所助理研究員林介龍2018年在海拔約1千多公尺的高雄六龜研究中心附近嘅多納森林，喺台灣原生樹種、小西氏石櫟樹根嘅土壤入面意外發現白松露，挖掘後帶返，由研究員傅春旭分析，發現呢朵松露係全新品種，因此以首次發現的宿主來命名。團隊舊年喺台東利嘉林道長尾尖葉櫧林地，發現小西氏石櫟第二個生長地，並挖出17粒大小不一嘅松露。

試驗所預計，小西氏石櫟松露以及臺灣另一種原生種白松露深脈松露，將會喺八年後產出子實體、十年後可以大量生產。

傅春旭研究員介紹，相對歐洲松露，小西氏石櫟松露偏清淡花香，後段有朱古力，甚至人蔘嘅味道。由於發現數量少，佢亦坦承目前只有乾製後保存做研究，「仲未有人真正食過小西氏石櫟白松露」。所長曾彥學又表示，台灣原生種松露有21種，其中台大發現咗其中兩種、林試所發現咗五種，仲有十幾種有待發現、栽植。

（中央社／自由時報／央廣）