近期肺炎肆虐，洗手、戴口罩都成為生活中嘅指定動作。咁歐洲人幾多人去完廁所會洗手呢？

原來根據2015年數字，最常洗手嘅係波斯尼亞（96%）同土耳其（94%），原因相信都係同呢兩個國家人民嘅宗教信仰有關。巴爾幹半島多數有超過80%。葡國都唔錯，有85%，德國78%，英國75%。

至於最懶洗手嘅係荷蘭，僅僅50%！拉丁語系國家都係普遍偏低，義大利57%、西班牙61%、法國62%。

舊文重溫——文化概念解釋：南亞人、阿拉伯、伊斯蘭和水
shorturl.at/dmALY

泰國明年開始停止派（免費）膠（袋）。

之前有報道過部分參與商號嘅名單，包括好多熟悉嘅品牌，但大家可能唔會認得邊個打邊個。下面呢張圖有埋logo就一清二楚啦！

提提大家，澳門下個月18號起都會停止派（免費）膠（袋）。為地球、為荷包，大家都要多多支持啊！

葡萄牙呢個名，好容易令人諗起葡萄酒。

你知道葡國有幾多種酒呢？除咗淨飲，葡國葡萄酒仲有好多用途，例如砵酒可以炆雞、燉牛肉。馬德拉酒可以做牛扒汁。

不過葡萄牙（Portugal）呢個名嘅來歷雖然有好多講法，不過都係指「港口」，同葡萄一啲關係都冇。

全球最大規模的遷移活動，中國內地的春運可謂「我認第二沒人敢認第一」。

不過前天開始，另一場大規模的旅行也開始了。這就是伊斯蘭教每年一度的「朝覲」。

這是一場不是想去就去的旅行。

首先朝覲是穆斯林的「五功」之一（其他四功是證信、禮拜、齋戒、天課）。你不是穆斯林，你沒有去的義務，而且你根本連親自去觀摩的機會都沒有，因為非穆斯林不得進入朝聖地點麥加。

第二，朝覲是義務，但不是所有穆斯林都必須去。朝覲是一生中必須至少去一次，但前提是身體經濟良好。

身體健康不用多解釋，而朝覲另一個要件是來回食宿各下自理，不可以借錢去朝聖。但亦就是說，在滿足上述條件下，朝覲可以豐儉由人。有些伊斯蘭國家（例如馬來西亞）就為清貧人士設立朝覲基金，讓人人有覲可朝。

第三當然是配額制啦（中東國家都懂得承載力問題！）。

至於朝覲要做什麼以及相關的政治、社會經濟討論，可以參考下面的系列報道：

伊斯蘭朝覲特輯（1）：非穆斯林不能參加！麥加「朝覲」5日行程大公開
https://www.storm.mg/article/165904

伊斯蘭朝覲特輯（2）：他們為何要宰羊？2016年伊斯蘭教「宰牲節」登場 全球穆斯林同慶
https://www.storm.mg/article/165993

伊斯蘭朝覲特輯（3）：教派爭正統，地區爭霸主 伊朗指控沙國並抵制朝覲 https://www.storm.mg/article/166575

伊斯蘭朝覲特輯（4）：神聖之城還是富人天堂？麥加日趨商業化引發爭議
https://www.storm.mg/article/166615

後日就係一連三日嘅佛誕假期啦！
佛教同基督宗教、伊斯蘭教，合稱「世界三大宗教」。自從佛陀涅槃後，佛教分成南北兩個分支。北支有我哋熟悉嘅漢傳同藏傳佛教。南支就稱為南傳佛教（上座部佛教），主要分佈喺南亞同東南亞。
咁東南亞各國嘅佛教同印度教建築有咩特色？呢張圖表可以畀你一個初步印象。
有三點值得留意：

• 越南係漢字文化圈的一部分，以漢傳佛教為主（尤其中北部），建築亦類似中國。
• 目前印尼以伊斯蘭教為主。但喺伊斯蘭教傳入之前，呢度係印度教同佛教嘅勢力範圍。著名嘅遺址有婆羅浮屠同普蘭巴南。著名渡假勝地巴里島更係當地少數印度教徒聚居嘅島嶼。
• 南傳佛教類似節日稱為「衛塞節」，日子喺陽曆五月嘅滿月之日（一般就係農曆四月十五，即佛誕節後第八日）。

最後，版主喺呢度祝大家佛誕吉祥！

（圖片來源：VectorStock）