俗語說「人向高處、水向低流」。不過最近英國接連受風暴吹襲，風力之強就連都瀑布水都要向上流！
Category Archives: 英國
英國脫歐：一島兩時區定一國兩時區？
英國雖然已經喺上個月31日正式脫歐，不過仲有好多問題，要喺唔夠11個月嘅過渡期內解決。
其中一個係時區問題。
目前英國同愛爾蘭都係屬於GMT+-0時區（歐洲西部時區，比澳門快八個鐘）。夏天實行歐洲西部夏令時間（GMT+1，比澳門快七個鐘）。
喺脫歐協議當中規定屬英國嘅北愛爾蘭喺貿易、農業等方面要跟隨歐盟規定，避免喺愛爾蘭島上有硬邊界。
而歐盟舊年已經決定未來全年實施夏令時，即係北愛爾蘭亦要全年撥快一個鐘（GMT+1）。但結果英國就會變成有兩個時區，而且位於西面嘅北愛爾蘭一年有大約一半時間比不列顛仲要快一個鐘。
英國今晚脫歐：有咩慶祝活動？
英國當地時間今晚11點（澳門時間聽朝7點），英國將會脫離歐盟。如果你今日身處倫敦，除咗買紀念幣，仲有咩慶祝活動？
首都倫敦市中心建築物將會亮起象徵英國國旗嘅藍、白、紅燈光。首相約翰遜會發表全國演說。
國會廣場晚上9點半有支持脫歐人士集會。時間踏正11點，歐盟旗幟將會降下…
…但屆時著名嘅「大笨鐘」唔會響起鍾聲……下議院早前否決咗相關提案，但脫歐黨表示會用揚聲器模擬。
至於支持留歐人士會喺國會廣場舉辦論壇，稍後到倫敦歐盟委員會代表處門外舉行燭光晚會。愛丁堡亦會舉辦類似活動。至於北愛爾蘭靠近愛爾蘭邊境嘅阿馬會有抗議活動。
美伊關係緊張 影響英國展覽
美國和伊朗關係再度緊張，連帶影響伊朗的文化交流。
英國《每日郵報》報道，受美國擊殺伊朗革命衛隊指揮官蘇萊曼尼以及烏克蘭國際航空客機被擊落影響，倫敦維多利亞和阿爾伯特博物館（Victoria and Albert Museum）擔心伊朗國家博物館可能會拒絕借出最多五十件展品在十月開幕的「伊朗史詩」（Epic Iran）展覽中展出。
來自伊朗的部份展品包括青銅斧頭和石器仍有望參展，但博物館擔心它們將無法成行。博物館館長對星期日《泰晤士報》表示：「部分展品可能無法參展，而尋找贊助商會更困難。」
伊朗遺產基金會主席補充：「如果要好好呈現古代伊朗，確實需要從伊朗借來部份展品，因為它們在西方藏品中不存在。」
「如果它們無法展出，我們要在其他地方另覓展品，但展覽不會再完全一樣。我們要稍為修改展覽的敘述文字。」
展覽將會在10月27日開幕。
V&A博物館官網：
https://www.vam.ac.uk/exhibitions/epic-iran
地球另一端：倫敦市政府拒為UBER續牌
朝早講過澳門網約車嘅最新發展，而喺地球另一個角落，英國倫敦交通局星期一亦宣佈，由於多次安全違規，唔再為網約車公司UBER（優步）續牌。
英國廣播公司引述交通局意見，認為該應用程式雖然已有作出多項改善，但讓其持牌仍然是「唔適合、唔適當」嘅。
優步前年已經被拒絕續牌，但仍然獲得兩次延期，最近一次星期一屆滿。優步表示會上訴，上訴期間仍可繼續運作。如果優步上訴失敗，部分司機預計會轉到其競爭對手，後者將迅速填補市場空缺。
倫敦交通局指優步出現多處失誤，置乘客安全於危險之中，當中包括一項系統修正，讓未獲授權嘅司機上載相片到其他優步司機嘅帳號。咁樣喺舊年年底至今年年初已然導致咗至少14,000宗欺詐個案。
交通局亦發現有被解僱或被停職嘅司機仍可以啟用新帳號載客。喺其中一個案例，有因發放兒童不雅照片而被吊銷的士牌照嘅私人出租車司機仍然能夠繼續為優步做嘢。
據資料顯示，倫敦係優步全球五大市場之一，有45000名司機，全市持牌的士及私人出租車司機就有126,000人。優步除咗倫敦以外，喺另外18個城市都有服務。
倫敦地鐵維多利亞線11/27罷工
英國廣播公司14日報道，倫敦地鐵維多利亞線（Victoria Line）司機將於11月27日晚上10時起罷工24小時。
罷工源於工會指責倫敦地鐵當局在談判時違反先前承諾。另外濫用程序、發薪安排、持續針對員工的騷擾也是爭議的核心問題。
工會指問題不解決的話，下個月將再發動罷工。
維多利亞線是倫敦地鐵十一條路線之一，全長21公里，設16個車站，1968年起分段通車，經過王十字、聖潘克拉斯和維多利亞三個主要火車站，以及著名購物區牛津圓環。按每英里平均車程數計算，是使用率最高的路綫。
全球第一家商業旅行社清盤！
今日最震撼嘅國際新聞，可以話係全球第一家商業旅行社Thomas Cook，由於無法獲得資金維持營運，宣佈進入強制清盤狀態，正式結束其178年嘅歷史。
大眾旅遊不是新鮮事物，即使喺外出條件較原始嘅時代，朝聖、進香都可以吸引人們呼朋引伴遠遊，只要人有閒暇、有閒錢就可以參加。
不過當年Thomas Cook確實帶動咗商業旅遊嘅發展。當中模式係由旅行社扮演組織者嘅角色、透過工業革命發展嘅成果，例如日益發展嘅交通同通訊網絡，包括鐵路同電報，以及往來各國之間嘅金融制度，串連成一條完整產業鏈，甚至曾經擁有匯兌、航空等業務。
其實Thomas Cook自上世紀70年代重新市場化以來，已經轉手多次。1992年起兩度被德國企業收購，到2007年與MyTravel合併，而導致Thomas Cook結業嘅導火線係內地復星旅遊文化星期日（22日）拒絕提供2億英鎊，亦終止收購Thomas Cook嘅計劃。
如今旅遊業已經係全球經濟不可或缺嘅一部份。不過到咗互聯網世代，旅行社面對自助旅遊、旅遊網站等競爭，Thomas Cook嘅結局，可以話係「成也科技，敗也科技」。
全球首家迴轉芝士倫敦開張
迴轉壽司大家食得多，芝士都可以迴轉上？
英國倫敦最近真係開咗間迴轉芝士餐廳。二十五種英國芝士放喺四十米長嘅輸送帶上，供食客挑選。每種芝士都有配菜，食完之後都係按碟計錢，同迴轉壽司一樣。
就連甜品都係用芝士做嘅，例如軟雪糕就使用咗布利芝士同藍芝士。
（英國《都市日報》）
Pick & Cheese
地址：Seven Dials Market, Short’s Gardens, London WC2H 9AT
官網：www.thecheesebar.com/seven-dials/
營業時間：每日中午12時至晚上9時
交通方式：地鐵科芬園（Covent Garden）站步行兩分鐘
英航罷工 澤西機票炒至過萬元
英航（BA）機師今日、明日（10日）及本月27日將舉行罷工。受事件影響，來往英國倫敦及英國屬土澤西島（Jersey）的航班，被炒至過千英鎊。
根據《澤西晚郵報》報道，根據另一家提供兩地航線的易捷航空（easyjet）的報價，明日由格域（Gatwick）機場出發、無托運行李、早上九時起飛、下午五時十五回程的來回航班，被炒至1,024英鎊（折合10,161澳門元）。
而9月10日出發、9月27日回程，澳洲航空（Qantas）往來倫敦希思羅和澳洲悉尼的航班價格為1,073英鎊（10,647澳門元）。
而易捷10月1日出發來回倫敦和澤西島的航班，只需要40.2英鎊（399澳門元）。
資料來源：
https://jerseyeveningpost.com/news/2019/09/06/1000-for-return-flight-from-jersey-to-gatwick/
（圖片來源：pixabay）
尼斯湖水怪之謎揭盅？科學家指可能係巨型鰻魚
多年來，都有人聲稱喺蘇格蘭尼斯湖（Loch Ness）見到水怪，後來大家仲稱呼佢做「Nessie」，令到呢個湖添上神秘色彩。
來自紐西蘭嘅科學家透過分析湖水嘅DNA，排除咗多種普遍被認為係水怪嘅生物嘅可能性，例如係史前嘅蛇頸龍或者係格陵蘭鯊、鱘魚或者鯰魚。
但湖水入面有大量鰻魚嘅DNA，因此巨型鰻魚係比較有科學根據嘅理論。科學家表示，研究嘅目的並唔係要尋找水怪，而係研究當地生活嘅物種。
濠遊天下 Macau on Journey, 