去年新年我們談過全球最多（連續）時區的國家俄羅斯，當地總統的新年賀詞因此要連續播放11次。

今年我們再談一個和時區有關的有趣話題。

我們平常看電視新聞，除夕倒數都是先從紐西蘭和澳洲開始。不過每年最早和最晚迎接新年的地方都不是澳洲也不是紐西蘭，也不是夏威夷，而是位於太平洋的另一些小島上。當中有一個群島，東西兩邊最近相隔只是64公里，也就是大約香港與澳門的距離。可是群島東西兩側不單止時間不同，而且是一邊還是昨天，另一邊已經是今天。

這個群島就是薩摩亞群島。

之前濠記曾經介紹過薩摩亞群島的西部，即是薩摩亞獨立國。它原來還有一個兄弟島嶼，就是東薩摩亞。不過它不是薩摩亞的一部份，而是美國的海外屬地。美屬薩摩亞和美國本土，甚至夏威夷都不一樣，不是美國的五十州之一。與關島或北馬里亞納群島居民不同，當地出生的人並不自動成為美國公民。

地理上，整個薩摩亞群島都位於西半球（薩摩亞位於南緯13° 35、西經172° 20，而美屬薩摩亞位於南緯14.3°、西經170.7°，是美國唯一在南半球的屬土），不過整個薩摩亞群島原來都位於國際換日線以西。直到1892年，當時薩摩亞國王被美國商人說服，把當地時間由比澳門快五小時（UTC+13）變成比加州慢三小時（UTC-11），當年的7月4日，即美國獨立日，也被延長一日。

1899年，薩摩亞被分成兩部份，西部屬德國，東部屬美國。2011年，為了加強與最大的貿易伙伴澳洲和紐西蘭的經貿聯繫，薩摩亞人在澳紐也有大量僑民，獨立後的薩摩亞取消了當年的12月30日，由比澳洲雪梨慢21小時（UTC-11）改為比雪梨快三個小時（UTC+13），而東薩摩亞仍然維持原有的時區。國際換日線由東、西薩摩亞之間穿過，一個薩摩亞群島自此就了有兩個日期。

更改時區的核心原因是，如果以舊時區運作，在與澳洲和紐西蘭交易時，薩摩亞就會損失兩個工作日。薩摩亞時任總理曾經這樣說明：「我們還在星期五的時候，紐西蘭已經是星期六。而當我們是星期日，要上教堂的時候，澳洲雪梨和布里斯本已經在做生意了。」

不過，全球最早和早晚迎接新一年的地方並不在薩摩亞群島，而分別在太平洋另一個島國基里巴斯（UTC+14）以及美屬的無人島豪蘭島和貝克島（UTC-12），所以全球要完全進入新的一日需時26個小時。

今日係美國一年一度嘅感恩節。

一頓豐盛嘅感恩節晚餐係美國人必備嘅活動。喺呢個最有美國色彩嘅節日，相信唔係個個美國人都知道，一枱感恩節晚餐各種食材係來自邊啲地區。

首先，根據市場調查公司尼爾森2017年嘅報告指出，美國人喺感恩節要食咗超過3.5億磅火雞、2.5億磅薯仔、5700萬磅蕃薯、8000萬磅小紅莓、2800萬個批、總值400萬美元嘅椰菜仔等。

而根據美國農業部2020年嘅數據顯示，作為感恩節晚餐主角嘅火雞，產量最多嘅州要數明尼蘇達州，有4000萬隻。阿肯色同北卡羅萊納分別3100萬隻同3000萬隻緊隨其後。明州長年都係美國火雞生產量最大嘅州份，不過2020年同2017年相比已經減少咗200萬隻。

而薯仔方面，相信好多人都食過愛達荷州嘅薯仔啦！原來除咗質量好之外，愛達荷原來都係美國薯仔最重要嘅產區嚟！當地舊年薯仔產量多達611.2萬公噸，隔籬嘅華盛頓州排名第二。單係呢兩個州就為美國供應咗55%嘅薯仔。

而同薯仔唔同，蕃薯適合炎熱同潮濕嘅天氣，所以喺美國南部比較普遍。而美國蕃薯產量最大嘅三個州分別係北卡羅萊納、加州同密西西比三個州。其他州產量都唔明顯。

喺感恩節晚餐枱上，法式砂鍋焗青豆角（green bean casserole）亦都係好受歡迎嘅配菜。每年感恩節，全美國有2000萬個家庭都會整嚟食。威斯康辛州喺青豆角產量位於全美第一，比起紐約、俄勒岡同密歇根三個州加起來都要多！至於有啲苦味嘅椰菜仔，就只有加州有具規模嘅出產，而全美呢方面嘅產值大約係2000萬美元，美國但每年會進口總值7000萬美元嘅椰菜仔，主要來自墨西哥。

講到食火雞，又點會少得酸咪咪嘅小紅莓醬呢？全美每年感恩節要消耗8000萬磅小紅莓，已經佔全年消耗量兩成。而每年感恩節要消耗嘅小紅莓醬有506.25萬加侖，足以填滿八個奧運標準泳池！小紅莓生長喺清涼潮濕嘅環境，所以產地以東北部同大湖區為主。單係威斯康辛一個州就已經佔咗全美接近六成，以至全球超過一半嘅產量！

喺美洲土生土長嘅粟米，係美國好重要嘅農作物，喺感恩節晚餐亦都唔少得佢。除咗忌廉粟米之外，佢亦都會以餡料嘅形式釀入去火雞肚。不過呢兩種菜式用嘅粟米係兩個唔同嘅品種，忌廉粟米用甜粟米，而製作餡料用嘅粟米係用普通粟米（field corn）。同好多人由地理教科書學到嘅唔同，甜粟米並唔係主要出產喺中西部嘅「粟米帶」（corn belt），最多嘅係華盛頓州，明尼蘇達同威斯康辛州位居二、三。而普通粟米就集中喺「粟米帶」，包括艾奧瓦、伊利諾伊、內布拉斯加等十個州。

講到感恩節甜品，批可以話係不二之選。不過批可以有好多種，最常見有南瓜、蘋果同碧根果仁（pecan，又稱長山核桃）三種。伊利諾伊州係全美最大南瓜產地，產量加起來比第二至第七名加起來仲要多。

相比南瓜批受歡迎程度喺美國係全國性嘅，蘋果批喺美國東北部尤其受歡迎，至於最大產地呢？冇錯，就係出名產蘋果嘅華盛頓州啦！而且仲佔咗全美七成嘅產量。不過東北部嘅紐約同賓夕法尼亞州都分別排第二同第四位。

不過蘋果批都唔係美國人「第二最愛」，喺美國排名第二嘅批原來係碧根果仁批。碧根果生長喺溫暖潮濕嘅地方，所以喺南部最受歡迎。產量方面，位於東南部嘅喬治亞州排第一，新墨西哥、德州同亞利桑那州分別排名二、三、四。

仲要提吓芝士。雖然芝士都唔係主菜，但係好多菜式，包括嘅砂鍋焗薯餅（hashbrown casserole），仲有芝士焗通心粉（mac ‘n cheese），無芝士就唔成事。美國出產最多嘅州份，冇錯，又双叒係佢……威斯康辛呀！而且如果將威斯康辛單獨列出嚟，仲會係全球第四大芝士生產地！

最後都係要提醒大家，根據美國卡路里控制協會研究指出，一餐感恩節晚餐嘅熱量多達3000卡路里，而根據國家衛健委2017年發佈嘅《中國居民膳食營養素參考攝入量》，18歲至50歲的中國男性每日熱量攝取量為2600卡路里。一餐感恩節大餐就已經用盡一日熱量指標。所以食完一餐，大家就真係有排減啦！

（Chef’s Pencil／《今日美國》）

相關連結
今年聖誕變貴了！ 火雞、聖誕樹價格齊上漲

仲有五個禮拜就係普天同慶嘅聖誕節啦！

不過今年受到極端天氣、全球供應鏈危機等因素影響，加上新型肺炎疫情後需求增加，作為聖誕節主要嘅裝飾品聖誕樹，無論係天然樹定係人造樹，價格都有所上升。

天然聖誕樹方面，美加西部今年出現旱災，導致聖誕樹產量大減。而作為全球天然聖誕樹最大出口國嘅加拿大，西部卑詩省剛剛又受到暴雨侵襲，又影響咗國內聖誕樹供應。另外，聖誕樹種植成本亦都增加咗五成。天然聖誕樹價格預計會上漲兩成至三成。

即使要退而求其次，想購買人造聖誕樹，受供應鏈問題，包括船期延誤、航運成本上升等因素衝擊，價格亦將會上升兩成至兩成半。

而喺美國，作為感恩節以及聖誕節傳統食物嘅火雞，今年嘅價格比去年上升咗兩成，更比過去三年平均價格上升三成半。而根據美國農業事務聯合會（American Farm Bureau Federation）最新調查，今年十人份嘅感恩節大餐費用平均為53.31美元（折合約428澳門元）比去年嘅十年低位上升咗一成四。

（霍士／《財富》／《國家郵報》／CBS）

美國國務院星期三宣佈，簽發了第一本性別標示為「X」的護照，以代表非二元性別者、雙性人及具非常規性別者等群體（俗稱「跨性別人士」）。

國務院發言人普賴斯在聲明中說，待必備系統和表格在明年初完成更新後，將可全面開放國民申請簽發。國務院會與其他部門密切合作，確保所有護照持有人，不分性別，都可以擁有順暢的旅行經驗。

普賴斯重申國務院促進包括性小眾在內的所有人的自由、尊嚴和平等的承諾。

聲明中並未透露獲得新護照人士的資料，但據美聯社報道指，首位獲簽發性別「X」護照的人士是一名居於科羅拉多州的跨性別權益倡議人士。曾經為爭取簽發性別「X」護照與國務院對簿公堂的Dana Zzymm表示，行動的目標是希望能幫助下一代跨性別人士完整的公民權獲得承認：「我不是個問題，我是個人，就是如此。」過去由於國務院拒絕為其簽發性別X的護照，使之兩次被拒絕參與關於跨性別人士的國際會議。

相關政策變更亦將適用於海外公民出生證明。

美國並非第一個簽發性別「X」護照的國家。澳洲、紐西蘭、英國、加拿大等國已經實施同樣措施。

Trick or treat!（不給糖就搗蛋！）

一年一度的萬聖節前夕（Halloween）快要來了。各位家長，除了為自己的寶貝準備特別的打扮外，準備好你的糖果，請小朋友吃沒有？各大商店當然也會看準時機，在貨架上擺滿各式糖果任君選擇。

你又知道在美國，哪一種糖果在節日期間最受歡迎呢？根據美國食品雜貨配送商Instacart的調查顯示，美國各州對糖果都有各自的偏愛。

調查發現，從全美層面而言，經典品牌仍然具有吸引力，而且大部份在本澳商號都有售賣。按銷售重量計算，全美去年十月銷量最高的糖果分別是花生M&M’s和M&M’s。里斯（Reese’s）花生醬朱古力、好時（Hershey’s）以及 Twizzlers扭扭糖緊隨其後。頭十名當中朱古力佔了超過一半。

全美糖果銷售排名（2020年10月，按銷售重量）

1. 花生M&M’s
2. M&M’s
3. 里斯（Reese’s）花生醬朱古力
4. 好時牛奶朱古力
5. Twizzlers扭扭糖
6. 士力架（Snickers）朱古力
7. Kit Kat朱古力
8. 粟米糖（Candy Corn）
9. Sour Patch Kids軟糖
10. Haribo德國熊仔橡皮糖

按地區分佈，Twizzlers盤踞中西部各州，而另一種前十名不入的扭扭糖Red Vines佔據整個美國西岸，包括人口最多的加州，以及阿拉斯加和夏威夷。粟米糖在中南部六個州、科羅拉多以堪薩斯有最多捧場者。而一般難與萬聖節聯想起來的金莎，在紐約和新澤西最受歡迎。相反M&M’s只有在內布拉斯加一州排行第一。

在消費量方面，全美消費糖果最多的州份都在西岸，分別是猶他、愛達荷、阿拉斯加、蒙大拿和華盛頓，而東岸糖果的消費量較少，消費量最低的五個州有四個都在東岸。

調查也發現，有53%肓有18歲以下子女的家長表示，「肯定會」或「或許會」在小孩的糖果中搶一點點供自己享用。過半數人則認為，在萬聖節，糖果比服裝更重要。

小知識：萬聖節前夕、諸聖節、追思節

一般所指的萬聖節（Halloween，10月31日）其實是西方基督教年曆中諸聖節（All Saints’ Day，11月1日）的前日，是結合了愛爾蘭凱爾特文化和基督教文化的節日。

萬聖節前夕（或萬聖夜）原來是天主教傳入愛爾蘭前的節目，象徵冬季的開始。古愛爾蘭人認為，這是百鬼亡魂從陰間來到人間的時期。人們會獻上酒食祭奠，並會穿上奇裝異服到街上巡遊，向住家索取食物，以求得好運。

天主教傳入愛爾蘭後，移風易俗，改為慶祝諸聖節，紀念天上諸聖。此後還有追思節（All Souls’ Day，11月2日），是西方人紀念先人、為他們祈禱的日子。人們通常會在先人墳前獻花、點燃蠟燭。這一節日在墨西哥更與當地原住民文化結合，更為盛大。受葡國天主教文化影響，追思節也是澳門的公眾假期。

（Travel and Leisure）