為配合農曆新年正月初三、初七及元宵節的三場煙花表演，「澳人食住遊」本地遊將加入春節限定路線，帶居民以兩種不同角度觀賞煙花。

兩條以欣賞煙花表演為主軸的春節限定路線，內容包括：

觀光船上看 – 在海上遊的觀光船上享用自助晚餐，同時近距離觀賞煙花表演，感受瞬間震撼；並到澳門八景之一的「龍環葡韻」欣賞春節花卉及「龍環葡韻住宅式博物館」了解土生葡人文化。

主教山上看 – 在座落主教山半山的餐廳品嚐自助晚餐，於高處欣賞煙花及俯瞰澳門醉人夜景；亦會參觀「龍環葡韻」春節花卉展及「龍環葡韻住宅式博物館」。

春節限定團只在正月初三（2月3日）、初七（2月7日）及元宵節（2月15日）三天出團。有興趣人士請把握機會到參與計劃的旅行社或在澳門六家酒店／綜合度假村內特設諮詢櫃檯報名，與親友共度特別的新春佳節。

【1/28更新】預料一道冷鋒將於週六晚間抵達廣東沿岸，隨後受強烈冬季季風影響，氣溫將顯著下降，北風增強。週日至週一除夕最低氣溫將下降至10度左右。展望農曆新年期間冬季季風將持續影響本澳，最低氣溫維持12度或以下。由於伴隨多雲有雨的天氣，寒冷的感覺會更為明顯，請市民留意天氣變化，注意保暖。

氣象局發佈農曆新年天氣預測，預料週末期間，一股較強的東北季風將會抵達華南沿岸，本澳氣溫將會下降。同時，一道廣闊雲雨帶將移近南海東北部，受其影響，預料週末會為本澳帶來幾陣雨。

展望農曆新年期間，持續受東北季風影響，氣溫會進一步下降。此外，同時受高空擾動影響，預料年初一至初三廣東沿岸將持續有雨。按現時預測，農曆新年期間（2月1日至3日，年初一至年初三），廣東沿岸早上最低氣溫普遍介乎10-12度之間。

由於伴隨多雲有雨的天氣，加上風力會較大，身體感受的氣溫將會比實際溫度為低，天氣寒冷的感覺會更為明顯，請巿民留意天氣變化，注意保暖。 

農曆新年（春節）除了是中國人最隆重的傳統節日，也是漢字文化圈，包括朝鮮半島、越南，以及過去日本人（舊正月）共同慶祝的節日。

今年越南的春節（Tết Nguyên Đán／節元旦，簡稱Tết）有九日假期。星期日早上，大批民眾出現在最大城市胡志明市（西貢）新山一機場，準備乘坐飛機回鄉度歲或趁春節假期觀光旅行。當中不少人扶老攜幼，提前數小時已經抵達機場，很多人更攜帶大量行李。

機場管理部門為前往首都河內、海防市以及中北部榮市等熱門目的地的乘客設置專門櫃台。機場職員表示，上午五時至十時以及下午三時至六時是機場人潮高峰期。機場安保中心負責人表示：「由於民眾比往年提前回鄉度歲，近日機場比往常更為擠擁。」

越南交通部星期六放寬了旅客乘坐飛機的檢疫要求，只維持健康申報的要求。乘客無需出示疫苗接種、感染後康復或檢測陰性證明，簡化了登機流程。

（越南《青年報》）

今日係臘月十七日。尋日食完尾禡（粵音讀牙），農曆新年正式進入倒數階段啦！

新一年（壬寅虎年）大年初一係喺下個月一號，好易記。不過當大家睇一睇日曆，之前嗰一日係1月31日。無問題呀！但點解嗰日上面寫住「廿九」，明明大除夕係年三十㗎？年三十呢？

原來「都是月亮惹的禍」！中國傳統嘅農曆，係根據月亮圓缺循環去計算一個月有幾多日，天文學稱之為「朔望月」（初一新月為朔，十五滿月為望）。由於月球、地球、太陽之間嘅相對運動並非一成不變，所以每個「朔望月」周期都唔係固定嘅，最短29日6小時，最長29日19小時。為咗方便，農曆月份就被分為30日嘅大月同29日嘅小月。

而今年臘月係小月，所以只有29日，亦就無咗年三十啦。除夕就喺年廿九。

不過臘月無年三十唔係第一次發生，一般三到五年就會出現一次，有時甚至會連續幾年出現，例如2003、2006、2013、2016呢四年都係無年三十，而2025年開始到2029年仲會連續五年無年三十。

除咗牛年少咗大年三十之外，即將到來嘅壬寅虎年亦都只有355日。原來喺農曆，平年同閏年嘅計算方法同國際通用、以太陽公轉周期為根據嘅公曆係有分別嘅。公曆原則上係每四年置一閏日，即係2月29日。而農曆係置一閏月，所以平年一年有12個月，每月平均29.53日，每年有354至355日，而閏年有13個月，一年大約384日，而兩者相差10至11日。

中國古代曆法家通過推算發現，只要每19年置七個閏月，就可以好好彌補農曆年同太陽公轉周期嘅偏差。

至於點樣決定邊個月要重覆一次呢？由每年冬至開始數，當某個月不包括以下十二個節氣（中氣）當嘅任何一個，咁嗰個月就會被訂為閏月。

舉個例，2017年係丁酉雞年，當年農曆六月後嘅一個月，即係公曆2017年7月23日至8月21日，中間只有「秋分」，並無「大暑」以及「處暑」呢兩個節氣，咁呢一個月就係「閏六月」。

到呢度大家可能會好奇，如果有「閏正月」，會唔會有得過兩次農曆年呢？「閏正月」係有嘅。不過下一次「閏正月」就要到600年後嘅2622年啦！到時大年初一喺公曆1月20日，正月有三十日，正月三十咁啱又踏正「雨水」節氣。之後一個月係小月，只有廿九日，中間嘅節氣只有驚蟄，而春分喺正再下一個月嘅初一。所以呢一日就係「閏正月」。

（央視新聞客戶端）

農曆新年將至，巿民常會從內地購買年花回澳。經濟及科技發展局提醒，市民在攜帶蘭花等瀕危物種入境前，需先向經科局申領瀕危物種證明書及准照，否則可被科處最少5,000澳門元罰款。

經科局亦呼籲業界及市民，在進出口或個人攜帶動植物及其製品出入境前，應先了解有關物品是否屬瀕危物種，並留意澳門及目的地國家或地區對相關物品的進出口規定，以免違法受罰。

有關蘭花等瀕危物種的進出口規定，可致電經科局熱線85972238或85972636查詢。

大家出外旅遊，通常會住酒店。如果有寵物，可能會帶住「主人 」出埋去一齊玩，或者帶佢哋去寵物酒店代為照顧。原來生活喺中東嘅駱駝都可以住專為佢哋而設嘅酒店！

喺沙特阿拉伯首都利雅得，相信係全球第一間嘅「駱駝酒店」已經開幕啦！呢間酒店係專門為參加第六屆「阿卜杜阿齊茲國王駱駝節」嘅駱駝提供休息、美容等服務嘅。當地駱駝俱樂部星期日發佈咗「駱駝酒店」嘅片段。

俱樂部發言人介紹，酒店有120個房間，超過50名員工為駱駝提供各種所需服務，包括「客房送餐」、房務、照顧、保護，以至美容服務。酒店嘅五星級服務會為「客人」提供餐飲、溫熱奶汁，並為牠們提供清潔溫暖嘅房舍。房價方面，酒店每晚收費400里亞爾（折合約857澳門元）。

有駱駝主人表示：「酒店嘅概念真係好，為駱駝、駱駝主同俱樂部職員提出一個舒適嘅環境。駱駝入住前都需要接受檢查。」

為期四十日嘅「阿卜杜阿齊茲國王駱駝節」，舊年十二月一日起喺利雅得舉行，每日吸引超過十萬名、來自海灣國家、美國、澳洲同俄羅斯嘅駱駝主人同愛好者參加。節日嘅目的係喺沙特阿拉伯走進現代化嘅同時，保留駱駝喺當地貝督因文化傳統嘅角色。

喺沙特阿拉伯，駱駝養殖業係一項產值數以百萬計嘅產業，而喺中東其他地區都有類似嘅活動舉行。

（阿聯酋《國家報》）

今日是2022年元旦，也就是說農曆新年即將到來。今年的大年初一是在下月（2月）1日。

內地早前宣佈，今年內地春運將從本月17日開始，至下月25日結束。

交通運輸部應急辦副主任卓立在上月29日召開的國務院常務會議指出，據初步預測，今年全國春運客運量較去年的8.7億人次將會有較大幅度增長，甚至將超過前年的14.8億人次。

另據上月30日舉行的全國春運電視電話會議透露，2022年春運全國鐵路預計發送旅客2.8億人次。按照內地鐵路門票15日的預售期，今年春運首日（1月17日，臘月十五）的鐵路車票將於本月3日（下星期一）起開售。

（新華社）

無論2021年怎麼反覆變幻，一切都要在這裡定格，成為歷史書上的一頁。

重要的是，大家平平安安一起迎接新的一年！

濠記在這裡感謝各位網友過去一年的支持。新的一年濠記亦會不斷學習，為求給大家全新的體驗！

謹願疫情在新的一年能成為過去，大家能以新的心態再次踏上征途！