近年來全球興起「走塑運動」，普遍被認為係由一張鼻孔因插入膠飲管受傷流血嘅海龜而觸發嘅。
但海龜面對嘅生存威脅仲有好多，例如之前有提過產卵地被破壞就係好明顯嘅一種。
喺澳門，我哋由於人口密集，即使有海灘都係泳客去處，海龜唔會返嚟產卵。但喺我哋附近嘅珠江三角洲，惠州同香港都有海龜產卵地。
而香港唯一有海龜產卵嘅地方係南丫島嘅深灣。每年由6月1號開始都會封閉海灘至到10月31號。為咗保護呢一片產卵地、保障海龜嘅繁殖，希望大家唔好進入海灘同埋附近水域，唔好亂拋垃圾、扎營同進行水上活動，更加唔好騷擾海龜媽媽、海龜蛋同埋海龜BB。
須知海龜能夠平安長大再返嚟出世嘅地方繼續繁衍，過程就係充滿艱險。萬一佢哋唔再返去，咁海龜無法繁殖，好快呢種有一億五千萬年歷史嘅生物就會消失喺地球上！
香港漁農自然護理署
shorturl.at/gsOQ0
版主：全球都能注意減廢係好事，不過航空業係碳排放最犀利嘅行業之一，對全球影響同樣急迫。
澳洲航空（Qantas）今早（5月8日）一架從雪梨飛往阿德雷德的客機，是全球首趟「無垃圾」航班。機上沒有任何物品最終會送到堆填區，所有廢物都會被重用、回收或堆肥。
根據澳航的說法，今早8時15分出發的QT739客機，其34公斤廢物不會成為地球上的垃圾，這是一個具野心的項目的開始。
目前，澳航一年產生1.3萬噸送到堆填區的垃圾，約四成來自飛機上。該公司希望在明年底之前，即用即棄的塑膠物品會減少1億件。在2021年前，澳航更希望其國內、國外和旗下廉航捷星（Jetstar）的大部分航班都達至「零垃圾」。
澳航將其產生的垃圾量形象化──等同80架波音747客機。它的目標是在18個月內大幅減至20架。
澳航負責人Andrew Parker說：「我們會在每架飛機上做出1,000個程序和用品的改善，令你感覺到有些東西正在改變。」不過，他說有些廢物不能回收，因為要被隔離，「我們今日未有解決辦法消除這些垃圾。」
該公司承認，環保的措施引起財政成本，但將由公司自行吸收，不會轉嫁給消費者。它希望長遠而言其措施可省下一些成本。
九號新聞台（9News）報道，澳航會推行登機證「無紙化」，日後只會透過智能電話發放。在飛機上，澳航與環保產品公司BioPak合作，提供各種環保用品，包括紙巾、餐具、食物容器等。它們由植物物質製造，例如蔗渣、澱粉，是可徹底降解的。
其他物品如塑膠、紙張、玻璃和鋁質物品都可回收。對於那些無法回收的塑膠，澳航會轉化成一種名叫PEF的非礦物燃料。（Wah）
（資料來源：澳洲星島日報、圖片來源：九號新聞台）
華人社會視魚翅為珍品，但龐大需求令全球鯊魚數量急速下降，更威脅海洋生態平衡。
世界各地日益意識到呢個問題，越來越多人都響應號召，停止食用魚翅。最近loyaltylobby網站5月6日報道，日本航空喺東京嘅貴賓室被揭發有供應魚翅湯，兩日後日航宣佈即日起永久停止供應魚翅湯，同時聲明未有在機上提供同類菜色。
（© Jeff Rotman/jeffrotman.com）
荷蘭旅遊局有見遊客過多，影響部分地區民生，將工作焦點由推廣國家旅遊變成控制旅客人數。旅遊局最近研究減少遊客到訪的措施，包括關閉部分景點、加徵遊客稅等。
到訪荷蘭的旅客2018年達1800萬人，預期2030年會達4200萬人。訪荷旅客主要來自歐洲國家，其中德國和比利時遊客就佔整體旅客42%，近年亦有不少中國遊客到訪一些熱門景點。大量旅客湧入，令人口只有1700萬的荷蘭不勝負荷。旅遊局的文件說：「更多不一定代表更好。為了管理旅客流量，我們應立即採取行動。現在應從推廣旅遊景點改為旅遊景點管理。」局方提議關閉評價不高的旅遊景點、引入旅客稅等。
局方發言人稱，部分城市及地區因旅客湧入影響當地人的生活水平，例如首都阿姆斯特丹和羊角村（Giethoorn）。羊角村是個只有2500人生活的村莊，建有不少風車，旅客多在小運河坐船遊覽，每年估計有35萬中國人到訪。以鬱金香花田聞名的球莖地區（bulb region）因為大量旅客自拍時弄毁花朵，需架起圍欄保護鬱金香。
發言人解釋，新策略不代表不再推廣北部地區，「我們仍會推廣，但只是不再推廣我們的首都」。阿姆斯特丹人口110萬，但每年接待逾1700萬名旅客。當地近年亦開始採取限制旅客的措施，例如國家博物館（Rijksmuseum）前方的拍照熱點「I amsterdam」巨型字母雕塑去年已被移除；市政府亦規管酒店、紀念品商店等的增幅。
旅遊業對荷蘭的經濟貢獻不少，更是2008年環球金融海嘯後的經濟「救生圈」。2018年旅遊業為荷蘭帶來820億歐元（約7206億港元）收益，涉及76.1萬個職位，即每13份工作中就有1份與旅遊業相關。
然而，龐大經濟收益的代價不僅是居民日常生活嚴重受影響，亦帶來環境問題。荷蘭承諾到2030年二氧化碳排放量會較2017年減少49%，但旅遊局警告2030年預計有4200萬旅客到訪，令這減排目標難以實現。文件亦指出，旅客上升意味增加消費，同時可能造成食物浪費和污染，而且旅遊熱點擁擠亦對大自然造成破壞。
（資料來源：明報）
今日係烏克蘭切爾諾貝爾核災難三十三周年。
隨著越來越多人到當地試圖揭開其神秘面紗，垃圾問題亦都隨之而來。
為了保持當地嘅原貌，一群義工喺專家帶領下，在離核電廠最近嘅「鬼城」普里皮亞季（Pripyat）展開春季大掃除。災難前嘅物品因為有歷史意義會留喺原地，但新增嘅垃圾會收集起來，交給專業機構處理。
當地旅遊業人士艾米里奈可表示，會按照輻射安全標準進行回收。所有廢物都會交給喺禁區工作嘅公司嚟負責回收，一切都會做得安全正確。
（文字：台灣公共電視；圖片：Efrem Lukatsky/AP Photo）
今日係「地球日」，今年嘅主題係「保護我們的物種」。
今年嘅主題令人難過：我哋正經歷緊自六千五萬年前、恐龍絕種以來，地球上最大規模嘅滅絕事件。
而今次係人類一手造成，而且仲係發生緊喺你同我眼前。
普通如蜜蜂，大如鯨魚，小至珊瑚，稀有至圖中繪畫嘅、存世只有三隻（最近有一隻做完人工授精死咗）的斑鱉（音別，廣東話稱之為「水魚」也）。佢哋都係生態系統嘅一部分。一個品種消失，係無得返轉頭，亦會令整個生態環境起到不可逆轉嘅影響。 到時我哋就只能喺書本、標本度睇到佢哋啦。
如果再唔做嘢、保護地球上嘅物種，最終受害嘅始終係我哋人類。對我哋下一代亦唔公平。
如何睇到斑鱉標本：
越南首都河內嘅玉山寺，位於還劍湖中嘅小島上
地球日網絡介紹
https://urlzs.com/PVQ9
紐約時報：越南巨鱉屍體被防腐保存，待遇堪比列寧、毛澤東https://urlzs.com/oapZ
（圖片來源：Gray, J. E. “Notes on Chinese Mud-Tortoises….”, Annals Mag of Nat Hist, ser 4, vol. XII, 1873. Plate V）
想小朋友放假對少啲電子產品？想吸收新鮮空氣、親親大自然？機會嚟啦！
由生態教育及資源中心主辦嘅「2019澳門鷺鳥節：覓鷺——親子賞鳥活動」，將於下星期六（4月27日）舉行。
根據負責人Samson介紹，中心會喺世界各地舉辦類似活動，佢哋會選擇喺當地特有、值得保護嘅物種，進行公眾教育嘅活動，透過導賞、講座等，話畀當地人知道，喺佢哋咫尺之間就已經有好豐富嘅生態環境。
至於點解要揀鷺鳥做主題物種？原來鷺鳥係一個總稱，喺澳門常見嘅都有成五、六種，仲有每年遷徒來到嘅品種。Samson話：「鷺鳥對澳門嚟講，尤其是喺近二十年間，伴隨著城市高速發展、生態破壞，佢哋對澳門都依然不離不棄。所以因著呢樣嘢，我哋覺得已經值得話畀澳門市民聽，有一種動物，無論我哋變成點都好，都依然陪伴住我哋。」
另外，Samson又話，鷺鳥亦係我哋睇一個濕地生態系統重要嘅指標性物種：「就算一個地方冇一啲明星物種，可能有一啲普通嘅物種而可以繁殖得到、有一個穩定嘅族群，其實越多咁樣普通嘅雀仔、普通嘅蝴蝶、普通嘅蜻蜓，代表嗰度嘅生態系統係完整嘅，係一個應該受保護嘅地方。」
Samson希望喺鷺鳥繁殖嘅季節，舉辦親子同樂嘅活動，拉開鷺鳥節嘅序幕。佢又話喺澳門，除咗學校教育以外，喺民間對於呢方面嘅認識同活動都比較少，希望透過活動促進親子關係，亦可以令大人同小朋友吸收一啲生態知識，「認識澳門呢個咁漂亮嘅城市、咁亮嘅生態環境。」
是次活動會用上SWAROVSKI OPTIK嘅專業望遠鏡，可以畀到參加者有更好嘅觀鳥體驗！
日期：4月27日（星期六）
時間：下午3:00至4:30
集合地點：T424 海濱圓形地/生態保護區 巴士站
費用：全免
報名：https://bit.ly/2GvGZBS
喺素有「人間天堂」美譽嘅印度洋島國馬爾代夫，上星期二傳出咗呢張震撼嘅照片：
一隻綠海龜喺地面上生咗三隻蛋，但仔細留意一下，所在地唔係我哋平時見到幼細嘅沙灘，而係灰黑堅硬嘅柏油路面！原來海龜係會記得自己出世嘅地方，長大咗就會返去產卵。
但呢隻海龜嘅家鄉已經變成一座機場。
當地媒體話海龜媽媽健康無大礙，亦已經被放歸大海。但佢以後點算？佢嘅龜BB又點算？
我哋為開發旅遊業，叫大自然付出咗幾大代價？
之前大家都講緊塑膠對於海洋生物嘅傷害，其實塑膠垃圾對陸上動物都好危險！
日本《朝日新聞》尋日報道，喺奈良公園出沒、深受遊客喜愛嘅奈良鹿，都成為塑膠嘅受害者。
喺上個月23號有路人通報，表示「東大寺附近有鹿無法起身」。呢隻大約17歲、重30公斤、長79公分嘅雌鹿隨後被送去保護，但喺第二日上晝就死咗啦。「奈良之鹿愛護會」27號對鹿屍進行解剖，喺胃入面發現重3.2公斤嘅異物，據研判係膠袋纏繞所形成嘅聚積物。
愛護會獸醫丸子理惠話：「虛弱嘅鹿胃入面有垃圾，雖然會有咁嘅情況發生，但很少會出現咁多垃圾。呢隻鹿可能係因年紀大而衰老，不過佢體型好瘦，毛色亦唔好。」佢估計應該係胃內面塞住膠袋，令隻鹿無法攝取足夠養分。
（攝於2017年1月，非受害動物）
比利時首都布魯塞爾係歐盟同北約嘅總部所在地，係西方政治軍事權力嘅重地。但講到當地最有名嘅「人物」，相信非「尿尿小孩」（荷蘭語：Manneken Pis，法語：le Petit Julien）莫屬了。每日都有世界各地嘅遊客到來，同佢合照留念。
最近「尿尿小孩」都跟上環保之風。一個小銅像可以點環保？咪就係佢啲「尿」囉！
原來，最近有個技工發現，自1619年銅像樹立喺呢度以來，啲「尿」係飲用水，仲直接排落下水道，年中浪費嘅食水達1,000至2,500公升咁多呀！
所以當局上星期採取行動，幫雕像加一條道管回收「尿尿」。市內其他噴泉都會跟進改善。
尿尿小孩前往方法：
位於布魯塞爾市中心大廣場西南、烘箱街（Rue de l’Etuve / Stoofstraat）和橡樹街（Rue du Chêne / Eikstraat）交界。自大廣場步行4分鐘即達
（2014年8月攝於布魯塞爾）
濠遊天下 Macau on Journey, 