今日係12月1號，2020年即將成為過去。係時候告別一年嘅不快，展望未來！濠仔未來一個月將會從多個角度透視旅行相關嘅趨勢，一齊同大家迎接新一年嘅到來。

首先，當然要講吓今個冬天嘅天氣啦！氣象局近日公佈咗今年本澳冬季季度預報。根據最新觀測資料顯示，過去幾個月，赤道太平洋中、東部的水溫繼續下降，並已發展成「拉尼娜」現象。預測該地區水溫會喺今個冬季，即係今年12月至明年2月繼續偏低。「拉尼娜」現象將在今個冬季維持。

氣象局預測今個冬季澳門平均氣溫將屬於正常至偏低；而降雨方面，預測整季累積雨量將屬於正常至偏少。大家日常起居，就要注意啦！

以馬來西亞為基地的廉價航空亞洲航空（AirAsia），在最新的財務報表內，指將持續與旅遊業界和機場伙伴緊急合作刺激國內航空交通，並與低風險目的地商討建立旅遊氣泡。

亞航執行行政總裁在報表中指出，公司航線網絡集中於亞太地區，讓公司有機會比其他地區的航空公司更快復原。又預期泰國、南韓、新加坡、台灣、澳洲和中南半島會率先重開邊境。

但亞航亦向英文澳門新聞社表示，暫時不恢復往來澳門的航線。

為期十七日嘅第二十屆澳門美食節，星期五已經喺西灣湖廣場開幕啦！

今年美食節為咗配合特區政府嘅防疫措施，邀請咗過百家本地特色餐飲商號參加。想知道有咩好嘢食，跟住濠仔一齊走入西灣湖廣場啦！

為咗保障各位參加者嘅健康，大會已經做足準備功夫，包括入場時要持有「澳門健康碼」並經過體溫檢測。現場設有消毒潔手液供大家使用，更實施人潮管制，以及劃定指定用餐區，確保大家都有一個舒適飲食嘅環境。

今年旅遊界一句最潮口號係「staycation」。既然今年全部參加商號都係本地薑，其實都係一個好好嘅機會重新認識澳門嘅美食。例如茶，作為中國最具代表性嘅飲品，就有商號推陳出新，除了近年流行嘅冷泡茶外，仲將各種茶湯製成茶凍，實行飲得又食得！

華聯茶葉公司（G9）
冷泡茶MOP15
茶凍MOP35/6件/任選三款口味

外省菜喺澳門一直都佔有一定地位。喺風味美食街有一個攤位，個店名以為係食海鮮嘅，其實賣嘅係上海菜。食上海菜當然唔少得時令大閘蟹啦！呢度仲有港澳少見嘅蘇式酥皮月餅。天氣漸見清涼，一件熱辣辣、啖啖肉嘅月餅，再送一碗老鴨粉絲湯，令人暖在心頭！攤位嘅擋板亦十分有意思，值得細細回味。

鯉魚門（E6）
鮮肉月餅 MOP 10

美食節嘅口號係「品味世界 美食之都」，今年多家商號繼續為我哋帶來世界各地嘅美食。多家泰國同印度餐廳，都為會場帶來異國風情，各種旗幟、美食，以至員工嘅衣物，令人有一種返到好多人心中「第二故鄉」嘅感覺！而喺會場舞台嘅一角，亦有商號以一隻大大嘅「生蠔」裝飾攤位作招徠。櫃檯擺滿咗來自法國嘅生蠔，即開即食，十分新鮮。濠仔推薦佢哋獨家發售嘅「皇御」（Ostra Regal）生蠔。兩隻生蠔雖非極肥，但仍然食出頗為濃郁嘅海水味。CP值，高！

天蠔薈（B7）
皇御生蠔 MOP50/兩隻

澳門近年不少年輕人都投身到創業行列，而飲食業係其中一個熱門行業。美食節會場亦都有唔少年輕人嘅身影，售賣近期多種網紅美食，例如係蛋包飯、冰糖葫蘆、葡撻口味嘅蛋卷等。而喺深受大眾歡迎嘅日本街，有一個攤位專賣各式布甸，但又寫住Omakase。原來根據負責人介紹，呢間餐廳總店就真係賣由廚師長發辦嘅菜色。想了解更多，不妨喺美食節以外嘅時間去支持吓啦！

鮨玥Omakase（D17）
樽裝布甸MOP30

食完想消化一下再戰江湖？大家可以憑消費收據到遊戲區一試身手。最後再提提大家，為咗減少污染同浪費，入場記得自備餐具，買嘢食亦要適量購買啊！大家亦可以善用公共交通工具，以及由會場分別來往南灣國際銀行、黑沙環市場街，以及氹仔中央公園嘅免費穿梭巴士，咁就食得輕鬆又安心啦！

（廣告）

難得有人會關注呢個問題。

#沃門方丈 同埋 #沃門生態沙漠掙扎日記 都已經好仔細解釋咗問題所在。濠仔想回應兩點問題。

可能有讀者會問濠仔：你之前去影向日葵出嚟開POST。向日葵夠唔係本土物種，點解你會大細超？澳門不嬲都係物種交流嘅樞紐，引進呢個品種又咩出奇？

向日葵雖然來自南美洲，但散播種子嘅方法同草唔同，傷害性有限。而且向日葵生長亦唔會對其他生物有大影響，例如唔會遮蔽陽光、纏繞宿主或者吸收大量養份，好似微甘菊咁。從功能而論，向日葵係具經濟價值嘅植物，種植嘅地方一般喺農地，已經唔係原生態地區。

今次事件中，作為決策者，為市民喺難以出國嘅非常時期提供一啲「打卡位」固然係善政，但佢哋同時又係具有專業知識嘅一群，喺決定作出引進時，又有冇諗過自己嘅決定會做成咩不可挽回嘅影響？佢哋應該有呢方面嘅敏感度。慶幸澳門資訊尚算透明，多年來喺教育方面嘅投入讓澳門市民知識水平提高咗，市民對各種議題越來越有能力表達意見，值得高興。

希望當局日後做同類活動時候應該優先考慮本地物種，並教育市民保護本地生態系統嘅重要性。作為市民喺參加類似活動前，亦應該做吓功課，睇吓會唔會對生態做成影響，唔好淨係為滿足自我做咗壞事都唔知！畢竟澳門嘅生態系統，係屬於澳門人，同埋生活喺呢度嘅生物。澳門人唔珍惜，就無人會為你珍惜啦！

被譽為「旅遊業奧斯卡」的世界旅遊獎，昨晚透過視像形式頒發本年度亞洲區各個獎項。

印度在包括澳門在內其餘九個對手中脫穎而出，相隔六年再度獲得「亞洲最佳目的地」殊榮。至於去年得主越南仍然獲得最佳「美食」、「文化旅遊」和「遺產旅遊」目的地三個獎項。

至於「最佳短休城市」，就由日本首都東京奪得。東京更連續兩年獲得「最佳體育旅遊目的地」，可惜今年受新型肺炎疫情影響，東京奧運最快都要到明年才能舉行了。

新加坡航空連續兩年成為「亞洲最佳航空公司獎」得主，而亞洲航空更是大熱在最「亞洲最佳廉航」類別連續六年勝出。「亞洲最佳酒店」殊榮由新加坡老牌酒店萊佛士酒店奪得。

菲律賓分別獲得「亞洲最佳海灘」及「亞洲最佳潛水目的地」兩個獎項，而斯里蘭卡和尼泊爾分則別獲得「亞洲最佳歷險目的地」和「亞洲最佳自然目的地」獎，尼泊爾又獲得「最佳可持續旅遊目的地」獎。而印尼峇里（又双叒叕是峇里！）也連下兩城，獲得「最佳結婚目的地」和「最浪漫目的地」。近年頗受背包客喜愛的老撾也獲得「最佳青年目的地」獎項。

至於有關澳門本地的獎項，君悅酒店當選年度澳門最佳酒店，而葡京酒店、澳門威尼斯人及其豪華維羅納套房分別獲得「最佳娛樂場酒店」、「最佳酒店套房」以及「最佳渡假村」獎項。

本年度世界旅遊獎的全球性獎項將於本月27日誕生。

澳門在一片失望聲中過了國慶加中秋的雙慶黃金周。的確，來澳旅客人數只是去年的一成多一點，酒店入住率也不過半。

不過，筆者三個星期前在本欄分析過，國慶期間的旅客只是疫情前未使用簽注的一批旅客，九月二十三日開始重新申請簽注的旅客，不可能在國慶期間來澳門，兩者當中存在著延後效應，而持新簽注來澳的人士要到國慶後才能來澳。近日市面上旅客好像比國慶期間更多了一些，甚至有少量團客再度在市面出現（其實是當前與內地政策相違背的），以上現象似乎印證了上述的分析。

另一方面，當有了第一批「敢吃螃蟹的人」來過澳門，發現澳門的情況是安全的、適宜旅遊的，自然會向親友宣傳。在全球疫情未有消退跡象的情形下，內地人未來要安全出境旅遊，只需要做核檢測就無需隔離，澳門可說是唯一的選擇。當然要期望澳門再度有往日「爆客」的場面，是不現實的，而且從公共衛生角度看，更加是危險的。人群聚集不利防疫，應該是大家當前的常識，是必須堅守的底線。

旅遊局文綺華局長前日表示，日均二萬的旅客量會維持一段時間，這樣正正是符合疫後旅遊的一個新常態，即不再集中在某些日子，特別是旅遊旺季，才到某處旅遊。雖然目前平均客量處於低水平，但如果當局和業界能把握機會，加強推廣，尤其宣傳澳門「任何時候都好玩」的觀念，多少可以解決旅客過度集中某一高峰來澳的形態，以及由此導致的社會磨擦。

畢竟澳門作為一座城市，是以文化景觀作為主要賣點，不像極光、白雪等自然景觀有季節性，受自然因素影響較小，只要旅客在時間上能配合，例如在內地落實有薪年假的觀念，是可以讓客流分佈趨於平均的。透過改變旅客意識，讓旅客善用淡季優惠，從而學習錯峰旅行，更可以提高旅遊體驗。而對業界而言，淡化旺淡季之間的差異，還可以保證業界在淡季有更穩定的收入，減少淡季「拍烏蠅」，旺季做不完的尷尬局面。

不過，局長明言未有計劃重開「心出發‧遊澳門」，指已把重心放回吸引內地旅客的工作。這就令筆者感到失望。固然，吸引內地旅客來澳一方面是重要的，但局長又表示要讓行業轉型，「心出發」的模式不正是轉型的契機嗎？澳門的旅遊業過去講求大眾化、以「食玩買加賭場」為核心的形態，已經不合時宜，而更講求深度、主題化和具個性化的體驗。當然，在新的階段裡，「心出發」的對象應該轉而面向內地旅客，當然應該按原價收費，讓旅客有更新的體驗，同時也能讓業界有繼續生存，甚至共同轉型的機會。未來即使不再由政府主辦「心出發」，政府也可以透過其他方式鼓勵業界，特別是年輕的從業人員以及其他有興趣者，直接投身於澳門旅遊業的現代化發展。

（刊於2020/10/30訊報「曉風微寒」）