澳門國際旅遊（產業）博覽會今日揭幕啦！作為專業導遊，當然要同大家先睹為快啦！

今年既係中華人民共和國成立七十周年以及澳門回歸二十周年嘅「雙慶年」，亦係《粵港澳大灣區規劃發展綱要》發表後第一個旅博會，所以今年展館嘅亮點包括澳門旅遊發展、「一帶一路」及大灣區旅遊、中葡特色及澳門文創、美食與可持續發展等。

今屆旅博會亦都有好多特色展覽攤位，除了介紹澳門過去二十年來旅遊業發展嘅特展外，仲包括有來自日本多個縣份嘅日本館、澳門對口扶貧縣——貴州從江縣館以及文創館等。多功能廳亦有多場旅遊講座，包括深受澳門朋友歡迎嘅「泰國通」胡慧沖前輩將載譽歸來！

多間本地旅行社亦推出旅展限定優惠，現場仲有大抽獎，送出世界一流品牌智能手機、平版電腦、五星級酒店住宿券等豐富禮品！另外場內消費滿澳門幣300元，更可參加麥麥牆抽獎活動，贏取來回東京、首爾、臺北、曼谷及北京等地的來回機票共200套。萬勿錯過！

旅博會聽日同後日都會向公眾開放，記得嚟威尼斯人金光會展中心D、E館參觀啦！

展館開放時間：
10:00~20:00

交通安排：

往澳門威尼斯人金光會展方向 9:30-18:30
往各站點方向 11:00-20:30
（接駁巴士每30分鐘一班）