暑假剛剛開始，都係時候總結一下上半年匯率走勢啦！
今年上半年泰銖喺亞洲貨幣可算係大贏家，兌美元上升6.3%，目前喺30.65-30.75兌一美元之間。雖然泰銖升值對當地人出外旅遊有利，但泰國工業總會主席就認為，泰銖理想匯率係35-36兌一美元。
由於澳門元同美元間接掛鉤，美元轉弱，澳門元兌泰銖亦轉弱。星期五澳門元兌泰銖報3.81482，而4月26日半年高位報3.96928。
（中國報、XE）
泰銖年內新高
Category Archives: 泰國
遊泰注意！今年登革熱逾2萬宗 五年來最嚴峻
各位趁端午節長周末去泰國玩嘅朋友注意啦！
泰國《民族報》尋日報道，當地今年1月22號到5月22號，已經有超過22,000宗登革熱個案，係前一年嘅兩倍，其中30人死亡。另外有13個死亡案例正在核實中。泰國疾控中心總幹事形容疫情係五年來最差。
今次疫情集中喺首都曼谷、度假勝地芭提雅所在嘅春武里府、呵叻府、洛坤府同烏汶府。
大家外去旅行嘅時候，記得採取預防措施啦！
澳門衛生局 
澳門衛生局
泰國擬徵收旅遊稅 半年後有定案
泰國據報計劃向旅客徵收「旅遊稅」。每人不多於一百泰銖，即約二十幾港元，預計半年後有定案。
泰國經濟過去十年主要靠旅遊業帶動，單是去年有3800萬名外國旅客到訪，為泰國政府帶來兩兆泰銖收益，預料今年到訪的旅客會增至4100萬。
泰國國家旅遊政策法案上周三正式生效，讓旅遊部門制定旅遊發展，及保障旅客安全措施。
《曼谷郵報》報道，當局研究向每名旅客徵收不多於100泰銖，折合約港幣25元的「旅遊稅」，用於旅客的醫療保險，及改善國內旅遊景點設施。
報道未有說明，已購買保險的旅客是否可獲豁免，只是指研究預計進行半年，主要討論徵收金額，如何徵收。
當局強調，在有最後定案前會同旅遊業界商討，亦盡可能減少對旅遊業的衝擊。研究方向同時包括，若果觀光景點有大批旅客到訪，對附近環境造成的影響，是否要推行限制旅客等措施，以推廣可持續發展旅遊。
2019-05-27 無線新聞
據報泰國擬向旅客徵約25港幣旅遊稅 料半年後有定案
（攝於2018年12月）
生食累事！泰北爆豬鏈球菌感染
泰國嘅清邁、清萊近年成為唔少文青嘅熱點。而喺呢兩個城市所處嘅泰國北部同老撾（寮國）一帶，有一種肉製成嘅涼拌菜，叫做larb。最近有人食咗用生肉做嘅larb，感染咗豬鏈球菌。
根據泰國《民族報》5月15號報道，當周當地已經有八名病人。喺接收咗三名病人嘅楠府醫院，副院長蓬帖表示，當地民眾鍾意食larb同埋豬紅湯，可能因為豬肉未煮熟而同受感染。
而當地每年夏季同雨季交接時，係豬鏈球菌疫情高峰期。蓬帖提醒民眾，要購買有來源品質保證而且新鮮嘅豬肉。
泰國疾病管制局統計，今年1月1日至4月28日期間，全國有超過50名豬鏈球菌感染病患，其中12人身亡。舊年全國就有338名通報案例，12人死亡。
感染豬鏈球菌可引起發燒、頭痛、嘔吐、腹瀉，暈眩失去平衡等症狀，而常見併發症包括失聰，嚴重甚至會致命。早前亦有案例需要截肢保命。而現時並冇預防豬鏈球菌感染嘅疫苗，預防方法最主要係將豬肉徹底煮熟先至進食，同埋避免傷口接觸生豬肉。
（圖片來源：泰國《民族報》）
泰國打擊行乞 最高判監罰1萬泰銖
近年喺澳門可能會見到圖中呢種人，通常係西方人面孔（喺台灣試過有日本人），佢哋喺街上表演或者賣小手作，例如明信片，然後話自己需要旅費，希望大家支持。
呢種人稱為乞丐背包客，原本係英文beg（乞討）同backpacker（背包客）兩個字結合起來。
而喺乞丐背包客氾濫嘅泰國，近年除咗實施入境要帶一定數量現金嚟打擊呢類旅客，最近仲頒布新法律，禁止行乞。當局會喺旅遊點、機場同政府機關用多種語言提醒國民同遊客，亦會要求寺廟合作，教導公眾正確嘅布施方法，而非畀錢畀乞丐。
相關官員表示，如果真係想幫助乞丐，可以捐款畀政府嘅職業轉介計劃。
新法例對於行乞行為，初犯罰款500泰銖（折合128澳門元），最高可處一個月監禁、罰款一萬泰銖。要求乞丐進入「生活質量發展與保護中心」或者放棄行乞。一旦進入中心，未經批准不得擅自離開，否則亦最高可處一個月監禁、罰款一萬泰銖。
支援或協助行乞行為者最高可處兩年監禁、罰款兩萬泰銖，而操縱行乞、從行乞獲利者最高可處三年監禁、罰款三萬泰銖。
根據政府數字顯示，喺曼谷自2018年10月到今年3月，發現咗237個乞丐，其中81個人外國移民，另外有4,361個已註冊嘅街頭表演者，表現場地有300個。
（圖片來源：Pearl Law）
泰王加冕
星期三日本開啟令和時代，聽日就輪到泰國十世皇三日加冕儀式嘅開始啦！
泰國對上一次加冕儀式已經係1950年，即係近70年前嘅事啦！相信好多人都仲未出世。而且當時仲未有電視廣播，所以今次加冕儀式，係好珍貴㗎！
仲有，泰王加冕，融合咗佛教同印度教元素，澳港人未必一下子會明白。大家要落足眼力啦！
另外，曼谷大王宮喺5月2日至6日暫停開放。
中央社：日本天皇繼位有「三神器」 泰王加冕「五聖物」引人注目
shorturl.at/mqxG0
泰國延長免落地簽證費半年
據泰國《世界日報》報道，泰國內閣會議今日（24日）審議批准，落地簽證（VOA）免費政策將再延期六個月，以期旅遊收入進一步增加。
泰國總理府發言人納塔蓬表示，落地簽屬於一次性簽證，專為來泰逗留不超過15天的遊客提供，此前每人每次收費2000銖。但自2018年11月15日實施落地簽證免費政策，外籍遊客明顯增加。因此，內閣決議，原定於4月30日到期的該政策，將再延期六個月至2019年10月31日。
報道指出，儘管此舉會讓政府損失大約29.55億銖簽證收入，但因此從外籍遊客消費所得的收入，將暴增1046.16億銖。
*****
版主：泰國過完潑水節，就會進入半年旅遊淡季（熱季和雨季）。雖然天氣並非最佳，但機票、酒店價格亦會相應下調。
另一方面，當地仍然會有不同嘅節慶活動，如果只係集中旺季去玩，有時都會幾可惜。想慳錢、試試與別不同旅遊經歷嘅朋友，不妨考慮一下！
（攝於2018年12月）
泰新王加冕在即 考山路潑水節活動取消
泰國一連五日嘅國曆新年（潑水節 / 宋干節）假期將會由星期五（12日）開始。但今年喺曼谷嘅慶祝活動可能會稍為失色一啲。
因為今年5月4日至6日，將會舉行泰王拉瑪十世（哇集拉隆功）嘅加冕大典。臨近典禮準備工作中心區域嘅考山路（Khaosan Road），今年將會取消正式嘅潑水節活動。
考山路一帶商家屆時仍將照常營業，但不會提供無限量用水和彩粉。
（圖片來源：REUTERS/Soe Zeya Tun）
泰北霧霾
近日泰國北部地區，包括遊客常到嘅清邁同埋清萊，成為全球空氣質素最差嘅地區之一。據當地媒體報道，今次被形容係「十年來最差嘅霧霾」，情況恐怕將會持續到五月。
持續已經兩個月嘅霧霾天氣係由於天氣炎熱、無降雨以及微風所造成，同時當地有六十多處地區出現山火。泰國總理巴育星期二曾到泰北視察，並同當地官員會面商討對策。
霧霾嚴重打擊泰北嘅旅遊業。自二月至今，北部夜豐頌機場已經有四十班航機取消。即使即將迎來潑水節嘅旅遊旺季，當地酒店入住率亦由往年嘅85%下降至60%。
（圖片：Nattapol Lovakij@曼谷郵報）
麻疹疫情：最新病例曾赴泰旅遊
澳門衛生局消息：
衛生局今日（4月3日）收到1例麻疹輸入性病例報告，今年至今麻疹病例累積至28例。今年至今，澳門已錄得11宗輸入和17宗輸入相關病例，其中26人已康復。衛生局呼籲所有醫務人員、醫療機構、居民及未接種麻疹疫苗的嬰兒家長注意防範。
據調查，患者為一名32歲男性，本澳居民。患者於4月1日出現發熱、咽痛、肌肉關節痛等症狀，4月2日出現面部、頸部及手腳皮疹，同日到仁伯爵綜合醫院急診就診，4月3日經衛生局公共衛生化驗所檢測，其呼吸道樣本麻疹PCR檢測呈陽性反應。目前患者仍有發熱，病情一般。患者於3月14日至19日曾到泰國曼谷及芭提雅旅遊。患者出生於澳門，曾接種麻疹疫苗。根據旅遊史及發病時間，列為麻疹輸入病例。患者家人、同行友人及同事暫沒有出現類似病徵。衛生局現正追蹤患者發病期間曾接觸人士的健康狀況。
濠遊天下 Macau on Journey, 