【巴黎鐵塔130歲生日】今年5月係法國巴黎艾菲爾鐵塔對外開放130周年紀念。

當地星期三有1,300名小朋友喺鐵塔陰影下野餐慶祝鐵塔生日。而鐵塔直到星期五每晚十點到午夜，每個鐘都有長達12分鐘嘅激光表演，帶我哋重溫鐵塔嘅過去。

如果大家未及身處巴黎，可以睇吓以下片段止渴：

（資料來源：France24）

平時人來人往嘅地鐵車站，即將成為消閒娛樂好去處？呢個夢想，兩年後就會喺法國巴黎實現。

將會改建成酒吧嘅車站其實係位於巴黎第六區（左岸）、地鐵10號線塞夫爾-巴比倫站同馬比永站之間嘅幽靈車站——紅十字站（Croix-Rouge）。月台改裝完成後，將包括餐廳、市場，並擁有一張長75米嘅吧枱。

而酒吧開放時間將同地鐵首尾班車同步。根據目前營運時間表推算，應該是早上5時38分到翌日凌晨2時06分之間。

考考大家：巴黎有邊一個名勝係由火車站改建而成呢？

（文字來源：Timeout 法國；圖片來源：© Same Architectes）

版主：原來係「只此一晚」，仲以為好似外國某啲博物館搞「博物館之夜」。

不過巴黎羅浮宮平日星期三同星期五都開放到晚上9:45，每個月第一個星期六黃昏6點到晚上9:45仲免費開放𠻹。如果想喺巴黎玩得更有效率，記得記低上述時間啦！

羅浮宮前往方法：
巴黎地鐵王宮——羅浮宮站（1、7號線）或金字塔站（14號線）

【羅浮宮過夜？】 慶金字塔工程30周年 法博物館罕設1天遊…（澳廣視新聞）