平時去KFC食炸雞不外乎打包、外賣，一係就喺餐廳買完坐低食，買幾多食幾多。
如果你係KFC狂迷、想一次過食炸雞食到飽，可能你會知道大阪已經有一間KFC自助餐餐廳「KFC Restaurant」，但依家第二間餐廳，最近喺東京都南町田市最近開幕啦！
入面有超過50種美食，當然包括原味炸雞啦，而且仲可以任揀自己鍾意嘅部位！餐廳仲有特製咖哩湯同焗薯。其中店方仲建議：享用雞肉之前先將雞肉浸過咖哩湯喎！
收費方面，午餐時段限時80分鐘，成人收費1980日元（約MOP146），小童980元（約MOP72），至於晚餐時段限時90分鐘，成人2580日元（約MOP191），小童1280元（約RM95）。周末午餐成人2180日元（約MOP161），小童1080元（約MOP80）。
地址：
〒194-8589 東京都町田市鶴間3-4-1
东京町田南町田Grandberry Mall
電話：042-788-5205
營業時間：上午11時至晚上10時（晚上8時半Last order）
身處東京或計劃聽日前往東京嘅朋友注意啦！
為配合新車站建設工程，JR山手線聽日將會部分停運。具體停運時間係11月16日頭班車至同日16點左右，而停運路段係上野—東京—大埼。
如需前往沿線地區（品川、秋葉原、浜松町等），請選擇其他交通方式。
華人社會視魚翅為珍品，但龐大需求令全球鯊魚數量急速下降，更威脅海洋生態平衡。
世界各地日益意識到呢個問題，越來越多人都響應號召，停止食用魚翅。最近loyaltylobby網站5月6日報道，日本航空喺東京嘅貴賓室被揭發有供應魚翅湯，兩日後日航宣佈即日起永久停止供應魚翅湯，同時聲明未有在機上提供同類菜色。
（© Jeff Rotman/jeffrotman.com）
尋晚版主同大家分享過今年日本櫻花嘅花期預測，咁今日我哋繼續睇吓櫻花一啲常見嘅疑問！
Q1. 點解日本櫻花可以由一月到五月都有得欣賞呢？
Q2. 點解大家都話三月賞櫻花，但有啲地方二月已經有櫻花嘅？
A1 & A2. 第一個原因係因為日本由琉球（沖繩）到北海道，全長3000公里，由亞熱帶氣候到亞寒帶氣候都有，再加上日本中部屬於高山地區，令氣候更多變，所以即使同一緯度，花期亦會隨海拔有所差別。
第二個原因係，櫻花並唔係只有一種。三月用作指標嘅櫻花品種，係染井吉野櫻，而琉球（沖繩）嘅櫻花係寒緋櫻，一月就開花啦！臺灣阿里山嘅櫻花都係寒緋櫻。而喺日本本土，伊豆半島二月就有河津櫻率先登場。而即使喺東京，四月底都仲有其他品種嘅櫻花可以觀賞嘅。
Q3. 點樣知道幾時開花？咩為之「滿開」？
A3. 要決定每個地方開花嘅日子，首先要有一棵指標樹（標本木）。當指標樹有至少五到六朵花開嘅時候，就係「開花日」。而「滿開」，即係中文盛開咁解，係指花開到八成嘅時候。
Q4. 我仲聽講有一種叫「芝櫻」嘅植物，係唔係都係一種櫻花？
A4. 芝櫻不是櫻。 兩者只係花形相似啫。
佢甚至連樹都唔係，係生喺地上嘅。
每年嘅花期係喺四、五月間。富士山本栖湖以及琦玉縣羊山公園的芝櫻之丘都係欣賞芝櫻嘅好地方。
（圖片來源：日本國家旅遊局）
濠遊天下 Macau on Journey, 