清明復活節長假期將至，大家可能會考慮去廣東玩個三四日。依家有個好消息！

中旅巴士日前宣佈，自3月27日（本周六）起，恢復澳門（珠海）至肇慶／三水／四會嘅班車。

澳門（珠海拱北汽車站）至肇慶每日兩班，分別早上10：30同晚上7：05開車，在肇慶分別停星湖大酒店及國際大酒店。肇慶返拱北汽車站亦都係每日兩班，國際大酒店開車時間係早上7點同下午2：40，而星湖大酒店開車時間係早上7：15同下午3：00。肇慶出發單程票最低60元人民幣，澳門出發單程100元。

澳門（珠海拱北汽車站）至三水／四會每日兩班，分別早上11：25同晚上7：15開車。第一班車停靠三水中旅同四會汽車站，第二班車停靠三水中旅同三水廣場前途酒店。三水／四會返拱北汽車站亦都係每日兩班，第一班車由三水中旅出發，開車時間係早上6：50（7：00停靠獅皇麗星華廷酒店，7：10停靠三水廣場前途酒店），而第二班車由四會汽車站出發，開車時間係下午3：00（3：50停三水中旅）。肇慶出發單程票最低60元人民幣，澳門出發單程95元。

肇慶歷史悠久，有超過一千四百年歷史，尤其是鼎湖山，保護區森林面積高達78.8%，空氣相當清新。趁住春天，萬物生長，去「大灣區後花園」嚟一個洗肺之旅，都係唔錯嘅選擇。

港珠澳大橋穿梭巴士宣布，由4月1日開始從珠海及澳門經港珠澳大橋往香港的「金巴」班次，將由原本10班縮減為每日六班。

珠海／澳門往香港的車次均為10:30、12:00、14:00、16:00、18:00及20:10。而香港往澳門珠海，目前每日六個班次維持不變，同樣是10:30、12:00、14:00、16:00、18:00及20:10開車。

港珠澳大橋穿梭巴士提醒乘客，必須先於公司微信公眾號或登入網頁 www.hzmbus.com 預購車票，現場不設售票。

秋天最具代表性嘅花當然就係菊花啦！原來過關坐城際只需36分鐘，就可以欣賞到有超過200年歷史、被列入第一批國家非物質文化遺產嘅小欖菊花會啦！

位於中山市西北部嘅小欖鎮，南宋末年就已經開始有種植菊花。到清朝乾隆年間更開始出現菊花會，尤其是每逢甲戌年規模更加盛大。不過下次有咁大規模嘅菊花會就要等到2054年啦！

今年小欖菊花會嘅會場，佔地350畝，展出咗25個大型造景、共25萬盆菊花。入面嘅菊花有不同品種，亦有各種嘅造型，好似係製成盆栽咁嘅樣，亦有一啲做到好似孔雀開屏咁樣，或者造成瀑布一瀉千里嘅效果。當地各大企業同埋鄉鎮社區亦都設計出不同造景，實行宣傳自己。同場亦都有其他花卉展出，包括係近年喺澳門相當受歡迎嘅向日葵花田，呢度亦都有。

菊花同中國人有着好深厚嘅淵源，亦都產生咗好多同菊花有關嘅文化。會場有花藝比賽展覽，亦都有售賣各種用菊花製成嘅食品。成年人當然可以品嚐傳統嘅菊花酒，想一試新奇嘅亦都可以嘗試菊花刺身。

嚟中山當然要試吓當地嘅美食啦！中山最出名嘅就係石岐乳鴿啦。朋友介紹咗一間位於石岐一間好出名嘅餐廳，好多港澳人都慕名而來。

坐低叫咗一隻滷水乳鴿（RMB22）同埋一個北菇雞煲仔飯（RMB18）。呢個價錢已經十分懷舊。一上枱更加驚艷！乳鴿係新鮮貨色，一咬入面滾湯嘅肉汁就噴出嚟。的確係唔同啲！煲仔飯嘅飯焦亦都非常可口，好容易就食得乾乾淨淨！

大家不妨可以趁花會嘅時候行一趟中山，最好就兩日一夜：早上去參觀菊花會，欣賞同場舉辦嘅第12屆中國民間藝術節，下午喺石岐食午飯行街，夜晚去三鄉浸溫泉，消除疲勞！

2020年小欖菊花會＋第12屆中國民間藝術節
展期至12月13日
時間：
週一至週五上午9時至晚上10時
週六週日上午9時至晚上10:30
門票：
週一至週五RMB20
週六週日RMB30
微倍提前24小時購票更可獲優惠
交通：
珠海站—（廣珠城際）—小欖站（票價RMB40）
轉乘專車（每15至20分鐘一班，票價RMB2）

煲煲掂西區店
中山市西區下閘新村2棟106號
（中山一路維也納酒店直入）

• 

• 

• 

• 

• 

• 

• 

• 

• 

• 

好多港澳朋友都將日本視為第二個故鄉。可惜疫情喺日本仍未緩和，如果想趁十一假期一解「思鄉之情」，最近嘅地方可能係……出關兩個鐘車程嘅佛山？

最迎有日本網民發現喺佛山出現咗一條模仿日本街頭嘅「一番街」，入面嘅招牌、街道牌、燈籠、過路處等，讓人好似置身東京鬧區。不過細留意走馬燈嘅字體，以及行左軚嘅的士，仍然提醒大家呢度係中國！

一番街
地址：佛山市南海區大瀝鎮黃岐建設大道中星港城

另外喺順德，原訂年初開幕、由日本建築師安藤忠雄設計嘅「和美術館」將於十一國慶節試業。

美術館總面積約為16,000平方米，其中展廳面積約8,000平方米。通過運用清水混凝土作為建築材料，安藤忠雄將光、水、風等自然元素融入到這座具有嶺南建築文化意境的美術館中。

據館方介紹，建築從細部到整體構成，甚至包括景觀設計，都如同水面波紋一樣，層層展開。而中心係圓筒狀五層挑空嘅空間。雙重螺旋樓梯盤旋而下，形成中央圓形空間。如同DNA結構嘅雙螺旋清水混凝土樓梯，相信係館內一大「打卡點」。

另外，美術館設有夾岸花園，其動線暗含了曲徑通幽嘅意境。弧形嘅清水混凝土隔牆喺園中有序地分佈、環繞，配合多種精心選植嘅粉色系開花喬木，使觀眾恍如「夾岸數百步，忽逢桃花林」般暢遊於詩意之中。

美術館首個展覽「世間風物——和美術館開館大展」，將探討人類文明喺自然規律中嘅處境，關注生存環境嘅具體性，審視現代化過程中所導致嘅人與物、人與自然等生態系統嘅相關性，以及區域性文化嘅傳承和可持續性發展等問題。展覽喺呢個時候開幕，相信別具意義。

和美術館
地址：佛山市順德區北滘新城怡興路6號
開放時間：
週二至周日 10:00-18:00（17:30停止入場）
週一閉館（遇法定節假日閉館時間順延至節後第一個工作日）
* 2020年10月1日 10:00-15:00（14:30停止入場）
* 每月20日為免費公眾開放日（遇閉館日順延至下一個自然日）
預約管道：和美術館官方微信公眾號預約購票。

廣東省交通運輸廳預計在春運期間，港珠澳大橋穿梭巴士將增派至216輛，滿足往來粵港澳旅客需求。

內地傳媒報道，港珠澳大橋自開通以來，截至上月（2019年12月），大橋穿梭巴士共開出超55萬班次，運送旅客超1,800萬人次，平日每日大約有80個班次。

廣東省交通運輸廳又表示，穿梭巴士會提供三地聯網售票系統，並接受多種電子支付平台的訂票服務，並在三地口岸配置統一的自助售取票機。

（巴士的報）

仲有半個月就過年啦！各位朋友打算點過呢？如果要返內地過年就要注意以下呢篇報道啦！

珠海市官方微信帳號「珠海發佈」報道，昨（8日）上午，珠海市政府新聞發布會上，市交通運輸局與市交警支隊通報了春運工作安排，並向大家發布了出行提醒。

交通運輸部門預測，節前學生流將出現在1月11日至20日，務工流出現在1月17日至24日，探親流出現在1月19日至23日。客流叠加的可能性較大，預計節前高峰期出現在1月19日至1月22日，這個時段客流比往年會有較大的增長。市民務必結合自身情況和客流預測安排出行計劃。

交警提醒，隨著越來越多市民選擇在春節假期自駕旅游，全市各高速公路出入口、各旅游景點周邊道路交通疏導壓力比較大。其中年三十夜間至年初一上午，西部沿海高速金台收費站以及金台寺、普陀寺周邊道路，年初二至年初五情侶路、海濱路沿綫預計會出現交通繁忙的狀況。

交通運輸部門預測，今年春運珠海各運輸方式預計完成客運量約648萬人次，同比增長6%。

為應對客流，珠海交通運輸部門深入挖掘運輸潜力。全市計劃投入營運客車1466輛、城市公交車2498輛（含400輛應急車）、巡游出租車3600輛、客運船舶51艘，鐵路開行列車79對，民航起降飛機航班11700架次（同比增加5.8%）。其中

*全市公路客運共開行省內班綫402條、省際班綫317條，確保運力不减少；
*九洲港至深圳蛇口航綫、香洲港到各海島航綫也做好加密航班預案；
*珠海機場加班2200架次，新開、加密航綫28條，新增博鰲、南充、石家莊、茅臺4個新航點，加密北京大興、武漢、海口、南昌、成都、杭州等24個航點。

珠海機場節前客流高峰期預計出現在1月21日至23日，節後出現在1月30日、1月31日和2月1日。

市交通運輸局提醒，今年1月24日（除夕）0時起至1月30日（年初六）24時止的春節假期，珠海將試行巡游出租車運價浮動。即在按現行運價標準實行打表計程收費的基礎上，根據計價器顯示的價格，分五檔每次額外加收2至10元的費用（非累進制），例如計價器顯示金額爲25元，則浮動價格屬於第二檔次即加收4元，該次應收運費爲29元。

只要乘車計程起始時間點和結束時間點任一時間點在春節假期時段內的，均執行浮動加收。每車次應收運費等於計價器顯示的正常價格加上浮動價格。

另外，據氣象部門預測，春運期間冷空氣將帶來氣溫驟降和海面大風，冷暖氣流交匯可能引起雨霧等低能見度天氣，對春運帶來一定影響。其中，京珠高速公路粵北及湖南段易出現路面結冰情况，有出行計劃的市民務必留意。

而對於市內可能因海面大風、雨霧等低能見度天氣而直接影響水上交通、機場和港珠澳大橋的正常運行的情况，交通運輸部門表示已制定了詳細的應急預案。

至於交警方面已在春運開始前5日開展相關工作。從1月10日到24日將實行9小時執勤制，嚴格落實對7座以上客車逐車登記檢查。在疏導擁堵方面堅持「一堵點一方案」，强化警力部署。與此同時，春運期間珠海交警將同步開展五個專項整治，包含開展夜查，旅客運輸市場整治，公路交通整治，嚴管貨車超限超載，整治摩托車電動自行車等。

之前廣州話要將最古老嘅越秀區改造成中央商業區（CBD），依家又要拆「紅專廠」。當只係剩返摩天大樓、玻璃幕牆，廣州嘅傳統特色、生活風貌以後仲邊度搵呢？