馬來西亞《星洲日報》18日報道，印尼大規模火耕（馬來西亞稱為「燒芭」）引發有毒霧霾（當地稱「煙霾」），不僅蔓延至新加坡和馬來西亞，也嚴重影響瀕臨滅絕的猩猩（當地稱「人猿」）及其棲息地。
動保組織周二表示，至少37隻人猿出現呼吸道感染的症狀。
法新社報道，印尼政府已部署數千名軍警作爲臨時消防員、派出數十架消防飛機，對抗蘇門答臘島和婆羅洲島上的燒芭熱點。
婆羅洲人猿生存基金會周二表示，燒芭引發的煙霾正影響救援中心照顧的數百隻類人猿以及野放的野生動物。
基金會說：「濃厚的煙霧不僅危害我們員工的健康……而且還影響我們目前照顧的355隻人猿」，這僅是指加里曼丹一個救援中心的情况。
基金會表示，「多達37隻年輕的人猿疑似患有輕微的呼吸道感染。」
位在東加里曼丹省三波加雷斯塔里雨林的救援設施，空氣品質非常惡劣，動物一天戶外活動的時間已被限制在幾個小時。
過去幾十年，人猿的自然棲地大幅縮減，根據國際自然保護聯盟（IUCN）的數據，婆羅洲人猿的數量從1973年約28萬8500隻，今天已下降到約10萬隻。
日本北海道有一種著名的商標，叫「熊出沒注意」。依家，真係「熊出沒注意」啦！
位於俄羅斯堪察加半島上克羅諾茨基自然保護區發佈消息稱，哈克岑河上一條熱門旅遊路線，由於七十隻餓熊表現出攻擊性臨時關閉。
消息指，關閉路線同太少三文魚進入千島湖地區一個最大嘅產卵場同熊嘅食物不足有關。自然保護區指出，當地夏末一般會出現紅大麻哈魚集體前往產卵地嘅場景，但現在只有少量三文魚進入產卵地。熊為咗等食物聚集喺河邊，已有七十隻成年熊。由於食物嚴重短缺，熊群之間還經常爆發衝突，因此熊攻擊人嘅風險亦都增加。本週，科學家已經遇到熊表現出攻擊性嘅情況。喺與旅遊路線重疊嘅科考路線上，一隻成年公熊襲擊咗一行三人，好彩熊喺最後一刻轉向另一邊。
自然保護區引述俄羅斯科學院遠東分院水和環境問題研究員謝爾蓋·科爾欽指：「由於目前動物壓力增加，必須暫停使用呢條路線，直到三文魚集體入河、熊吃飽咗，或者熊轉移到更有利嘅地區、密度降低為止。」
另外喺日本北海道首府札幌市南區連續出現七日嘅黑熊尋日已經成功被捕並放回森林。
（俄羅斯衛星通訊社 / TVBS）
希望臺灣當局管理得更細緻之餘，我們的休漁期也不會淪為捕魚比賽，竭澤而漁方肯罷休！
全球愛護動物呼聲日益高漲，各種以動物取樂嘅活動都受到社會人士質疑。
最新嘅好消息係，喺柬埔寨吳哥窟景區，遊客騎大象遊覽項目將會被取締，所有大象將回歸自然，喺半自然半人工嘅環境下生活和繁殖。
中新社報導，暹粒省吳哥大象委員會13號嘅消息稱，景區現有14隻大象每日過著勞累嘅載客生活。2016年，一隻大象喺高熱天氣載客時暈倒在地死亡，引發關注。
吳哥大象保護委員會主任安基裡表示，2020年將全面停止使用大象載客活動，但遊客可在繁育同保護區觀看，並可同大象合影留念。
據瞭解，目前柬埔寨野生大象預計約500隻，另外有70隻飼養大象喺各景區載客遊覽。柬埔寨大象屬於亞洲象，1997年被世界自然保護聯盟（IUCN）列入紅色名錄，屬瀕危物種。
而根據公開資料顯示，世界現有野生亞洲象數量約28,000至42,000頭，但從19世紀至今，野生亞洲象種群數已下降咗97%，且一直呈下降趨勢。
（Image by Aline Dassel from Pixabay）
每年春夏之交，係日本奈良鹿生育嘅時節，鹿仔會喺呢個時候出世。
當地保育團體近日發出呼籲，叫遊客唔好觸摸鹿仔。因為鹿媽媽聞到鹿仔身上有人嘅氣味，會拒絕撫養，令鹿仔死亡。
網民亦已經將保育團體嘅呼籲翻譯成中、英、韓等語言。
（圖片：一般財団法人奈良の鹿愛護会）
華人社會視魚翅為珍品，但龐大需求令全球鯊魚數量急速下降，更威脅海洋生態平衡。
世界各地日益意識到呢個問題，越來越多人都響應號召，停止食用魚翅。最近loyaltylobby網站5月6日報道，日本航空喺東京嘅貴賓室被揭發有供應魚翅湯，兩日後日航宣佈即日起永久停止供應魚翅湯，同時聲明未有在機上提供同類菜色。
（© Jeff Rotman/jeffrotman.com）
內地啱啱結束咗「五一黃金周」假期，日本亦結束咗慶祝新天皇繼位嘅「超級黃金周」長假。
一連十日放假，唔少人出外旅遊，但對於被視為神獸嘅「奈良鹿」，就唔係一件咁舒服嘅事啦！
事關大家去親奈良，都會見吓班鹿仔，然後又用「鹿仙貝」餵佢哋。但旅客太多、餵得多、食得多就滯啦！擺喺面前、口邊都無反應。有啲就索性匿埋瞓覺去也。
醫生都話要身體健康，其中一樣就係要避免暴飲暴食，鹿仔都一樣㗎！
（圖片來源：bubble_oOoO@twitter、Brise_Marine@twitter）
版主：殺死野貓的確殘忍，但即使係最人道嘅「捕捉、絕育、放回」（CNR）都解決唔到一個問題，就是被放回嘅野貓仍有可能捕食野生動物。要使佢哋不再危害野生生態，殺死佢哋係唯一方法。
到底，野貓係人引入嘅，人類必須為此後果「找數」。
報道連結：http://bit.do/eQWX7
要保障飛行安全，起飛前嘅檢查必須要做到萬無一失。
好似澳洲維珍航空，最近就喺社交網站發表幾張相，原來有隻貓頭鷹喺飛機引擎嘅螺旋葉之間瞓覺，好彩畀工程師及時發現，經檢查後放返到大自然。飛機同貓頭鷹嘅呢一段奇遇總算平安結束。
事實上，萬一有雀鳥被飛機引擎吸入（鳥擊），除咗隻雀必死無疑之外，雀鳥吸入亦會傷害飛機引擎螺旋葉、卡住引擎，導致引擎停止運作、著火，最終令飛機失去動力墜毀。所以各地機場都會用各種方法趕走雀鳥，例如使用煤氣炮、恐怖眼、錄音、 驅鳥彈，甚至係獵殺、豢養猛禽等。
近期發生鳥擊嘅例子，有舊年11月3號，澳門航空一架前往首爾嘅客機喺澳門機場起飛過程中引擎吸入雀鳥，需要緊急煞停折返。最終乘客需要轉機，幸好無人受傷。
（圖片：澳洲維珍航空）
平時話人「黑口黑面」，通常都唔係好嘢。不過如果係呢啲羊咩咩呢？可能又會有唔同效果喎！
「玩具羊」突然轉身嚇壞遊客 笑笑羊居然是活的
shorturl.at/ajoEZ
（翻攝自Valais Blacknose New Zealand臉書）
