位於首都北京以南46公里嘅北京大興國際機場預計喺今年9月30日啟用。連接市中心同新機場嘅新機場線大前日開始不載客試運。

大興機場線一期全長41.4公里，途經豐台、大興兩區。全線共設草橋站（與地鐵10號線連接）、大興新城站和大興機場站三座車站，未來將延伸至麗澤商務區。

新機場線採用嘅係由中車四方生產嘅、以和諧號CRH6動車組為基礎研發嘅「白鯨號」，設計最高時速160公里，實際載客量448人，而且無人駕駛。

全車共有七個載客車廂及一個行李車廂。載客車廂分為普通車廂同商務車廂，座椅尺寸和間距超過復興號高鐵動車組二等座和一等座要求。列車兩個座椅中間，專門設置了USB充電插座。每節車廂都有專門行李架。

大興機場線公共服務區域更加體現人性化理念，月臺座椅採用舒適嘅皮質座椅。月臺標識設計更關注對母嬰室、衛生間、直梯等設備設施嘅引導，三座車站全部設有母嬰關愛室。此外，衛生間設計參照機場航站樓標準，增設廣播、增香機、兒童低矮洗手池、馬桶等。

站廳諮詢台備有翻譯機，分別支援中文與英、日、韓、法、西班牙、俄、德、意、葡、土耳其語、阿拉伯、烏拉爾等34種語言嘅語音翻譯，以及粵語、東北話、河南話、四川話、有口音嘅普通話等多種方言。

新機場線無論喺硬件定係服務都強調同「航空標準看齊」。北京軌道運營所有一線服務人員都接受咗相關專項培訓，包括通用服務技巧與專項服務技巧培訓，專案包含問詢服務、廣播服務、航班資訊服務、值機/行李寄存服務以及外語服務，力爭為廣大航空旅客提供更為優質、多元嘅服務。

最特別嘅係，三個車站嘅分別以陸上、海上以及空中絲綢之路為主題，緊貼「一帶一路」嘅時代發展主題。

新機場線預計會同大興機場同步營運，到時由新機場到草橋站只需要19分鐘。較早前有報道指澳門航空將安排部份往來北京嘅航班改去大興機場起降，而首都航空亦會遷至新機場升降。

（資料：北京軌道運營）

據臺灣《經濟日報》報道，由長榮航空前董事長張國煒於2018年創辦的星宇航空（Starlux）明年一月首航目標不變，且首航第一天就同時飛三個不同航點，目前預計最快十二月對外銷售機票。

星宇航空公關長聶國維說，星宇航空已開始針對桃園機場及國外機場時間帶安排航班，首航日一定是明年一月，確切日期還未敲定，但首航前三架A321neo飛機就會到位，且一架飛機同一天首航，分別飛不同的航點，主要是東南亞，澳門也列入考慮，確切的航點要視時間帶的安排而定。如落實，經營澳門至臺灣的航空公司將恢復到四家（澳航、長榮、虎航、星宇）。

至於對外銷售機票的時間，必須在星宇航空取得民用航空運輸業許可證（AOC）後，聶國維說，目前預計最快時間可望在十二月。

聶國維說，根據星宇航空的規劃，首架A321neo今年十月由星宇航空董事長張國煒親自開回台灣，第二架及第三架交機時間是十二月及明年一月。至於全部十架租賃的A321neo單走道飛機，2021年全部到位。今年三月與空中巴士簽約購買的十七架A350廣體客機，首架在2021年底到台灣，預計2022年開航美國航線，十七架廣體客機預計2024年底全部交機完畢。

秘魯著名嘅旅遊點馬丘比丘面臨新一波危機！

秘魯當局為容納更多遊客，正喺聖谷入口興建大型機場，取代現時嘅庫斯科機場。新機場落成後將會係全國第二大、可容納每年700萬旅客。

但保育專家批評，機場對遺址同周圍環境有不可逆轉嘅影響。已經有近五萬名考古學家、歷史學家同人類學家聯要求當地政府另覓選址。佢哋指出，機場會影響呢個複雜嘅印加景觀嘅完整性，噪音、交通同失控嘅都市化會導致不可復原嘅損害。

專家指出庫斯科外圍地區同新機場所在嘅欽切羅，包括牧場同道路等景觀未受破壞，當中嘅御道更是歐洲人入侵前美洲最偉大嘅工程成就。而新航道亦會令飛機喺另一個印加古城奧揚泰坦博上空低空飛過。佢哋批評文化部嘅研究忽略咗當地至少四條嘅存在，以及工程對附近潟湖、梯田同野生動物嘅影響。

但秘魯總統反駁話長年研究已經盡量減少對環境嘅負面影響，機場工程會繼續落去。當局又話，工程會以高透明度同高質量進行，並會附合建築法例，而且現有機場位置不佳，無法擴建，三、四年內亦都會飽和。但專家就認為遺址旅客太多先令景點出現危機：2016年就有140萬名旅客參觀呢個本來只容納不足1000人嘅城市，而秘魯政府好多年前已經將每人可參觀人數提高到聯合國教科文組織建議上限兩倍有多。

（NPR）

龍舟聲響、粽子飄香……星期五就係端午節假期啦！今年仲連住周末，一連三日可以嚟個短線旅行喎！

澳門航空亦趁端午節推出優惠，今次仲係全線都有份！所有航線都係來回價！最平嘅去南寧來回係MOP380（未連稅）咋！首爾MOP1,000就有交易，北京就要MOP1300。而東京同大阪12月1日至12月7日只需MOP1,200，其他日子都係MOP1400-1600。

不過今次出發日期係國慶假期後，回歸聖誕亦唔包。想端午節出發、嚟個快閃遊就無法囉！

購票日期：2019年6月4日至2019年6月11日
出發日期：2019年10月03日至2020年01月15日（部分日期不適用）

請到澳門航空官網或向特約旅行社購買。

印尼《雅加達郵報》5月12日消息：據航空研究網站OAG公佈的2019年4月全球航空公司準點率數字，印尼國家航空公司印尼嘉魯達航空以95.5%準點率，連續第二個月位居全球第一。

嘉魯達航空營運總監表示，要在將來開臨的開齋節維持準點率有挑戰性，但會透過加強飛行操作的監察，尤其是在安全措施方面，有信心能安全、準時、舒適地渡過高峰期。

華人社會視魚翅為珍品，但龐大需求令全球鯊魚數量急速下降，更威脅海洋生態平衡。

世界各地日益意識到呢個問題，越來越多人都響應號召，停止食用魚翅。最近loyaltylobby網站5月6日報道，日本航空喺東京嘅貴賓室被揭發有供應魚翅湯，兩日後日航宣佈即日起永久停止供應魚翅湯，同時聲明未有在機上提供同類菜色。

（© Jeff Rotman/jeffrotman.com）

要保障飛行安全，起飛前嘅檢查必須要做到萬無一失。

好似澳洲維珍航空，最近就喺社交網站發表幾張相，原來有隻貓頭鷹喺飛機引擎嘅螺旋葉之間瞓覺，好彩畀工程師及時發現，經檢查後放返到大自然。飛機同貓頭鷹嘅呢一段奇遇總算平安結束。

事實上，萬一有雀鳥被飛機引擎吸入（鳥擊），除咗隻雀必死無疑之外，雀鳥吸入亦會傷害飛機引擎螺旋葉、卡住引擎，導致引擎停止運作、著火，最終令飛機失去動力墜毀。所以各地機場都會用各種方法趕走雀鳥，例如使用煤氣炮、恐怖眼、錄音、 驅鳥彈，甚至係獵殺、豢養猛禽等。

近期發生鳥擊嘅例子，有舊年11月3號，澳門航空一架前往首爾嘅客機喺澳門機場起飛過程中引擎吸入雀鳥，需要緊急煞停折返。最終乘客需要轉機，幸好無人受傷。

（圖片：澳洲維珍航空）

前日版主分享過臺灣長榮航空公司勞資雙方三度協商最終失敗，而長榮空中服務員星期五（19日）宣布將啟動罷工。

根據《苦勞網》報道，空服員職業工會經會員代表大會決議通過，將在5月啟動長榮空服員罷工投票，工會呼籲長榮資方把握罷工前的最後機會回應工會訴求，並呼籲政府協助宣導罷工。

（圖片來源：Shutterstock/Michael Rosebrock）