受新型肺炎病毒出現變種影響，多國暫停與英國之間的交通。臺灣兩家有經營英國航線的航空公司，華航及長榮，分別宣佈停飛下個月來往臺北及倫敦的航班。
受疫情影響，華航及長榮倫敦航班分別從每週五班及七班，都減為每週一班，也就是每週台灣共有兩班往返倫敦航班。上周起，中央流行疫情指揮中心決議，台灣每週往返倫敦航班減半，從原本兩班減為一班。
長榮航空先前宣布12月23日起，暫停倫敦航班。繼華航今日宣佈取消明年1月往返倫敦航班後，長榮航空也更明確說明暫停營運明年1月倫敦航班。
至於何時恢復，華航及長榮都說，視疫情狀況再決定。 由於目前從外國前往澳門，轉機時須乘坐同一集團的航班。而從倫敦前往澳門，至今只有長榮的航班可供使用。這意味著英國與澳門的空中交通完全中斷。
【澳門往來倫敦航線 下班機最快要明年一月】
尋日同大家分享過有關馬介休嘅新聞。今日再同大家講吓馬介休。
尋日提過，葡國人平安夜食馬介休，係因為呢一日喺天主教傳統上係守齋戒嘅日子，即係唔食溫血動物（雞鴨鵝豬牛羊）。呢一個習俗喺同樣信奉天主教嘅義大利都有。
葡國人整馬介休有好多種方法，相傳有三百幾種，一年中每日一款都唔怕重覆。以下介紹一啲常見嘅種類。下次嚟澳門或者去葡國，想食馬介休，就唔怕唔識叫啦！
相信好多澳門人同埋嚟過澳門玩嘅朋友都食過馬介休（bacalhau）啦！佢其實就係用鹽醃過嘅鱈魚，係葡國傳統嘅食品，尤其是喺平安夜，更係葡國人飯枱上嘅主角。
不過就喺尋日平安夜，英國同歐盟終於就脫歐達成協議，而協議核心議題之一係捕魚權問題。協議將會影響明年馬介休嘅供應。
英國脫歐同葡國捕魚權嘅關係，並唔係因為葡國漁民會去英國水域捕魚。葡國漁民捕撈鱈魚嘅主要漁場喺另一個非歐盟成員國挪威。而由於之前英國同歐盟未達成協議，挪威亦唔會同包括葡國在內嘅其他歐洲國家談判捕魚權問題。
葡國捕魚業協會主席Luís Vicente指以往同挪威嘅談判一般十一月就已經達成，目前已經太遲。 佢解釋：「英國同歐盟達成協議對葡國漁業有好處，因為咁歐盟同挪威先有可能談判，令葡國漁船可以喺復活節前去挪威水域捕魚，因為之後就嗰度就唔會有鱈魚。」
業界表示，今年在加拿大水域的鱈魚捕撈量比去年下跌八成，挪威漁場變得尤其重要。業界要求政府在談判中盡力，以確保國民明年餐枱上仍然有馬介休。 （TSF電台）
歐盟理事會昨日建議成員國逐步向八個區外國家解除入境限制，尤其恢復與港澳的連繫，條件是開放必須是雙向開放。
理事會在聲明中表示，已經更新應解除入境限制的（第三國）名單。這名單是在六月得到成員國同意，建議在新型肺炎疫情期間對名單上的地區，逐漸解除針對到歐盟非必要旅行的限制。
在這背景下，以及基於建議設定的標準和條件，理事會建議從當日起，「成員國應逐步」向八個國家「解除入境限制」，尤其是「中國的兩個特區：香港和澳門的連繫，條件是開放必須是雙向開放。」
同樣基於互惠條件，在中國重新對歐盟開放邊境前（中國至今尚未這樣做），歐盟將不會向中國重新開放邊境。
八個「第三國」包括中國、澳洲、日本、紐西蘭、盧旺達、新加坡、南韓和泰國。上月底仍在名單上的烏拉圭這次被剔除。基於目前疫情，來自美國、俄羅斯、印度、巴西以及從未被列入綠色名單的葡語系國家及東帝汶的人士仍然被禁止入境。
歐盟理事會在聲明中提醒解除限制的標準，尤其是「疫情以及控制措施，包括社交距離，以及經濟與社會因素。」「這些標準是累積性的。也必須恆常，並按個別例子考慮互惠性。」
具體而言，疫情方面的標準包括過去14日的感染數字以及每10萬人的感染數字必須等同或低於歐盟平均值，且現階段新症與過去14日比較呈現穩定或下降的趨勢。至於在疫情應對方面，考慮的因素包括測試數量、控制措施、監測與治療。
而獲得豁免，可以從名單以外的第三國入境歐盟的人士包括：歐洲國家公民及其家屬，歐盟永久居民及其家屬，以及有特殊目的或需要的人士。
（葡新社）
澳門航空公佈明年二月份航班。時值農曆新年期間，澳航內地和臺灣航線都有加開班次。
內地航線方面，來往北京（首都）、上海（浦東）、杭州、南京、成都、廈門、寧波、常州每日都有航班，其中北京、上海更增至每日兩班。其他仍然有航班的城市包括南寧、揭陽潮汕、天津、太原、重慶、青島、鄭州、合肥、貴陽及溫州。
臺灣航線方面，臺北往澳門每周四班。澳門前往臺北和高雄更增至每一兩班。
國際航線仍然只有來往日本東京的航班，二月份共有兩個航班。
其他航線仍然取消。
香港政府昨日刊登2020年第244號法律公告，今日起生效。公告內容為修訂香港法律第599C章《若干到港人士強制檢疫規例》 ，延長規例失效日期至明年3月31日，意味著澳門居民在此之前前往香港仍需接受14日強制檢疫。
新型冠狀肺炎疫情漸見曙光！英國藥品監管當局（MHRA）批准緊急使用由英國輝瑞及德國BioNTech開發的新型肺炎疫苗。疫苗在最近的測試中有效率達95%。英國政府已採購了4000萬劑疫苗，首批共80萬劑預計可於下星期推出，供長期病患、醫療人員、長者等使用。疫苗採用了最新的mRNA技術，不過缺點是需要在零下70攝氏度冷藏。
至於澳門何時可以獲得新型肺炎疫苗，社會文化司司長歐陽瑜在立法會解釋明年施政方針時透露，政府除了原來公佈洽購的140萬劑疫苗外，亦已洽購應急疫苗，預計應急疫苗可在年底前到位，供身處較危險的前線人員，如醫護及消防員接種。
政府洽購的140萬劑疫苗，歐陽瑜預計可於明年上半年到位，樂觀估計，可於明年第一季到位。當局會有序安排居民接種，她說，由於本澳疫情不是很緊急，會部署接種，制定機制，讓例如有需要外出工作和讀書的人士先接種。
（英國《衛報》 / 澳門電台）
今日係12月1號，2020年即將成為過去。係時候告別一年嘅不快，展望未來！濠仔未來一個月將會從多個角度透視旅行相關嘅趨勢，一齊同大家迎接新一年嘅到來。
首先，當然要講吓今個冬天嘅天氣啦！氣象局近日公佈咗今年本澳冬季季度預報。根據最新觀測資料顯示，過去幾個月，赤道太平洋中、東部的水溫繼續下降，並已發展成「拉尼娜」現象。預測該地區水溫會喺今個冬季，即係今年12月至明年2月繼續偏低。「拉尼娜」現象將在今個冬季維持。
氣象局預測今個冬季澳門平均氣溫將屬於正常至偏低；而降雨方面，預測整季累積雨量將屬於正常至偏少。大家日常起居，就要注意啦！
以馬來西亞為基地的廉價航空亞洲航空（AirAsia），在最新的財務報表內，指將持續與旅遊業界和機場伙伴緊急合作刺激國內航空交通，並與低風險目的地商討建立旅遊氣泡。
亞航執行行政總裁在報表中指出，公司航線網絡集中於亞太地區，讓公司有機會比其他地區的航空公司更快復原。又預期泰國、南韓、新加坡、台灣、澳洲和中南半島會率先重開邊境。
但亞航亦向英文澳門新聞社表示，暫時不恢復往來澳門的航線。
為期十七日嘅第二十屆澳門美食節，星期五已經喺西灣湖廣場開幕啦！
今年美食節為咗配合特區政府嘅防疫措施，邀請咗過百家本地特色餐飲商號參加。想知道有咩好嘢食，跟住濠仔一齊走入西灣湖廣場啦！
為咗保障各位參加者嘅健康，大會已經做足準備功夫，包括入場時要持有「澳門健康碼」並經過體溫檢測。現場設有消毒潔手液供大家使用，更實施人潮管制，以及劃定指定用餐區，確保大家都有一個舒適飲食嘅環境。
今年旅遊界一句最潮口號係「staycation」。既然今年全部參加商號都係本地薑，其實都係一個好好嘅機會重新認識澳門嘅美食。例如茶，作為中國最具代表性嘅飲品，就有商號推陳出新，除了近年流行嘅冷泡茶外，仲將各種茶湯製成茶凍，實行飲得又食得！
華聯茶葉公司（G9）
冷泡茶MOP15
茶凍MOP35/6件/任選三款口味
外省菜喺澳門一直都佔有一定地位。喺風味美食街有一個攤位，個店名以為係食海鮮嘅，其實賣嘅係上海菜。食上海菜當然唔少得時令大閘蟹啦！呢度仲有港澳少見嘅蘇式酥皮月餅。天氣漸見清涼，一件熱辣辣、啖啖肉嘅月餅，再送一碗老鴨粉絲湯，令人暖在心頭！攤位嘅擋板亦十分有意思，值得細細回味。
鯉魚門（E6）
鮮肉月餅 MOP 10
美食節嘅口號係「品味世界 美食之都」，今年多家商號繼續為我哋帶來世界各地嘅美食。多家泰國同印度餐廳，都為會場帶來異國風情，各種旗幟、美食，以至員工嘅衣物，令人有一種返到好多人心中「第二故鄉」嘅感覺！而喺會場舞台嘅一角，亦有商號以一隻大大嘅「生蠔」裝飾攤位作招徠。櫃檯擺滿咗來自法國嘅生蠔，即開即食，十分新鮮。濠仔推薦佢哋獨家發售嘅「皇御」（Ostra Regal）生蠔。兩隻生蠔雖非極肥，但仍然食出頗為濃郁嘅海水味。CP值，高！
天蠔薈（B7）
皇御生蠔 MOP50/兩隻
澳門近年不少年輕人都投身到創業行列，而飲食業係其中一個熱門行業。美食節會場亦都有唔少年輕人嘅身影，售賣近期多種網紅美食，例如係蛋包飯、冰糖葫蘆、葡撻口味嘅蛋卷等。而喺深受大眾歡迎嘅日本街，有一個攤位專賣各式布甸，但又寫住Omakase。原來根據負責人介紹，呢間餐廳總店就真係賣由廚師長發辦嘅菜色。想了解更多，不妨喺美食節以外嘅時間去支持吓啦！
鮨玥Omakase（D17）
樽裝布甸MOP30
食完想消化一下再戰江湖？大家可以憑消費收據到遊戲區一試身手。最後再提提大家，為咗減少污染同浪費，入場記得自備餐具，買嘢食亦要適量購買啊！大家亦可以善用公共交通工具，以及由會場分別來往南灣國際銀行、黑沙環市場街，以及氹仔中央公園嘅免費穿梭巴士，咁就食得輕鬆又安心啦！
（廣告）
濠遊天下 Macau on Journey, 