越南峴港至順化曾經被美國《國家地理雜誌》入選為世界上「50個一生人必去嘅地方」之一，擁有有三處世界遺產、漫長嘅沙灘，同地道美食。
澳門航空目前每日有兩班來往澳門同峴港嘅航班。為慶祝暑假期間推出加班機，澳航仲推出咗機票優惠，來回！係來回機票MOP600起啊（未連稅）！
出發日期由7月13日到8月25日，優惠期到4月8日咋。快啲去澳航官網搶購啦！
航班時間：
購票網址：https://bit.ly/2YKoiS6
（圖片攝於2016年9月）
日本尋日宣佈咗新天皇採用嘅年號為「令和」，好多人都熱烈討論年號嘅來源同埋含意。由於日本同中國嘅複雜關係，版主基於求真精神，做咗啲資料搜集，先寫呢一篇帖文。
首先，「令和」二字，和字可以表示「和平」，亦係日本主要民族嘅自稱「大和」。而令字除咗代表「命令」，亦有「美好」嘅意思，例如成語「巧言令色」，「令」喺呢度如果唔係指「美好」，意思係會對唔上嘅。
正如大家所知，「令和」嘅典故係《萬葉集》嘅「初春令月，氣淑風和」，係日本第一次唔用中國典籍作為天皇年號。之前天皇嘅年號，唔係《史記》，就係《尚書》一類儒家經典。
《萬葉集》雖則係日本最早嘅詩集，但你打開一本《萬葉集》（當然係日文版啦），會發現有啲句子一般華人會睇得明（「初春令月」一句就屬於呢一種），而其他部分都係漢字，但讀落就好似天書咁。
咁係因為正文只係用漢字嚟標示日文發音，已經脫離咗中文嘅意思，即「萬葉假名」，係我哋熟悉嘅「平假名」同「片假名」嘅祖先。《萬葉集》成書於八世紀，係日本學習唐朝嘅高峰期，而且在理嚟講，外來文化由照抄、適應到自創都係需要過程嘅。
另一方面，好多人都已經發現相關詞句喺中國好多古典文獻都有，例如東漢張衡嘅《歸田賦》：「於是仲春令月，時和氣清」，而「氣淑風和」就有可能化用自東晉王羲之《蘭亭集序》：「天朗氣清，惠風和暢」。咁亦唔出奇，畢竟日本、朝鮮半島、越南等都係漢字文化圈嘅成員，但文化上後來都各自發展。日本首相安倍晉三喺記者會上話新年號「蘊含了在人們的美麗心靈相互靠近之中，文化誕生並成長的意思」，可謂係最好嘅註腳。
而實際嚟講，今次唔係天皇駕崩導致更改年號，有條件提前公佈新年號。但好有趣嘅係，根據共同社報道，日本保守派反而唔贊成咁做，怕有新舊天皇出現「雙重權威」嘅問題，最終安倍晉三以實用為主，決定尋日公佈新年號。
無論如何，新年號象徵住新時代嘅來臨，好多嘢，例如日曆、錢幣、電腦系統等，都需要跟住變，「平成」將會活在人們嘅記憶當中。日本天皇喺日本憲法下、作為「國民統合」嘅象徵，相信亦都係唔會改變嘅。希望日本喺新天皇帶領下，能繼續同其他國家，特別係亞洲鄰國，維持和平友好嘅關係。
（圖片來源：維基共享資源）
【三星堆博物館對港澳臺旅客免票開放】
四川省文化和旅遊廳消息，自今年4月1日起至12月31日，三星堆博物館將對港澳台遊客實行免門票政策。期間，香港、澳門、台灣等入境游客憑港澳居民來往內地通行證、台灣居民來往大陸通行證等有效身份證明，可享受門票優惠政策，辦理免票入園入館手續。
三星堆是長江文明之源、天府文化之根。作為四川乃至中國的「文化名片」，迄今三星堆已代表古蜀文明走進美國、意大利等50多個國家和地區，吸引著全世界的目光。
今年是三星堆遺址發現90週年、澳門回歸祖國20週年。據三星堆博物館負責人朱家可介紹，在「5.12」汶川地震發生後，澳門基金會援助了三星堆博物館及三星堆遺址災後恢復重建項目，總投資1.2億元，為三星堆文博事業健康、持續、快速發展提供了強有力的保障。為對援建表示感謝，三星堆博物館決定從4月1日起至年底，對港澳台同胞推出入園入館免票的優惠政策，以吸引更多的港澳台地區遊客前來廣漢觀光旅遊，從而認識和了解更多的中國悠久歷史文化。
為提供高效便捷的服務，廣漢三星堆博物館為享受此次免門票政策的對象特別提供兩種服務措施：一是互聯網預約服務，三星堆博物館將在攜程、美團、驢媽媽旅遊網等開通專門的免票預約通道；二是景區售票口將開闢港澳台同胞服務窗口，在檢票口開闢綠色通道，最大限度減免排隊等候時間。
前往方法
成都景區直通車武侯祠服務點（每天11:30開）或大熊貓繁殖研究基地服務點（每天12:30開）乘坐直達車
（平台媒體 / 維基共享資源）
比利時首都布魯塞爾係歐盟同北約嘅總部所在地，係西方政治軍事權力嘅重地。但講到當地最有名嘅「人物」，相信非「尿尿小孩」（荷蘭語：Manneken Pis，法語：le Petit Julien）莫屬了。每日都有世界各地嘅遊客到來，同佢合照留念。
最近「尿尿小孩」都跟上環保之風。一個小銅像可以點環保？咪就係佢啲「尿」囉！
原來，最近有個技工發現，自1619年銅像樹立喺呢度以來，啲「尿」係飲用水，仲直接排落下水道，年中浪費嘅食水達1,000至2,500公升咁多呀！
所以當局上星期採取行動，幫雕像加一條道管回收「尿尿」。市內其他噴泉都會跟進改善。
尿尿小孩前往方法：
位於布魯塞爾市中心大廣場西南、烘箱街（Rue de l’Etuve / Stoofstraat）和橡樹街（Rue du Chêne / Eikstraat）交界。自大廣場步行4分鐘即達
（2014年8月攝於布魯塞爾）
擁有世上最大蜥蝪、有「龍之島」之稱嘅印尼科莫多島，明年一月起要關閉啦！
印尼《雅加達郵報》星期五（3月29日）報道，當地政府發言人當日宣佈，2020年1月起將對外關閉科莫多島。
封島嘅決定係源於東爪哇警方揭發，有人試圖將41隻科莫多巨蜥走私出境，每隻要價5億印尼盧比（折合284,363澳門元）。
發言人表示，封島範圍只包括科莫多島，唔包括科莫多國家公園嘅其餘部分。發言人又表示，封島可以改善島上環境，確保巨蜥有足夠嘅食物，又可以集中精力幫助蜥蝪繁殖，增加佢哋嘅數量。政府又計劃喺島上廣植原生樹木，美化科島。
科莫多島前往方法：
先乘飛機到巴里島（登巴薩），再轉機到弗洛雷斯島嘅科莫多機場（位於拉布漢巴焦Labuan Bajo），然後乘渡輪前往
*****
版主：有人要走私科莫多龍，但你知道養科莫多龍有幾危險嗎？一來佢長大咗力大無窮，而且口水入面嘅細菌可以殺死一隻動物，係佢嘅「必殺技」！
野生動物係應該留喺佢哋本來嘅地方！
（圖片來源：Shutterstock / Kjersti Joergensen）
JR西日本繼同三麗鷗（Sanrio）推出Hello Kitty新幹線同埋關西機場特快Hello Kitty Haruka後再度攜手合作，推出有Hello Kitty塗裝嘅大阪環狀線・櫻島線列車。
今次特別版採用嘅係323型列車，行駛期間由4月1日到9月30日，而且塗裝列車只有一卡，出現嘅具體日期同時間亦唔會事先通知。要搭車碰著它就要碰吓運氣啦！
不過就算搭唔到，大家都仲可以喺大阪站、大阪城公園站、天王寺站及弁天町站同著上制服嘅Hello Kitty同Dear Daniel合照留念。另外仲有電子印章收集、周邊商品銷售等活動。
各位Hello Kitty嘅fans，千祈唔好錯過啦！
活動官網（目前只有日文）
https://www.jr-hellokittyshinkansen.jp/osakaloopline/
（部分圖片來源：維基百科）
尋日講完最繁忙航線，今日又講吓全球最佳機場啦！
每年發佈有關機場同航空公司數據嘅Skytrax日前公佈咗2019年度「全球最佳機場」嘅調查結果，今年「全球最佳機場」頭三位都係來自亞洲地區。新加坡嘅樟宜機場連續七年位居第一名，同時囊括咗「亞洲最佳機場」以及「最佳休閒設施」兩項榮譽。
日本東京嘅羽田機場同埋南韓仁川機場分別排喺二、三位。第四至第十名分別係以下呢幾個機場：
4. 多哈哈馬德國際機場
5. 香港國際機場
6. 日本中部國際機場
7. 慕尼黑機場
8. 倫敦希思魯機場
9. 成田國際機場
10. 蘇黎世機場
大中華地區方面，臺北桃園（13）、上海虹橋（16）、廣州新白雲（39）、海口美蘭（41）、西安咸陽（44）、深圳寶安（65）、北京首都（72）、成都雙流（75）、長沙黃花（99）都喺頭100名以內。國內線反而有驚喜！全球（唔係亞洲區）最佳國內線機場，內地有五個機場打入十大。
調查數據係訪問咗超過1,300萬乘客得出嚟嘅，評分標準涵蓋機場運作，包括報到、轉機、商店、安檢、出入境、登機等不同方面。
（2015年7月攝於樟宜機場）
由中華文化交流協會主辦的「澳門新八景」全球票選活動昨日（29日）揭曉結果，獲選「澳門新八景」的景點為：西望洋山、兩湖一塔、議事亭前地、龍爪角、路環漁村、戀愛巷、福隆新街及港珠澳大橋。
澳門中華文化交流協會會長李沛霖受訪時表示，是次特意邀請專家共同研究，且根據可觀性、獨特性等的原則挑選出20個代表性景點予大眾投票。而「澳門新八景」誕生後，將由專家命名委員會進行命名工作，預計今年上半年完成工作。
「澳門新八景」將繼續進行宣傳工作，與內地、台灣、澳門各地媒體合作進行推廣，並將與各界合作開展系列活動，包括郵電局將推行主題郵票設計發行；與澳門文創界聯手，打造一系列的文創產品，創作出屬於澳門回歸20周年文創產品；五月舉行專題攝影比賽活動，開放全球人士參與等，藉此推動澳門文化、旅遊多元發展，助力澳門發展成為世界旅遊休閒中心。
（摘自：力報）
（圖片來源：維基共享資源）
由荷里活男星里安納度狄卡比奧主演嘅電影《捉智雙雄》（Catch me if you can），最近喺印尼真實上演！
根據《雅加達郵報》報道，當局上星期五（3月23日）喺雅加達機場第三航廈拘捕咗一名假扮成印尼嘉魯達航空機師嘅男子。
佢當時穿著制服、持有員工證，但在安檢前喺航站附近徘徊，引起一名真機師嘅懷疑。真機師上前盤問，對方嘅回答語焉不詳。於是真機長就向保安報告。
機場警方刑事偵查組組長表示，假機師係由雅加達前往中爪哇三寶壟嘅乘客。佢向警方承認自己對成為機師有執念：「佢中學畢業後想考入飛行學校但失敗咗。」
疑犯喺星期五晚上仍接受問話。
（圖片來源：Kompas.com / 機場警方檔案）
吉隆玻─新加坡連續第二年成為全球最繁忙的國際航線。
根據以英國盧頓為基地的航空業諮詢機構OAG公佈的報告指出，過去一年，隆新客運航班共飛行30,187個班次 （平均每日82班，一小時3.44班） ，再次保住全球最繁忙航線的霸主地位。
去年，隆新航線首次取代香港─臺北航線，成為全球最繁忙的國際航線。
港臺航線以28,447個班次，成為全球第二最繁忙的國際航線。
全球最繁忙的前五個國際航線中，吉隆玻佔了兩個，另一個航線是雅加達─吉隆玻。另兩個列入前五名的航線是雅加達─新加坡，以及上海─香港。這相信與廉價航空的需求殷切，特別是從雅加達和吉隆玻出發的航班有關。
OAG亞太區主管帕泰爾說：「除了作為亞洲最繁忙機場樞紐的香港之外，新加坡、吉隆玻和雅加達已經成為亞洲新的『金三角』，影響力可以媲美美國航空核心的波士頓、紐約和華盛頓。」
（星洲日報）
（部分圖片：維基共享資源）
濠遊天下 Macau on Journey, 