星期日版主去咗香港聽一個關於斯里蘭卡嘅旅遊講座，星期一就收到一段消息，話當地實施「免簽證」云云。
點知仔細一睇，版主就知道係「中空寶」啦！因為原來報道話係「visa on arrival」，即係落地簽證，而且除咗臺灣無份外，港澳以及內地都仲未納入計劃內。
今次受惠嘅國家包括歐盟（i. e. 葡國護照有份！）、美國、日本、南韓、加拿大、紐西蘭等三十九個國家由，5月1號為期半年，而且仲係免簽證費！
不過消息都補充咗，當地都有考慮將計劃延伸至中國以及印度呢兩個最大的客源地。目前港澳特區護照持有人都要申請電子簽證。
斯里蘭卡電子簽證申請
http://www.eta.gov.lk
（圖片來源：維基共享資源）
喺素有「人間天堂」美譽嘅印度洋島國馬爾代夫，上星期二傳出咗呢張震撼嘅照片：
一隻綠海龜喺地面上生咗三隻蛋，但仔細留意一下，所在地唔係我哋平時見到幼細嘅沙灘，而係灰黑堅硬嘅柏油路面！原來海龜係會記得自己出世嘅地方，長大咗就會返去產卵。
但呢隻海龜嘅家鄉已經變成一座機場。
當地媒體話海龜媽媽健康無大礙，亦已經被放歸大海。但佢以後點算？佢嘅龜BB又點算？
我哋為開發旅遊業，叫大自然付出咗幾大代價？
春天百花盛開，依家亦正係臺北陽明山海芋花嘅季節。但有興趣參觀，甚至平時買返幾枝返屋企做裝飾嘅朋友，就要小心啦！
根據臺灣《聯合報》報引述林口長庚醫院臨床毒物中心主任顏宗海嘅介紹，海芋（姑婆芋）係天南星科植物中的一個屬，不少天南星科植物有高濃度嘅草酸鈣，唔小心誤食可能引起嘴唇與舌頭麻痛、喉嚨腫脹、吞嚥困難、噁心、嘔吐等，入到腸胃道就會引起腹痛不適。
國際期刊《臨床毒理學》曾刊登一篇研究指出，2003年，美國芝加哥一間自助餐廳發生客人食咗用天南星科植物製成嘅餸菜，有10個人集體發生草酸鈣中毒，其中1個甚至要入加護病房。
顏宗海說，澳洲昆士蘭州政府官方衛生教育資料指出，海芋成棵都有毒性，包括黃色穗和周圍嘅白色部位。皮膚接觸不致於有刺激反應，但接觸後應立即用清水洗淨，先好碰觸臉部、用手攞嘢食。家長應特別注意小朋友誤舔、誤咬或誤將接觸過海芋嘅手擺入口。
如果唔小心誤食發生中毒症狀，顏宗海提醒唔好催吐、大量灌水或灌牛奶，以避免嗆到造成吸入性肺炎而增加治療難度；呢個時候應立即就醫治療。
（攝於2013年3月）
版主：其實新加坡已經有環球影城，新山有Legoland，霍士世界喺雲頂到六月先開張。
而且一個地點三個主題樂園，所謂「三個和尚無水食」，今次政府會唔會吹水吹得太大呢？
唯一比較似樣嘅可能係迪士尼，雖然喺東京、香港、上海已經有樂園，但東南亞，甚至伊斯蘭世界嘅市場仍然有需求。到時職員會唔會戴頭巾呢？
據馬來西亞《東方日報》12日報道，世界三大著名主題公園，包括環球影城（Universal Studio）、霍士世界（Fox World）同埋迪斯尼樂園（Disney World）將會進駐雪蘭莪州瓜拉冷岳！
州大臣阿米魯丁透露，州政府已經接獲數個發展商的申請以興建上述三間主題樂園，目前被鑑定的地點是沿著哥打哥文寧至靠近昔江港的地段。
「雪州政府接獲瓜冷各式各樣的發展計畫，州政府相信瓜冷地區將是興建主題公園的理想地點。」
阿米魯丁是於今日主持州行政議會後，出席一項活動後向媒體這麼表示。
另外，瓜冷縣及土地官員莫哈末祖斯尼相信，隨著上述三間主題樂園進駐瓜冷，瓜冷有望將成為家庭出遊的首選。他透露，三間主題公園佔地800英畝，投資額超過150億令吉（折合約295億澳門元）。
「我有信心雪州政府將會批准這項計畫，以進一步推動瓜冷的經濟發展。瓜冷也成功獲選為2017年至2018年雪州最受歡迎的投資地點。」
（圖片來源：二十世紀霍士）
講起葡國，相信大家好少人諗到高山，更少人都會諗到會落雪。
但葡國係有山，亦都會落雪嘅！
位於葡國中部嘅埃什特雷拉山（Serra da Estrela，即係「星星山」咁解），上星期五（5日）上午九點由於有雪，部份山區道路被迫封閉。
埃什特雷拉山海拔1,993米，係葡國喺歐洲部份嘅最高點。當地有滑雪場，特產係用綿羊奶做原料、手工製作嘅芝士（Queijo Serra da Estrela）。當地牧羊犬亦係葡國最古老嘅原生狗種。
（圖片來源：維基共享資源 CC BY 2.0）
泰國一連五日嘅國曆新年（潑水節 / 宋干節）假期將會由星期五（12日）開始。但今年喺曼谷嘅慶祝活動可能會稍為失色一啲。
因為今年5月4日至6日，將會舉行泰王拉瑪十世（哇集拉隆功）嘅加冕大典。臨近典禮準備工作中心區域嘅考山路（Khaosan Road），今年將會取消正式嘅潑水節活動。
考山路一帶商家屆時仍將照常營業，但不會提供無限量用水和彩粉。
（圖片來源：REUTERS/Soe Zeya Tun）
澳門同珠海之間嘅關閘——拱北邊境係世界上最繁忙嘅邊境。而位於新加坡同馬來西亞新山之間嘅新柔長堤都非常繁忙。
但係講到出入馬來西亞，大家就要小心啦！
馬來西亞《中國報》星期日（7日）報道，有一對新加坡夫婦日前接完叔仔去新山之後返新加坡，結果發現護照無出境章。連原本當日要去雲頂嘅行程擔心再入境會出問題，都要取消。有親友建議換護照，而新加坡當局畀佢哋意見係：「印章重要，掃瞄護照更重要，至少系統可以查到出境記錄」並建議事主向駐新加坡嘅馬來西亞高級專員公署（相當於大使館）報告。
而原來新山移民局官員出錯已經唔係第一次。4月3日又有新加坡人去完新山，發現出境日期竟然係第二日（4月4日）。
*****
版主：2010年第一次去大馬，喺檳城機場入境，個移民局官員居然冇幫我護照蓋章。結果喺吉隆坡離境嘅時候，因為咁就畀人「的」入房，出示咗入境機票先走得！
（圖片來源：維基共享資源CC-SA-3.0）
細心嘅讀者有冇發現，版主之前幾日好似無出帖呢？
無錯，一方面趁清明休息一下，同埋版主之前考嘅導遊牌，終於有用武之地啦！呢幾日開始有團要招呼，生活節奏亦隨之而要調整。依家盡量會集中利用夜晚唔駛開工嘅時間，繼續同大家分享各項旅遊資訊同埋優惠，以及版主嘅旅行經驗同埋經歷。
為咗實現版主遊遍天下嘅夢想，版主會繼續努力！希望大家都可以繼續與我同行！
位於臺灣彰化市、有97年歷史嘅扇形車庫，係全臺灣唯一嘅同類車庫。
由於枕木及木棧道風化損壞嚴重，需進行枕木抽換工程，車庫自尋日（4月8日）到5月7日將暫停對外開放參觀。
大家去唔到車庫唔緊要，唔好唔記得彰化大佛、孔廟同埋電影《那些年，我們一起追過的女孩》入面嘅「精誠高中」啊！
（攝於2013年3月）
下個月日本就要迎接新天皇同埋「令和」新年號。除咗錢紙要印上新年號，就連設計都會變身！
日本政府今日宣布，一千、五千同一萬日元新鈔的圖樣，大家熟悉嘅福澤諭吉將退出一萬日元封面，由創立第一國立銀行，東京證券交易所嘅澀澤榮一取代。
五千日元繼續由女性擔綱，由創立津田塾大學嘅津田梅子取代作家樋口一葉。而一千日元就由醫學家、細菌學家北里柴三郎取代另一位醫學家野口英世。
新鈔發行嘅主要目的在於防偽。新鈔2024年上半年起陸續發行。另外，同樣具有新防偽技術嘅新版500日圓預計會喺2021年上半年起陸續發行。
至於2000日元設計就唔會改變。
濠遊天下 Macau on Journey, 