海豚因為其可愛模樣以及高智能，受到不少大人細路喜愛。喺好多地方，與海豚共泳，甚至來個親密接觸，都係好受歡迎嘅旅遊項目。

不過喺美國夏威夷，未來要同當地嘅長吻飛旋海豚一齊游泳，恐怕會成為難事了。

美國國家海洋及大氣管理局上月底宣佈，為保護呢種夜行動物，將會喺10月28日起，禁止喺50碼範圍內游泳。距離夏令營海岸兩浬嘅一切船隻都需要遵守呢項措施。

當局解釋「海豚同所有動物一樣都需要休息。」「缺乏持續不受干擾嘅休息時間會消耗海豚覓食及育兒嘅體力。長期喺日間與人類接觸可能居於當地嘅族群對構成風險。」管理局指出，數十年來為遊人表演嘅壓力已經對海豚構成傷害。

長吻飛旋海豚以佢哋會為取悅目擊佢哋嘅人而喺空中作出飛旋嘅行為著名。佢哋會喺夜間覓食，日間會留喺海邊，呢個習慣使與佢哋共泳成為受遊客歡迎嘅玩樂。

善待動物組織（PETA）評論指，任何關愛動物嘅人應該避免與動物嬉戲嘅觀光活動。「大部份人參加與海豚共泳嘅活動時都心懷好意，但如果佢哋知道海豚虛假笑臉背後真相，佢哋會對自己真實支持嘅事感到錯愕。」

管理局方面亦正考慮禁止人類進入茂宜島及夏威夷島、海豚喺日間棲息嘅部份地區。

（Travel + Leisure）