上周末紐約某知名漢堡包店落戶澳門，不過喺CNN最新一期全球50大美食排名入面，漢堡包都只係排名第六啫！

來自泰國南部嘅瑪莎曼咖哩取代咗上屆冠軍，來自印尼嘅仁當（今次排第十一）。第二、三、四名分別係源自拿坡里嘅義大利薄餅、朱古力同埋日本壽司，都係我哋常見嘅菜式。

至於中國排名最高嘅就係第五位嘅北京填鴨啦！東南亞兩道名菜：檳城嘅喇沙同泰國冬蔭功分列第七同第八。大熱天時大人細路都鍾意嘅雪糕排第九。而第十係來自西非加蓬嘅姆安巴雞（Chicken muamba），同東非莫桑比克、排十二嘅piri-piri雞都係偏向香辣口味。至於來自葡國、喺澳門發揚光大嘅葡撻就排第十六，算係半隻腳上榜啦！鄰近香港嘅西多士排第三十八。

澳門雖然地方細細，都可以食到來自不同國家嘅美食，實在相當幸福。喺疫情仲未結束嘅時期，大家不妨花點時間，品嚐本地同發現各地嘅美食啦！

CNN2021年全球50大美食完整名單